| |
| 1. 1602017 - Fjármál Fjárhagsupplýsingar Sveitarfélagið Ölfus 2019. | |
Samanburður við sama tímabil í fyrra sýnir að skatttekjur hækka um rúm 8% á milli ára eða um 134,5 milljónir.
Gjöld vegna félagsþjónustu hækka um 12% á milli ára, fara úr 217 milljónum í 243 milljónir og fræðslu- og uppeldismál hækka um 2,9% og fara úr 753 milljónum í 775 milljónir. | | |
|
| 2. 1907011 - Fjárhags- og framkvæmdaáætlun Ölfuss 2020-2023 | |
Fyrir bæjarráði lágu drög að fjárhagsáætlun sveitarfélagsins 2020-2023.
Farið var yfir forsendur og helstu liði áætlunarinnar og samþykkt samhljóða að vísa henni til fyrri umræðu í bæjarstjórn.
| | |
|
| 3. 1911016 - Styrkbeiðni - hreinsunarátak 2020. | |
Fyrir bæjarráði lá erindi frá Kvenfélaginu Bergþóru í Ölfusi þar sem óskað var eftir stuðningi til að standa fyrir hreinsunarátaki í dreifbýlinu. Óskað er eftir 70.000 kr. styrk til að mæta útlögðum kostnaði.
Bæjarráð þakkar Kvenfélaginu Bergþóru þann samfélagslega áhuga sem fram kemur í erindinu. Ráðið samþykkir styrkbeiðnina og vísar henni til gerðar fjárhagsáætlunar fyrir næsta ár. | | |
|
| 4. 1911027 - Lista- og menningarsjóður úthlutun 2019 | |
Fyrir bæjarráði lágu fjórar umsóknir um framlög úr lista- og menningarsjóði Ölfuss.
1. Hörður Skúlason sækir um 100.000 kr. styrk til gerðar stuttmyndar við kvikmyndaskóla.
Bæjarráð hafnar styrkbeiðninni þar sem hún uppfyllir ekki þær kröfur sem gerðar eru til umsókna í Lista- og menningarsjóð Ölfuss.
2. Skólalúðrasveit Grunnskólans í Þorlákshöfn sækir um 150.000 kr. styrk til að mæta hluta kostnaðar við fyrirhugaða þátttöku í lúðrasveitamóti skólalúðrasveita á Ítalíu.
Bæjarráð samþykkir styrkbeiðnina.
3. Lúðrasveit Þorlákshafnar sækir um 200.000 kr. styrk til að mæta kostnaði við jólatónleikana "Jól við hafið" sem haldnir verða í Íþróttamiðstöðinni.
Bæjarráð samþykkir styrkbeiðnina.
4. Leikfélag Ölfuss sækir um 400.000 kr.styrk vegna leikstjóralauna fyrir sýninguna Kleinur.
Bæjarráð samþykkir styrkbeiðnina.
| | |
|
| 5. 1810027 - Götulýsing í Þorlákshöfn. | |
Fyrir bæjarráði lá afrit af verksamningi við Rafvör ehf. um útskiptingu á ljósastaurum í Bergunum í Þorlákshöfn að verðmæti 1.906.216 kr.
Bæjarráð samþykkir samninginn fyrir sitt leyti. | | |
|
| |
| 6. 1908040 - Gjaldskrár Sveitarfélagsins Ölfuss 2020. | |
Fyrir bæjarráði lá gjaldskrá Þorlákshafnar sem áður hefur fengið samþykki Framkvæmda- og hafnastjórnar.
Bæjarráð þakkar kynninguna. | | |
|
| 7. 1704002 - Lagafrumvörp Beiðni Alþingis um umsögn. | | Til kynningar. | | |
|
