Leikskólinn Bergheimar
V/ Hafnarberg
815 Þorlákshöfn
Sími: 483 3808
Fax: 483 3809
leikskolinn@olfus.is
Heimasíða leikskólans er www.bergheimar.is
Skólastefna Sveitarfélagsins Ölfuss
Leikskólastjóri: Guðlaug Ásgerður Eiríksdóttir asgerdur@olfus.is
Aðstoðarleikskólastjóri: Dagný Erlendsdóttir dagny@olfus.is
Bergheimar er fjögurra deilda leikskóli fyrir börn á aldrinum tveggja til sex ára. Leikskólinn er opinn frá kl.07.30 til kl:17.00.
Verklagsreglur um starfsemi Leikskólans Bergheima
Stefna leikskólans byggist að mestu á kenningum John Dewey (1859 - 1952) "learnig by doing" en hann sagði að börn lærðu best í daglegu starfi og í gegnum leikinn þ.e. að læra af eigin reynslu enda taldi hann að börnum væri meðfætt að læra.
Börnum sem kennt er að bjarga sér sjálf t.d. með að klæða sig, að matast, að þrífa sig, að leika sér og með að tjá hug sinn og langanir hafa þann grunn sem þarf til að bæta stöðugt við sig af nýrri reynslu. Menntun taldi Dewey börnin öðlast með því að fá að reyna, prófa og æfa sig og í samskiptum við aðra. Einnig lagði hann ríka áherslu á að bóknám og verknám væri samfellt og að það væri samfella milli heimilis og skóla og einnig milli skólastiga. Barnið á að læra í leikskóla að vera hluti af samfélaginu bæði í nútíðinni og til framtíðar.
Dewey taldi að leikskólinn ætti að taka mið af siðum og venjum ólíkra einstaklinga og kenna lífsleikni (virðingu fyrir sjálfum sér og öðrum, víðsýni og umburðarlyndi) og kenna þær undirstöðureglur (sjálfræði og sjálfshjálp) sem taldar eru þurfa til að halda lýðræðislegu samfélagi gangandi.
