Nemendaráð á yngsta stigi

Í dag var stór dagur á yngsta stigi þegar formlega var stofnað nemendaráð.

Nemendaráðið samanstendur af fulltrúum úr bekkjum yngsta stigs og er hlutverk þess að koma rödd nemenda á framfæri, leggja fram hugmyndir og taka þátt í að gera skólalífið enn skemmtilegra og betra fyrir alla. Á fyrsta fundinum var farið yfir hlutverk ráðsins og rætt um hvað felst í því að vera fulltrúi; að hlusta á aðra, segja skoðun sína og vinna saman.

Síðan var hugstormað af krafti og hugmyndirnar létu ekki á sér standa. Meðal þess sem kom upp var:

• litadagur
• dótadagur
• náttfata- og bangsadagur
• fleiri leiktæki á skólalóðinni
• ömmu- og afadagur

Það var greinilegt að hugmyndaflugið er mikið og áhuginn sömuleiðis. Við hlökkum til að fylgjast með starfi nemendaráðsins í vetur og sjá hugmyndirnar þeirra verða að veruleika.