Leikfélag Ölfuss, Blessað barnalán

Blessað barnalán fjallar um Þorgerði gömlu sem á fimm uppkomin börn en gamla konan þráir ekkert heitar að öll börnin komi saman á æskuheimilinu þar sem hún býr enn ásamt Ingu einni af dætrunum. Mæðgurnar plana sumarfríið og eiga von á að öll systkinin snúi heim til að njóta austfirsku sumarblíðunnar með þeim. En hvað gerist þegar systkinin afboða komu sína hvert af öðru? Jú, Inga grípur til sinna ráða, arkar uppá símstöð og sendir skeyti: „mamma er dáin – komið strax – Inga“. Atburðarásin sem fer af stað í kjölfar skeytisins er hreint óborganleg og óhætt að lofa því að magavöðvarnir fái ærlega hreyfingu. 


Leikarar að þessu sinni eru: Helena Helgadóttir, Ásta Margrét Grétarsdóttir, Róbert Karl Ingimundarson, Aðalsteinn Jóhannesson, Ingólfur Arnarson, Erla Dan Jónsdóttir, Jóhanna Hafdís Leifsdóttir, Oddfreyja H. Oddfreysdóttir, Kristín Svanhildur Helgadóttir, Kolbrún Dóra Snorradóttir, Ragnhildur Ýr Gunnarsdóttir og Árný Leifsdóttir.

Þetta er í fjórða skipti sem Gunnar Björn leikstýrir hjá LÖ en áður hefur hann sett upp verkin Blúndur og blásýra, Maður í mislitum sokkum og Himnaríki.

Hlökkum til að sjá ykkur í leikhúsinu 

Miðaverð er 2500 kr.

Miðasala í síma 6920939 (Rakel) eða Guðrún 7761301 (Guðrún)
Leikfélag Ölfuss