Auglýsingar og ráðningar

 Ráðningarferli

Almennt eru laus störf hjá sveitarfélaginu auglýst opinberlega á vef Sveitarfélagsins Ölfuss. Með því er tryggt að jafnhæfir umsækjendur hafi jafnan aðgang að upplýsingum og að framgangur í starfi sé sanngjarn og gagnsær.

Í ákveðnum tilvikum er heimilt að auglýsa störf eingöngu innan viðkomandi stofnunar, ef um er að ræða uppfærslu innan starfsgreinar. Þetta getur til dæmis átt við þegar auglýst er staða aðstoðarskólastjóra eða deildarstjóra innan sama skóla.
Lágmarksumsóknarfrestur er tvær vikur.

Val á starfsfólki

Við ráðningar er ávallt lögð áhersla á að velja hæfustu umsækjendurna sem völ er á. Við mat á umsækjendum er horft til:

• Menntunar

• Starfsreynslu

• Færni

• Hæfni og viðhorfa

Fylgja skal jafnréttisstefnu sveitarfélagsins í öllum ráðningum.

Ábyrgð og ákvarðanataka

• Bæjarstjórn ræður í helstu stjórnunarstöður sveitarfélagsins.

• Forstöðumenn stofnana, í samráði við bæjarstjóra, ráða annað starfsfólk í samræmi við samþykkt um stjórn og fundarsköp Sveitarfélagsins Ölfuss.