Fundargerðir

Bæjarstjórn Ölfuss - 288

Haldinn í fjarfundi,
25.02.2021 og hófst hann kl. 16:30

Fundinn sátu: Gestur Þór Kristjánsson forseti bæjarstjórnar,
Steinar Lúðvíksson 1. varaforseti,
Grétar Ingi Erlendsson bæjarfulltrúi,
Jón Páll Kristófersson bæjarfulltrúi,
Þrúður Sigurðardóttir bæjarfulltrúi,
Sesselía Dan Róbertsdóttir 1. varamaður,
Vilhjálmur Baldur Guðmundsson 1. varamaður,
Elliði Vignisson bæjarstjóri, Sandra Dís Hafþórsdóttir sviðsstjóri.

Fundargerð ritaði: Sandra Dís Hafþórsdóttir, sviðsstjóri

Forseti óskaði eftir að taka inn á afbrigðum mál nr.2008031, fundargerð 345.fundar bæjarráðs og 17.fundargerð skipulags- og umhverfisnefndar . Í þeirri fundargerð þarf að taka fyrir sérstaklega mál nr.1903025.
Samþykkt samhljóða.

Dagskrá:

Almenn mál

1. 1903025 - DSK Sunnu- Mána- og Vetrarbraut - Egilsbraut 9 - 9an

Á síðasta skipulags- og umhverfisnefndarfundi var erindi um breytingu á deiliskipulagi frestað meðan könnuð væri þörfin fyrir byggingalóðir eyrnamerktum eldri borgurum. Komið hefur í ljós að lítil eftirspurn er eftir lóðum til að byggja þannig húsnæði á, bæði hjá byggingaraðilum og leigufélögum.

Afgreiðsla nefndar: Nefndin beinir því til bæjarstjórnar að skipulagsfulltrúa verði falið að ganga frá málinu með auglýsingu sbr. 2.mgr. 43. gr. skipulagslaga nr. 123/2010, þannig að lóðunum við Vetrarbraut megi úthluta samkvæmt almennum úthlutunarreglum sveitarfélagsins svo fljótt sem verða má.

Jón Páll Kristófersson, Þrúður Sigurðardóttir og Vilhjálmur Baldur Guðmundsson bæjarfulltrúar O-listans lögðu fram eftirfarandi bókun:

,,Bæjarfulltrúar O- listans telja ekki ráðlegt né tímabært að úthluta og ráðstafa öllum fyrirhuguðum lóðum við Vetrarbraut án þess að horft sé til þess að a.m.k. hluti þeirra muni nýtast eldri íbúum sveitarfélagsins sérstaklega.
Eins og skýrt er tekið fram í greinargerð með áður gerðri breytingu á deiliskipulagi var markmiðið að fjölga íbúðum fyrir eldri íbúa í nágrenni við dagdvöl og aðra þjónustu að Egilsbraut 9. Í viðkomandi greinargerð var ekki talað um að nýta svæðið undir íbúðir á almennum markaði.
Við leggjumst ekki gegn því að skoðað verði að þessum lóðum verði úthlutað að hluta án takmarkanna en áður en lengra er haldið teljum við mikilvægt að greina betur framtíðarþörfina á viðkomandi húsnæði. Sveitarfélagið þarf að setja sér skýra stefnu í þeim efnum og jafnframt eiga samtal við íbúa í þeirri vinnu. Sú vinna ætti m.a. að fara fram í nefnd um heildarendurskoðun á aðalskipulagi."

Tillaga nefndarinnar lögð fyrir fundinn, samþykkt með 4 atkvæðum bæjarfulltrúa D-listans, 3 fulltrúar O-listans greiddu atkvæði gegn tillögunni.

2. 2101011 - ASK og DSK Árbær 4 íbúðarhús í stað opins svæðis til sérstakra nota

Efla leggur fram óverulega breytingartillögu á aðalskipulagi Ölfuss 2010-2022.

Á 12.fundi skipulags- og umhverfisnefndar var tekið fyrir og samþykkt að breyta mætti aðalskipulagi vegna lóðarinnar Árbær 4 með óverulegri aðalskipulagsbreytingu í samræmi við 2.msgr. 36.gr.skipulagslaga. Verið er að breyta svæði til sérstakra nota í landbúnaðarsvæði.
Rökstuðningur fyrir málsmeðferð: Nýja landnotkunin telst vera minna íþyngjandi fyrir hagsmunaaðila en sú eldri, enda er landbúnaðarsvæði víðast umhverfis landið sem hér um ræðir og er því ekki líkleg til að hafa mikil áhrif á einstaka aðila eða hafa áhrif á stór svæði.

Afgreiðsla nefndar: Samþykkt að beina því til bæjarstjórnar að skipulagsfulltrúa verði falið að ganga frá málinu í samræmi við 2.msgr. 36.gr.skipulagslaga nr. 123/2010 m.s.br.