Fæðingar- og foreldraorlof

Tilkynning til vinnuveitanda

Starfsmaður skal tilkynna yfirmanni sínum um fyrirhugaða tilhögun fæðingarorlofs með að minnsta kosti átta vikna fyrirvara.

Starfsmaður fyllir út eyðublaðið „Tilkynning um fæðingarorlof“  og undirritar. Yfirmaður staðfestir tilhögunina með undirskrift sinni og skilar eintaki til launadeildar.

Ekki er nauðsynlegt að tilgreina nákvæma dagsetningu upphafs fæðingarorlofs á eyðublaðinu; heimilt er að merkja að orlofið hefjist frá fæðingardegi barns.

Tilgreina þarf:

• Lengd fæðingarorlofs

• Áætlaðan fæðingardag barns

Réttur til fæðingarorlofs

Starfsmenn eiga rétt til fæðingar- og foreldraorlofs samkvæmt lögum nr. 144/2020 og ákvæðum kjarasamnings.

• Heildarlengd fæðingarorlofs er 12 mánuðir.

• Hvoru foreldri um sig eru tryggðir 6 mánuðir.

• 6 vikur af réttinum eru framseljanlegar milli foreldra.

Umsókn um greiðslur úr Fæðingarorlofssjóði

Foreldri skal sækja um greiðslur til Vinnumálastofnunar:

• 6 vikum fyrir áætlaðan fæðingardag, frumættleiðingu eða töku barns í varanlegt fóstur.

• Vilji foreldri hefja orlof fyrir áætlaðan fæðingardag, skal sækja um greiðslur 3 vikum fyrir fyrirhugaðan upphafsdag.

Útreikningur greiðslna byggir á tekjuupplýsingum sem Vinnumálastofnun aflar frá skattyfirvöldum.

Foreldraorlof

Foreldri á rétt á fjögurra mánaða foreldraorlofi til að annast barn sitt.

Réttur til foreldraorlofs stofnast:

Réttur til foreldraorlofs stofnast:

• við fæðingu barns

• við frumættleiðingu eða töku barns í varanlegt fóstur (miðað við dagsetningu þegar barnið kemur inn á heimilið)

• ef sækja þarf barn til annars lands getur orlof hafist við upphaf ferðar, enda liggi fyrir staðfesting um að barnið verði frumættleitt.

Rétturinn fellur niður þegar barn nær átta ára aldri. Ef réttur hefur fallið niður en barn greinist síðar með alvarlegan og langvinnan sjúkdóm eða fötlun, getur rétturinn orðið virkur aftur fram að 18 ára aldri.

Hvoru foreldri um sig á sjálfstæðan og óframseljanlegan rétt til foreldraorlofs.

Athugið að foreldraorlof veitir ekki rétt til greiðslu launa úr Fæðingarorlofssjóði.