Fréttir Ásheimar

Ýmsar myndir úr starfinu í júní og nokkrar síðan í maí.

Við fórum í blíðunni í gær í gönguferð að Hafnarnesvita. Börnin voru ótrúlega dugleg að ganga og skemmtu sér vel í fjörunni. Það var svo gaman að við ætluðum varla að fá þau til baka aftur. 

Í síðustu viku fórum við til Ármanns og Þuríðar og fengum að skoða hjá þeim hænurnar. Alltaf gaman að kíkja þangað í heimsókn, takk kærlega fyrir að taka á móti okkur.

Í dag var grill og hjóladagur og komu börnin með hjól og hjálma að heiman. Hjólað var á bílastæðinu hér fyrir framan og kom löggan svo í heimsókn og allir fengu skoðun á hjólið sitt ásamt límmiða. Síðan voru grillaðar pylsur og voru þær borðaðar inni. 

Í júní eiga tvö börn hjá okkur á Goðheimum afmæli en það eru þau Viktoria Ösp og Hafsteinn Ísarr. Óskum þeim innilega til hamingju með daginn.

Síðustu daga hafa börnin verið að búa sjálf til ýmiskonar leikrit og þegar búið er að æfa þau aðeins er haldin sýning. Í morgun var ein slík sýning.

Á fimmtudaginn í síðustu viku var haldin uppskeruhátíð en með því lauk samstarfi okkar við 1. bekk þennan veturinn. 1. bekkur kom í heimsókn til okkar í nýja salinn og fór með stafrófsvísuna fyrir okkur. Við á Goðheimum sungum fyrir þau lag og síðan var haldið "Just dance" ball þar sem dansað var vi…

Í síðustu viku var haldin útskrift fyrir elstu börnin í leikskólanum sem eru að fara í grunnskólann í haust. Gaman var að sjá hve margir foreldrar sáu sér fært að mæta og taka þátt í þessari athöfn með okkur. 

Á þriðjudaginn fórum við að skoða nýfæddu lömbin en það voru bæði Kaisa og Rannveig sem tóku á móti okkur. Fyrst fórum við til Kaisu en þar fengum við líka að sjá kanínur og skoðuðum hestana þar við hliðina. Síðan fórum við yfir til Rannveigar þar sem við fengum að klappa lömbunum aðeins. 

Á laugardaginn þann 12. maí verður Ágústa Ósk 6 ára. Við á Goðheimum óskum henni innilega til hamingju með daginn.