Gyða Dögg íþróttamaður Ölfuss 2015

Akstursíþróttamaðurinn Gyða Dögg Heiðarsdóttir var valin íþróttamaður Ölfuss árið 2015 við hátíðlega athöfn í Ráðhúsi Ölfuss fyrr í dag en þetta var í 17. sinn sem valið fer fram.

Gyða var fyrir nokkru valin mótorhjóla- og snjósleðakona Íslands árið 2015 af MSÍ og hlaut viðurkenningu frá ÍSÍ fyrir frábæran árangur á árinu. Stóð hún sig frábærlega á síðasta ári í sinni íþrótt. Ekki nóg með að hún varð Íslandsmeistari í motocrossi kvenna heldur sigraði hún allar keppnir í mótaröðinni með nokkrum yfirburðum. Gyða er 16 ára gömul og hefur hún æft stíft undanfarin ár og á framtíðina fyrir sér í íslensku motocrossi.

Tólf íþróttamenn voru tilnefndir í kjörinu um íþróttamann ársins þetta árið og hér að neðan má sjá alla þá sem tilnefndir voru. Einnig voru viðurkenningar veittar til þeirra sem unnið hafa bikar- eða Íslandsmeistaratitil á árinu og/eða hafa keppt með landsliði Íslands í sinni grein.

Myndir

 

Davíð, Halldór, Magnús og Jón.

íslandsmeistarar í drengjaflokki í körfuknattleik.

 

Sólveig, Fannar og Eva Lind (mamma)

Viðurkenningar fyrir góðan árangur í frjálsum íþróttum

 

Jóhanna

Viðurkenning. Sterkasta kona Íslands

 

Halldór og Sigrún (pabbi)

Viðurkenning fyrir þátttöku í yngri landsliðum í körfuknattleik.

 

Tilnefndir sem íþróttamaður SÖ.

 

Þorkell Þráinsson fyrir knattspyrnu

Monika Sjöfn Pálsdóttir fyrir hestaíþróttir

Atli Freyr Maríönnuson fyrir hestaíþróttir

Grétar Ingi Erlendsson fyrir körfuknattleik

Styrmir Dan Steinunnarson fyrir frjálsaríþróttir

Berglind Dan Róbertsdóttir fyrir badminton

Gyða Dögg Heiðarsdóttir fyrir akstursíþróttir

Eva Lind Elíasdóttir (mamma) fyrir knattspyrnu og frjálsaríþróttir

Aðalbjörg Ýr Sigurbergsdóttir (mamma) fyrir fimleika

Guðmundur Karl Guðmundsson fyrir knattspyrnu

Ingvar Jónsson fyrir golf (engin mynd)

Arna Björg Auðunsdóttir fyrir fimleika  (engin mynd)

 

Gyða Dögg íþróttamaður ársins 2015

Við óskum öllum þeim sem hlutu viðurkenningu og tilnefningar innilega til hamingju með frábæran árangur á síðasta ári.

Allar myndirnar eru frá Hafnarfréttum.