Áhugaverðir staðir
  • Geitafell
  • hengill

Sveitarfélagið Ölfus er vestast í Árnessýslu. Heildarstærð þess er um 750 ferkílómetrar og eru íbúarnir um 2.000 talsins. Helstu atvinnugreinar eru fiskveiðar og vinnsla, verslun og þjónusta, landbúnaður og iðnaður. Í dreifbýlinu eru margar góðar reiðleiðir, enda er mikið um hrossarækt og hestamennsku í Ölfusinu.

Þéttbýlisstaður sveitarfélagsins er Þorlákshöfn með rúmlega 1.600 íbúa. Nafnið er dregið af Þorláki helga Skálholtsbiskupi (1133-1193) og fer tvennum sögum af tilkomu nafnsins. Önnur sagan segir að staðurinn hafi fengið þetta nafn eftir að Þorlákur biskup steig þar á land þegar hann kom frá biskupsvígslu 1178. Hin sagan segir að eigandi jarðarinnar hafi í sjávarháska heitið á Þorlák helga sér til liðsinnis og svo gefið Skálholti jörðina. Talið er að áður hafi jörðin heitið Elliðahöfn.

Útræði hófst snemma frá Þorlákshöfn. Meðan gert var út á áraskipum var ekki óalgengt að róið væri á 20-30 skipum frá Þorlákshöfn og hafa því íbúarnir verið um 3-400 yfir vertíðina. Núverandi þéttbýli myndaðist um og upp úr miðja síðustu öld í kjölfar uppbyggingar öflugrar útgerðar á vegum Meitilsins hf. Mikil fólksfjölgun varð einnig á 8. áratugnum eftir eldgosið í Heimaey.

Hægra megin á síðunni eru tenglar yfir á upplýsingasíður um einstaka staði í sveitarfélaginu.



Tungumál



Risakrabbinn skoðaður

Útlit síðu: