Fjárhagsaðstoð

Fjárhagsaðstoð

Fjárhagsaðstoð er veitt samkvæmt lögum um félagsþjónustu sveitarfélaga en samkvæmt þeim er hverjum og einum skylt að framfæra sjálfan sig, maka sinn og börn yngri en 18 ára.  Í lögunum er einnig kveðið á um að sveitarfélag skuli veita íbúum sínum þjónustu og aðstoð sem er til þess fallin að bæta úr vanda eða koma í veg fyrir að fólk lendi í þeirri aðstöðu að geta ekki séð fyrir sér og sínum.  

Ráðgjafar í velferðarþjónustu taka við fjárhagsaðstoðarumsóknum.  Í umsókn þurfa m.a. að koma fram upplýsingar um fjölskyldugerð, atvinnu, húsnæði, tekjur, skuldir og eignir.  Fjárhagsaðstoð er skattskyld.  Umsókn er fyrir einn mánuð í einu og þarf umsækjandi að sækja um mánaðarlega ef þörf er á.  Ýmsar ástæður geta legið að baki því að fólk þurfi fjárhagsaðstoð, svo sem lág laun, atvinnuleysi eða veikindi. Aðstoðin er óháð barnafjölda, þar sem reiknað er með að barnabætur, meðlög og barnalífeyrir mæti kostnaði vegna barna.  Vaxtabætur og húsaleigubætur mæta mismunandi kostnaði vegna húsnæðis.  Heimilt er að veita einstaklingum og fjölskyldum aðstoð vegna sérstakra aðstæðna, sbr. IV. kafla í reglum um fjárhagsaðstoð.  Ráðgjöf vegna fjármála er veitt þar sem þörf er fyrir hana og alltaf í tengslum við fjárhagslega aðstoð.

Umsókn um fjárhagsaðstoð.

Reglur um fjárhagsaðstoð.

Ef sækja á um fjárhagsaðstoð er nauðsynlegt að fylla út umsókn og óska eftir viðtali við félagsráðgjafa. Tímabókanir eru í síma 480 3800.