Fréttir Ásheimar

Í júní er ein afmælisdama hjá okkur á Ásheimum. Íris Lilja varð 2 ára þann 12. júní, við óskum henni innilega til hamingju með daginn.

Í gær fórum við til Þuríðar og Ármanns að skoða hænurnar. Börnin fengu að gefa þeim korn og saltstangir. Þau voru ekki öll á því að gefa þeim saltstangirnar heldur rötuðu þær oft frekar upp í börnin ;) Síðan var þeim boðið að halda á hænunum en það voru ekki allir á því. Þetta var skemmtileg ferð og…

Í dag kom Tommi með tvo heimalinga í heimsókn til okkar í lóðina. Börnin voru mikið glöð að fá þessa heimsókn. Sumir fengu að gefa þeim mjólk úr pela og svo hlupu börnin í hringi á eftir þeim um lóðina. Við þökkum Tomma kærlega fyrir þessa skemmtilegu heimsókn.

Síðustu vikur höfum við verið að vinna í að setja niður grænmeti í matjurtargarðinn okkar. Á okkar deild settum við bæði niður lauk og kartöflur. Einnig settum við niður sólblómafræ í dósir sem börnin voru búin að skreyta. 

Í apríl eiga þrjú börn á Ásheimum afmæli. Þau Gunnar Erlingur, Snædís Jóhanna og Frosti Hrafn eru orðin tveggja ára. Innilegar hamingjuóskir með afmælin ykkar. 

Í morgun fórum við í gönguferð í skrúðgarðinn. Þegar við komum í skrúðgarðinn fengu allir að hlaupa aðeins um og prófa að rúlla sér niður brekku. Eftir það tíndum við rusl sem við fundum í umhverfinu og settum í poka.

Alexandra Björk og Hafsteinn Elí urðu 2 ára í febrúar. Óskum við þeim innilega til hamingju með afmælin.

Í dag vorum við með uppákomu í söngstund. Börnin fóru upp á svið og sungu A ramm samm samm og gerðu hreyfingarnar með. Síðan var dansað með hákarlalaginu sem er í miklu uppáhaldi hjá börnunum. Þetta gekk mjög vel og flest börnin tóku eitthvað þátt þótt sum hafi verið hálf feimin upp á sviði.

Öskudagur var haldinn hátíðlegur hér á miðvikudaginn og komu öll börnin í búningum af því tilefni.