Að byrja í nýju starfi

 Velkomin til starfa hjá Sveitarfélaginu Ölfusi

Hjá Sveitarfélaginu Ölfusi starfar fjölbreyttur hópur starfsfólks á hinum ýmsu stofnunum og deildum. Lögð er rík áhersla á að starfsfólk sé ánægt í starfi, bæði með starfsumhverfi og starfsanda.

Í starfsmannastefnu sveitarfélagsins kemur fram að markmið fjölskylduvænnar starfsmannastefnu sé að styðja við jákvætt og uppbyggilegt samband starfsmanna og stjórnenda. Mannauður sveitarfélagsins er sá þekkingarauður sem býr í starfsmönnum þess – menntun þeirra, færni og viðhorfum. Starfsmenn mynda sterka liðsheild sem vinnur saman að því að tryggja ánægju íbúa og veita fyrirmyndarþjónustu.

Á sumrin fjölgar starfsfólki um helming þegar sumarstarfsfólk og vinnuskóli hefja störf.

Starfsfólk Ölfuss sinnir fjölbreyttum og mikilvægum verkefnum sem stuðla að velferð og ánægju íbúa, hvort sem um er að ræða störf í leik- og grunnskólum, heimilishjálp, sambýli, rekstur mannvirkja, hafnarstarfsemi, stjórnsýslu eða önnur verkefni.