18.5.2009

Skötubót
 

Fjaran okkar austan við byggðina í Þorlákshöfn er í daglegu tali nefnd Skötubót.  Skötubótin er skemmtilegur staður fyrir útivist, ungir sem aldnir njóta þess að ganga og leika sér í þessari fallegu sandfjöru.  Hún er sólarströnd okkar Þorlákshafnarbúa og á heitum sumardögum er gaman að fara og baða sig í sjónum.

Á íbúaþinginu sem haldið var í Þorlákshöfn árið 2004 nefndu börnin í Þorlákshöfn m.a. fallega og skemmtilega fjöru sem einn af aðalkostum þess að búa í Þorlákshöfn. Þau vildu gjarnan gera ylströnd í Skötubót.