| |
1. 1611042 - Þorlákshöfn: Ferjusiglingar | Lagður fram samningur milli Sveitarfélagsins Ölfuss/Þorlákshafnar og P/F Smyril Line vegna aðstöðu í og við höfnina fyrir reglubundnar ferjusiglingar og vöruafgreiðslu.
Hafnarstjóri undirritar samninginn f.h. Þorlákshafnar og bæjarstjóri f.h. Sveitarfélagsins Ölfuss.
Samningurinn samhljóða samþykktur af hálfu hafnarstjórnar.
Bókun frá Gesti Kristjánssyni:
"Ég samþykki samninginn en í ljósi þess hversu stutt er í komu ferjunnar geri ég athugasemdir við að samningur hafi ekki verið lagður fram fyrr til samþykktar í hafnarstjórn sem og bæjarstjórn í ljósi þess hversu miklar framkvæmdir og skuldbindingar ráðast þarf í til að uppfylla samninginn."
| | |
|
2. 1506073 - Þorlákshöfn: Hafnarframkvæmdir, viðhald og endurbætur | Lagt fram tilboð frá Malbikun og völtun ehf. í malbikun á yfirborði ramps.
Hafnarstjórn samþykkir tilboðið.
Framkvæmdir við höfnina hafa gengið mjög vel. Búið er að fjarlægja Norðurvararbryggju og hlaða alla öldudempandi fláa. Dýpkunarframkvæmd er langt komin en unnið er að dýpkun næst landi og milli Skarfaskers- og Svartaskers. Á næstu dögum verður byrjað að fjarlægja grjótgarð í innsiglingu. | | |
|
3. 1703031 - Þorlákshöfn: Tollverndar- og geymslusvæði | Lagt fram tilboð frá Suðurverki í jarðvinnu á tollverndarsvæði.
Tilboðinu, sem er í samræmi við fjárfestingaráætlun hafnarinnar, hefur verið tekið og eru framkvæmdir í gangi.
Hafnarstjórn staðfestir töku tilboðsins. | | |
|
4. 1608016 - Þorlákshöfn: Umferðar- og öryggismál á hafnarsvæðinu | Lagt fram tilboð frá Verslunartækni í eftirlitsmyndavélar fyrir tollverndarsvæði og Skarfaskersbryggju.
Tilboðinu, sem er í samræmi við fjárfestingaráætlun hafnarinnar, hefur verið tekið og unnið er að uppsetningu.
Hafnarstjórn staðfestir töku tilboðsins. | | |
|
| |
5. 1506070 - Þorlákshöfn: Skipulagsmál á hafnarsvæði | Skipulags-, byggingar- og umhverfisnefnd fjallaði um deiliskipulagstillögur á hafnarsvæðinu á fundi 14. mars. sl. Fyrir liggja tvær tillögur, tilaga E og F og hefur SBU heimilað að unnin verði skipulagslýsing fyrir deiliskipulagshugmyndinni þar sem sýndir eru tveir kostir. Þá hefur SBU bókað að skipulagslýsingin og tillögur E og F verði kynntar samkvæmt skipulagslögum fyrir íbúum og hagsmunaaðilum.
Hafnarstjórn tekur undir afgreiðslu SBU en það er mikilvægt að framkvæmd verkefnisins verði unnin eins hratt og kostur er. | | |
|
| |
6. 1703032 - Þorlákshöfn: Stálþil á Svartaskersbryggju | Köfunarþjónustan hefur tekið myndir og þykktarmælt stálþil á Svartaskersbryggju. Skv. niðurstöðum rannsóknarinnar er ástand þilsins ekki gott og hafnarstjórn telur að brýnt sé að endurnýja það svo fljótt sem verða má. | | |
|