Bæjarráð

285. fundur bæjarráðs Ölfuss

haldinn  í ráðhúsi, 9. febrúar 2017 og hófst hann kl. 08:15.

 

 

Fundinn sátu:

Jón Páll Kristófersson formaður, Anna Björg Níelsdóttir varaformaður, Þrúður Sigurðardóttir aðalmaður, Sigurlaug Berglind Gröndal áheyrnarfulltrúi, Gunnsteinn R. Ómarsson bæjarstjóri og Guðni H. Pétursson bæjarritari.

 

Fundargerð ritaði:  Guðni Pétursson, bæjarritari.

 

Dagskrá:

 

1.   Fasteignamál: Kauptilboð í húseignina Selvogsbraut 4 - 1702001
Lagt fram tilboð í fasteignina Selvogsbraut 4.

Samþykkt samhljóða að fela formanni bæjarráðs og forseta bæjarstjórnar að ræða við tilboðsgjafa.
 
2.   Félagsmál: Umsókn um styrk v/1blárstrengur - 1702003
Lögð fram beiðni um 200 þúsund kr. fjárstyrk til verkefnisins "1 Blárstrengur" sem ætlað er að vekja athygli á kynferðisofbeldi gagnvart drengjum.

Samþykkt samhljóða að vísa erindinu til skólaþjónustu- og velferðarnefndar til umsagnar.
 
3.   Fjarskiptamál: Ísland ljóstengt - 2016-2018 - 1603028
Lögð fram niðurstaða opnunar styrkbeiðna fyrir verkefnið "Ísland ljóstengt 2017"
Sveitarfélagið Ölfus sótti um styrk til tveggja verkefna í Selvogi og við Biskupstungnabraut en fékk ekki úthlutun.

Til kynningar.
 
4.   Félagsmál: Aflið - beiðni um rekstrarstyrk - 1702007
Aflið Akureyri sækir um fjárstuðning til stuðnings starfi félagsins sem veitir þolendum ofbeldis og eineltis aðstoð og þjónustu.

Samþykkt samhljóða að vísa erindinu til skólaþjónustu- og velferðarnefndar til umsagnar.

 
5.   Byggingarmál: Gatnagerðargjöld íbúðarhúsalóða í Þorlákshöfn - 1602021
Lögð fram tillaga þess efnis að veita 33% afslátt af gatnagerðargjaldi út árið 2017 á öllum lausum íbúðarhúsalóðum í Þorlákshöfn þar sem gengið hefur verið endanlega frá götum.

Samþykkt samhljóða.

 
6.   Snorraverkefnið: Umsókn um styrk 2017. - 1610012
Sótt er um styrk til sveitarfélagsins vegna Snorraverkefnisins 2017.

Samþykkt samhljóða að hafna erindinu.
 
9.   Innheimtumál: Motus hf.-Breytingar á viðskiptakjörum. - 1702009
Lagt fram minnisblað frá Motus ehf. með hugmyndum og tillögum að breytingum á viðskiptakjörum sveitarfélagsins við félagið.
Bæjarritari gerði frekari grein fyrir tilurð minnisblaðsins og innihaldi þess og lagði til að samningur milli aðila um innheimtuþjónustu yrði endurnýjaður til næstu 3ja ára frá undirskriftadegi á grundvelli minnisblaðsins.

Samþykkt samhljóða.
 
7.   Fasteignir: Viðbygging íþróttahúss - 1702004
Lögð fram tillaga þess efnis að skipa starfshóp vegna undirbúnings viðbyggingar við íþróttahús og að eftirtaldir aðilar skipi hópinn:

Jón Páll Kristófersson formaður
Þrúður Sigurðardóttir
Hákon Hjartarson
Júlíana Ármannsdóttir
Ragnar Sigurðsson

Gert er ráð fyrir því að vinnuhópurinn leggi fram þarfagreiningu vegna viðbyggingar og í framhaldi af henni hefjist hönnunarvinna.
Hópurinn skili niðurstöðum fyrir 1. apríl n.k.

Samþykkt samhljóða.
 
8.   Umhverfismál: Lífrænn úrgangur til landgræðslu - 1702005
Lögð fram skýrslan "Lífrænn úrgangur til landgræðslu-tækifæri" sem unnin var af Landgræðslu ríkisins.

Til kynningar.

 
10.   Fjármál: Fjárhagsupplýsingar Sveitarfélagið Ölfus 2016-2018 - 1602017
Kynntar bráðabirgðatölur um rekstarniðurstöðu sveitarfélagins fyrir árið 2016 og farið yfir helstu lykiltölur.
Rekstur sveitarfélagsins gekk vel á árinu 2016 og bráðabirgðatölur sýna að gera má ráð fyrir mun betri afkomu þess en gert var ráð fyrir í fjárhagsáætlun ársins.
 
11.   Æskulýðs- og íþróttamál: Styrkbeiðni frá Hestamannafélaginu Háfeta - 1612021
Á fundinn var mættur Stefán Jónsson frá Hestamannafélaginu Háfeta og gerði hann grein fyrir umsókn félagsins um styrk vegna ýmissa viðhaldsverkefna á svæði félagsins við Faxabraut sem lögð var fyrir fund bæjarráðs þann 12. janúar s.l.

Vék hann síðan af fundi.
Samþykkt samhljóða að fela formanni bæjarráðs og íþrótta- og æskulýðsfulltrúa að skoða erindið nánar.
 
12.   Umhverfismál: Töfrastaðir - 1702010
Á fundinn var mætt Auður Ottesen og gerði grein fyrir verkefninu "Töfrastaðir" sem vinnur að því að skapa samfélög sem hugsa betur um náttúrulegar hliðar mannsins sem og náttúruna í umhverfinu.

Vék hún síðan af fundi.

Samþykkt samhljóða að fela bæjarstjóra og formanni skipulags- bygginga- og umhverfisnefndar að vinna áfram að málinu.
 
13.   Rekstrarleyfi: Umsagnarbeiðnir sýslumanns - 1603023
Lagt fram bréf Sýslumannsins á Suðurlandi dags. 7. febrúar s.l. þar sem óskað er eftir umsögn sveitarfélagsins á umsókn Hermanns Guðmundssonar um rekstrarleyfi vegna reksturs gististaðar í flokki II að Fossseli Ölfusi.

Samþykkt samhljóða að mæla með veitingu leyfisins.
 
14.   Samstarf sveitarfélaga: Fundagerðir stjórnar samtaka orkusveitarfélaga 2016-2018 - 1601032
Fundargerð stjórnar Samtaka orkusveitarfélaga frá 20. janúar s.l. lögð fram.

Til kynningar.
 

 

 

 

Fleira ekki gert. Fundi slitið kl. 10:10.

 

 

Jón Páll Kristófersson    Anna Björg Níelsdóttir
 Þrúður Sigurðardóttir    Sigurlaug Berglind Gröndal
 Gunnsteinn R. Ómarsson    Guðni H. Pétursson
     

 



Tungumál



Grunnskóli Þorlákshafnar

Útlit síðu: