8. mars 2010
Þorlákshafnarbúinn Jón Guðni Fjóluson valinn í A landsliðið í knattspyrnu

Þorlákshafnarbúinn Jón Guðni Fjóluson valinn í A landsliðið í knattspyrnu   Ólafur Jóhannesson, landsliðsþjálfari, hefur valið landsliðshópinn er mætir Færeyjum og Mexíkó í vináttulandsleikjum í mars.  Fyrri leikurinn við Færeyjar fer fram í Kórnum í Kópavogi sunnudaginn 21. mars. En seinni leikurinn verður við Mexíkó í Charlotte í Bandaríkjunum, miðvikudaginn 24. mars. Fjórir nýliðar voru valdir í hópinn þessu sinni og er Jón Guðni einn þeirra. Við óskum honum innilega til hamingju með þennan frábæra árangur.      

1. mars 2010
Góður árangur í körfuknattleik

Hamar/Þór varð bikarmeistari í unglingaflokki karla í körfuknattleik eftir sigur á Njarðvík 61 – 60.  Leikurinn var jafn og spennandi allan leikinn og var sigurinn því sætur. Oddur Ólafsson var útnefndur maður leiksins með 18 stig, 4 stoðsendingar og 4 stolna bolta en næstur honum var Páll Helgason með 12 stig og 6 fráköst. Þeir Ragnar, Baldur Þór og Bjarni Rúnar áttu einnig fínar rispur í liði Hamars/Þórs.        Drengjaflokkur Hamars/Þórs varð að sætta sig við 2. sætið eftir hörku viðureign við sameiginlegt lið Snæfells og Skallagríms. Lokatölur voru 78 – 80 Snæfell/Skallagrím í vil.  Hjalti Valur Þorsteinsson var með 22 stig, Oddur Ólafsson með 18 ...