Dagforeldrar

Eins og stendur, er þörf fyrir dagforeldra í Sveitarfélaginu Ölfusi.

Til að fá starfsleyfi til daggæslu í heimahúsum þarf að uppfylla skilyrði sbr. reglugerð um daggæslu í heimahúsi nr. 907/2005.

Dagforeldrar sjá sjálfir um skráningu og innritun barna. Sveitarfélagið Ölfus greiðir framlag með börnum hjá dagforeldrum. Skilyrði um niðurgreiðslu er að barnið eigi lögheimili í sveitarfélaginu. Greiðslukvittunum skal skila á bæjarskrifstofu Sveitarfélagsins Ölfuss eða senda til olfus@olfus.is 

Framlög vegna dvalar hjá dagforeldrum
Bæjarstjórn Ölfuss samþykkir að greiða mánaðarlega í ellefu mánuði á ári framlag vegna dvalar barna hjá dagforeldri. Ekki er greitt fyrir sumarleyfismánuði, júlí eða ágúst. Sjá gjaldskrá

Ábyrgð foreldra og dagforeldra
Þegar foreldrar/forráðamenn velja dagforeldri fyrir barn sitt er mikilvægt að þeir kynni sér vel þjónustuna sem í boði og allan aðbúnað hjá dagforeldri.

Foreldrar/forráðamenn skulu gera skriflegan samning við dagforeldrið um dvalartíma og gjald fyrir vistunina. Ákvörðun um vistun barnsins er ætíð á ábyrgð foreldra/forráðamanna.

Daggæsla í heimahúsi á að vera góð og uppbyggileg fyrir barnið og skal vera rekin af fagmennsku og umhyggju fyrir börnum. Foreldrar ættu að hafa þetta í huga þegar þeir velja dagforeldri fyrir barnið sitt. Gott er að hafa að leiðarljósi að foreldrar eru að kaupa þjónustu af dagforeldrum og því eðlilegt að gera kröfur um gæði.