Fréttir
Suðurstrandarvegur opnaður formlega við hátíðlega athöfn
Í dag var Suðurstrandarvegur formlega opnaður með hefðbundinni borðaklippingu sem innanríkisráðherra Ögmundur Jónasson sinnti ásamt Hreini Haraldssyni vegamálastjóra. Athöfnin fór fram rétt austan vegamótanna við Krýsuvíkurveg þar sem sólin skein á gesti og umhverfið skartaði sínu fegursta. Að lokinni athöfn bauð Vegagerðin til kaffisamsætis í Ráðhúskaffi í Þorlákshöfn.
Vegurinn er 57 km langur frá Grindavík í vestri að Þorlákshöfn í austri en hann liggur um þrjú sveitarfélög, Grindavík, Hafnarfjarðarbæ og Sveitarfélagið Ölfus.
