Nýtt uppblásið íþróttahús í Hveragerði

Vígsluhátíð fór fram í Hamarshöllinni á Vorsabæjarvöllum í Hveragerði í tengslum við bæjarhátíðina, Blómstrandi daga, sunnudaginn 19. ágúst. En þetta er fyrsta uppblásna íþróttahúsið á Íslandi, 5.100 fermetra fjölnota íþróttahús Kostnaður við húsið nemur um 300 milljónir króna. Öllum landsmönnum var boðið að vera við vígsluna og mætti bæjarstjóri Ölfuss og óskaði Hvergerðingum innilega til hamingju með daginn.

Meðfylgjandi mynd af Ólafi Erni Ólafssyni og Aldísi Hafsteinsdóttur, bæjarstjórum Ölfuss og Hveragerðis, tók Magnús Hlynur Hreiðarsson, blaðamaður Dagskrárinnar