Kynningarfundir um ljósleiðara

Nýverið gerðu Sveitarfélagið Ölfus og Gagnaveita Reykjavíkur með sér samning um lagningu ljósleiðara og rekstur háhraða gagnaflutningskerfis í sveitarfélaginu. Þjónustuframboð verður það sama og almennt er á þjónustusvæði Gagnaveitunnar.  Fyrirhugað er að leggja ljósleiðara til íbúðarhúsa í dreifbýli Ölfus ef næg þátttaka næst.  Engin stofngjöld verða innheimt vegna tengingar íbúðarhúsa en fyrirtækjum og eigendum sumarhúsa býðst að tengja hús sín gegn stofngjaldi.

Kynningarfundur um verkefnið í dreifbýlinu verður haldinn í Básnum, Efstalandi, mánudaginn 10. mars n.k. kl. 20.  Til fundarins verða eingöngu boðaðir íbúar og eigendur íbúðarhúsa í dreifbýli Ölfuss en fljótlega verður haldinn kynningarfundur í Þorlákshöfn fyrir íbúa þéttbýlisins og verður tímasetning hans kynnt síðar.

Með kærri kveðju,

Gunnsteinn R. Ómarsson,
bæjarstjóri