Sumarnámskeið

Boðið er upp á fjölbreytt og skemmtileg námskeið á sumrin og finna vonandi allir eitthvað við sitt hæfi.

Það verður fjör í sumar !

Sumarið 2026 verður í fyrsta skipti boðið uppá sumarfrístund fyrir fötluð börn

Tilgangurinn er að skapa öruggt, jákvætt og uppbyggilegt umhverfi þar sem hvert barn fær tækifæri til að blómstra, efla hæfni sína og njóta samveru með öðrum.

Við leggjum áherslu á að verkefnin séu aðlöguð hverju barni og að þátttaka sé bæði hvetjandi og skemmtileg.

Njótum sumarsins, verum örugg og leikum saman

Mikilvægt er að allir taki höndum saman og hugi að öryggismálum í sumarleikjum. Trampolín eru nokkuð algeng í görðum og er brýnt að foreldrar ítreki fyrir börnum að sýna aðgát og að öryggisnet séu uppsett. Munum líka eftir hjálmunum í sumar, hvort sem við erum á hjóli, hestbaki, línuskautum eða brettum.

Góðar samverustundir fjölskyldunnar búa til góðar minningar

Reynslan hefur sýnt að foreldrar sem taka virkan þátt í lífi barna sinna eru besta forvörnin. Samvera foreldra og barna er afar mikilvæg og gefast mörg tækifæri til slíkra stunda á sumrin.