Þjónusta fyrir eldra fólk

Félagsleg heimaþjónusta

Í Ölfusi er veitt fjölbreytt stuðningsþjónusta fyrir aldraða, bæði inni á heimilum og utan þeirra. Markmið þjónustunnar er að efla einstaklinga til sjálfshjálpar og gera þeim kleift að búa sem lengst á eigin heimili við sem eðlilegastar aðstæður. Þjónustan miðar að því að fólk geti búið í sjálfstæðri búsetu sem lengst. Reglur um stuðningsþjónustu hjá Sveitarfélaginu Ölfusi

Félagsleg heimaþjónusta er fyrir alla aldurshópa.

Þjónusta í boði

• Stuðningur við athafnir daglegs lífs
• stuðningur við almennt heimilishald og þrif
• félagslegur stuðningur 
• hvatning í formi innlits
• aðstoð við innkaup

Þjónustutími
Félagsleg heimaþjónusta er almennt veitt á dagvinnutíma á virkum dögum. Boðið er upp á innlit í kvöld og helgarþjónustu.

Nánari upplýsingar eru veittar hjá Kolbrúnu Unu, kolbrun@olfus.is 

Framreiðslueldhús, Egilsbraut 9

Opið er í hádeginu alla virka daga frá kl. 11:30 – 13:00. Hægt er að panta matarbakka um helgar sem eru afhentir á föstudögum.
Lokað er á stórhátíðardögum, en hægt er að panta matarbakka þá daga.
Við viljum leggja okkar að mörkum til draga úr matarsóun og óskum eftir að þjónustuþegar skrái sig fyrirfram ef óskað er eftir að koma í mat.

Heimsendur matur er ætlaður þeim sem af heilsufarsástæðum geta hvorki annast matseld sjálfir né komist ferða sinna hjálparlaust. 

Dagdvölin Von

Dagdvölin Von er rekin að Egilsbraut 9. Dagdvölin er stuðningsúrræði fyrir einstaklinga sem búa í heimahúsum og þurfa aðstoð og aðhlynningu yfir daginn. Markmið dagdvalar er að þeir sem þangað koma geti búið lengur heima og jafnframt að rjúfa félagslega einangrun. Þjónustan er einstaklingsmiðuð og tekur tillit til þarfa hvers og eins. Dagdvölin er opin frá kl. 08:30-15:00 alla virka daga.

Umsókn um dagdvöl

Virkni og vellíðan

Sveitarfélagið Ölfus býður eldra fólki uppá gjaldfrjálsa líkamsþjálfun í samstarfi við Færni sjúkraþjálfun. 

• Líkamsþjálfun: Mán kl.10:00 og fim kl. 9:30 | 9unni | Hjörtur S. Ragnarsson sjúkraþjálfari, hjortur@faerni.is 
• Líkamsþjálfun: Þri og fös | kl.10:00 | Íþróttahús | Hjörtur Ragnarsson sjúkraþjálfari

• Sund: Gjaldfrjáls aðgangur allt árið | Sundlaugin í Þorlákshöfn, Hafnarberg 41

Þjónusta í boði hjá einkaaðilum gegn gjaldi:

• Færni sjúkraþjálfun: opin alla virka daga | Íþróttamiðstöð | Hjörtur S. Ragnarsson sjúkraþjálfari, hjortur@faerni.is , sími 696 3546.

• Slitgigtarskólinn: Þri og fim | kl.10-11 | Íþróttahús | thorfridur8787@gmail.com 

• Einkaþjálfun /spinning /þrektímar: Í Ræktinni í íþróttamiðstöð Þorlákshafna| Nánari upplýsingar s. 4803890

• Vatnsleifimi: Sundlaugin í Þorlákshöfn | umsjón: Ester Hjartardóttir s. 6974400

• Hatha jóga: Jógahornið| umsjón: Sóley Einarsdóttir s. 8623422

• Golfnámskeið á sumrin: | umsjón: Ingvar Jónsson PGA golfkennari s. 8999820

   

• Fótaaðgerðarfræðingur kemur aðra hvora viku á Egilsbraut 9 og getur fólk bókað tíma í síma 483 3614.

Félagsstarf aldraðra

Virk þátttaka í félagsstarfi lífgar upp á daginn og getur stuðlað að betri andlegri, líkamlegri og félagslegri heilsu. Félagsstarfið er skipulagt af Félagi eldri borgara í Ölfusi í samvinnu við forstöðumann. Starfið fer að miklu leyti fram á Egilsbraut 9.

Sjá stundaskrá fyrir veturinn 2025-2026

Heilbrigðisþjónusta

Heilsugæslustöðin í Þorlákshöfn
Selvogsbraut 24 - 815 Þorlákshöfn
sími: 432-2440
Heilsugæslustöðin er opin virka daga frá kl. 8-16:00
Skráning í símatíma heimilislæknis og hjúkrunarfræðings.

Sjá nánari upplýsingar hér

Heimahjúkrun frá HSU

Beiðni um heimahjúkrun og heimaþjónustu getur komið frá sjúklingi sjálfum, aðstandendum, sjúkrahúsum eða öðrum stofnunum. Hjúkrunarfræðingar ásamt fagaðila frá félagsþjónustu aldraðra meta þörf einstaklings fyrir heimahjúkrun. Heimahjúkrun er fyrir þá sem búa heima og þurfa reglulega þjónustu, til dæmis vegna sjúkdóma eða í kjölfar veikinda og slysa. Sjá nánari upplýsingar hér

Færni og heilsumat

Matið er faglegt, einstaklingsbundið mat á þörfum einstaklinga fyrir varanlega búsetu á hjúkrunar- og dvalarheimilum. Um er að ræða staðlað mat ásamt skilgreindum upplýsingum frá heilbrigðis- og félagsþjónustu og svæðisskrifstofu málefna fatlaðra auk læknabréfa frá læknum viðkomandi eftir því sem við á. Sjá nánari upplýsingar hér 

Tannlæknaþjónusta í Þorlákhöfn og nágrenni

Sjá upplýsingar um tannlæknaþjónustu

Félagslegar leiguíbúðir fyrir eldri borgara

Með leiguíbúð aldraðra er átt við félagslegt leiguhúsnæði sem sérstaklega er ætlað öldruðum. Í Ölfusi eru leiguíbúðirnar á Níunni, Egilsbraut 9.
Leiguíbúðir aldraðra eru ætlaðar þeim sem þurfa aðstoð og stuðning til að geta búið á eigin heimili, sbr. 1. gr. laga nr. 125/1999, um málefni aldraðra. Um leiguíbúð aldraðra er fjallað í IV. kafla í reglum um félagslegt húsnæði, sjá hér. Í fylgiskjali 3, bls. 18, í reglunum má finna matsviðmið sem Fagteymi húsnæðismála tekur mið af þegar umsóknir eru metnar. 

Umsókn má finna hér.

Afslættir og niðurgreiðslur

Elli - og örorkulífeyrisþegum sem eiga lögheimili í Sveitarfélaginu Ölfusi standa ýmsir afslættir og niðurgreiðslur til boða.

• Sund og líkamsrækt

Frítt er í sund fyrir 67 ára og eldri í boði Sveitarfélagsins Ölfuss. Einnig er öllum íbúum 60 ára og eldri og öryrkjum boðið uppá líkamsþjálfun þar sem markmiðið er að byggja upp og bæta líkamlega og andlega heilsu, sjá hér
40% afsláttur er veittur í tækjasal Ræktarinnar.

• Árskort á bæjarbókasafn Ölfus er án endurgjalds fyrir eldriborgara og öryrkja
  
  
•  Garðaþjónusta fyrir aldraða/öryrkja

Sveitarfélagið Ölfus niðurgreiðir garðslátt/garðaþjónustu til eldri borgara og örorkulífeyrisþega með lögheimili í Sveitarfélaginu Ölfusi yfir sumarmánuðina. Markmiðið er að koma til móts við ellilífeyris- og örorkulífeyrisþega sem eru með 75% örorku og geta ekki hjálparalaust hirt lóðir sínar og nefnast því þjónustuþegar. Sjá nánari upplýsingar í reglum um niðurgreiðslu garðaþjónustu. Umsókn má finna í íbúagátt

• Snjómokstursþjónusta fyrir aldraða/öryrkja

Mokstursþjónusta fyrir eldri borgara og öryrkja er við sérstakar aðstæður framkvæmdar samkvæmt umsókn til félagsþjónustunnar. Sjá nánari upplýsingar um rafræna umsókn hér

Þessari þjónustu verður ekki sinnt fyrr en að forgangi 1 og 2 er lokið eða samkvæmt ákvörðun verkstjóra.

• Afsláttur af fasteignagjöldum 

Hægt er að sækja um afslátt af fasteignaskatti og holræsagjaldi samkvæmt ákvörðun bæjarstjórnar Ölfuss ár hvert samkvæmt reglum þar um.