Heilsustígurinn í Þorlákshöfn
Í Þorlákshöfn er heilsustígur með 15 æfingastöðvum og er skemmtileg leið til að upplifa bæinn samhliða heilsurækt.
Upphafsstöð heilsustígsins er við íþróttamiðstöðina. Þaðan liggur heilsustígurinn eftir gönguleiðinni framhjá Grunnskólanum í Þorlákshöfn, Leikskólanum Bergheimum og um stíginn sem umlykur íbúðahverfin Berg og Hraun. Þaðan fer hann framhjá ráðhúsinu, Skrúðgarðinum, framhjá grunnskólanum á ný, að dvalarheimili aldraðra og suður fyrir sundlaugina aftur að íþróttamiðstöðinni.
