Menningarnefnd Ölfuss stendur fyrir tónleikaröðinni Tónar við hafið yfir vetrarmánuðina. Tónleikar eru alla jafna einu sinni í mánuði frá september fram í maí. Reynt er að hafa efnisskrána fjölbreytta svo tónleikarnir höfði til sem flestra. Fjölmargir hafa lagt menningarnefndinni lið við að gera Tóna við hafið að föstum lið í vetrardagskrá sunnlendinga og eru öllum sem að komu færðar þakkir. Sérstaklega ber þó að þakka Menningarráði Suðurlands sem hefur stutt vel við Tóna við hafið síðustu árin.
Dagskrá Tóna við hafið 2010 - 2011
10. September kl. 20:30
Á fyrstu tónleikum vetrarins munu söngvararnir Ragnheiður Gröndal og Egill Ólafsson ásamt hljóðfæraleikurunum Sigurði Flosasyni, Kjartani Valdemarssyni og Matthíasi Hemstock flytja lög Sigurðar Flosasonar við ljóð Aðalsteins Ásbergs Sigurðssonar. Þarna renna saman jazz, popp, klassík og þjólagatónlist og skapa bræðing sem hæfir efninu vel.
Tónleikarnir eru í Ráðhúsinu í Þorlákshöfn.
17. október kl. 17:00
Guðrún Ingimarsdóttir, sópransöngkona, Sigrún Eðvaldsdóttir, fiðluleikari og Anna Guðný Guðmundsdóttir píanóleikari flytja verk eftir Bach, Händel, Holst, Mozart og fleiri.
--------Upplýsingar um næstu tónleika á eftir verða settar inn um leið og endanleg tímasetning er komin, en framundan eru tónleikar með blásarsveit, Diddú og Söngfélagi Þorlákshafnar, tónleikar með þjóðlagasveitinni Narodna Musika og vinsæl popphljómsveit sem verður með tónleika snemma á næsta ári.
Músíkmaraþonið verður aftur haldið í apríl og auðvitað söngleikurinn í maí.
