Fréttir Álfaheimar

Í dag var fyrsti rugldagurinn eftir sumarfrí, en þá fá börnin að flakka á milli deilda. Börnunum þykir mjög spennandi að fá að fara á aðrar deildir og leika sér með annað dót og er því ávallt mikið fjör á þessum degi.

Blær kom í dag til baka í leikskólann eftir sumarfrí. Björgunarsveitarmenn komu með hann til okkar og fannst börnunum það mjög spennandi. Blær er því kominn á deildina til okkar. Við munum byrja fljótlega á verkefnum með Blæ.

Í dag fórum við og gerðum æfingar á heilsustígnum. 

Í morgun fórum við á Álfaheimum í berjamó fyrir neðan kirkjuna. Berin voru misstór en við náðum að týna töluvert af þeim. Við ætlum að bjóða börnunum að fá þau út á grautinn í fyrramálið :)

Í sumar var hópur 1 í grenndarkennslu og fóru meðal annars að skoða minnisvarðann eftir Egil Thorarensen (eplið), útsýnisskífuna á útsýnispallinum og sjónarrönd við Ráðhúsið. Einnig fóru þau í pöddu og ormaskoðun og tóku með sér stækkunargler til að sjá það betur. Einnig var farið út með eggjabakka …

Í sumar fór hópur 2 í nokkrar göngur. Þau skoðuðu meðal annars Listaverkið við Sjónarrönd við Ráðhúsið. Fóru að leita að plöntum, steinum og fleira í eggjabakka (voru með myndir á eggjabakkanum af því sem þau áttu að finna). Skoðuðu minnisvarðann um Egil Thorarensen (eplið), fiskana í Ráðhúsinu og f…

Í dag var söngstundin haldin með öðruvísi sniði.  Lilja Rós spilaði leikskólalög á píanó og Elísabet Bjarney spilaði á Ukulele og söng ásamt börnum og starfsfólki. Í lokin voru sýnd hreyfilög í sjónvarpinu og reyndu allir að taka þátt :)

Í gær fórum við í fjarsjóðskistuleit á leikskólalóðinni. Gaman er að sjá hvað börnin hafa mikinn áhuga á þessu og eru dugleg að finna vísbendingarnar eftir myndunum :)

Í gær fór hópur 2 út fyrir lóðina að skoða skordýr og orma sem leyndust í náttúrunni. Þau tóku með sér stækkunargler til að skoða og komu heim með orm og snígil í litlu stækkunarglersboxi til að skoða betur og leyfa fleirum að sjá :)

Hópur 1 fór að skoða Lat í gær. Lesið var fyrir þau á skiltið þar sem sagt er um hann. Þeim fannst ekki leiðinlegt að klifra upp á hann og höfðu líka mikinn áhuga á hestunum en ekki var hægt að koma nálægt þeim vegna rafmagnsgirðingar.