| |
| 1. 1602017 - Fjármál Fjárhagsupplýsingar Sveitarfélagið Ölfus. | |
Fjárhagsstaða aðalsjóðs Ölfuss fyrir tímabilið 1. janúar til 30. apríl 2025 er í heild sinni í samræmi við fjárhagsáætlun. Innheimtar skatttekjur námu alls 1.271 milljónum króna, sem jafngildir 31% af áætluðum tekjum ársins, og er það í takti við tekjur sama tímabils fyrra árs þegar tekið er tilliti til þróun íbúafjölda og verðlagsbreytinga, eða 112% miðað við fyrra ár. Útsvar nam 686 milljónum króna, sem samsvarar einnig 31% af áætlun Niðurstaðan endurspeglar stöðugleika í skattstofnum sveitarfélagsins á fyrstu fjórum mánuðum ársins.
Heildarútgjöld vegna fræðslu- og uppeldismála námu 639 milljónum króna, eða 34% af áætlun, sem er 16% hækkun frá sama tímabili fyrra árs. Ræður þar mestu þróun kjarasamninga og fjölgun starfsmanna. Útgjöld til félagsþjónustu voru 184 milljónir króna af áætluðum 607 milljónum, sem er 30% framvinduhlutfall og í samræmi við samþykkta fjárhagsáætlun.
Að teknu tilliti til ofangreindra þátta má heildarniðurstaða tímabilsins teljast viðunandi. Rekstur er í jafnvægi og tekjur og útgjöld að mestu innan ramma fjárhagsáætlunar. Útgjöld í stærstu málaflokkum eru undir 35% hlutfalli af áætlun, sem telst eðlilegt á fyrstu fjórðungum ársins. | | |
|
| 2. 2505047 - Beiðni um styrk vegna framkvæmda | |
Bæjarráð lítur jákvæðum augum á erindið og metur það sem mikilvægt framlag til samfélagsins, ekki síst í ljósi þess stórhugs og metnaðar sem félagið sýnir með fyrirhuguðum framkvæmdum.
Bæjarráð samþykkir að veita einni milljón króna í styrk til verkefnisins og felur starfsmönnum að útfæra greiðslu í samráði við umsækjanda.
Bæjarráð fagnar framtaki félagsins og leggur áherslu á mikilvægi þess að styðja við sjálfsprottið samfélagsstarf sem eflir innviði og velferð bæjarbúa. | | |
|
| 3. 2505050 - Beiðni um breytingu á fjárhagsáætlun | |
| Bæjarráð samþykkir erindið. | | |
|
| 4. 2505056 - Viðauki við fjárhagsáætlun Heilbrigðiseftirlits Suðurlands 2025 | |
| Bæjarráð samþykkir viðaukann fyrir sitt leyti. | | |
|
| 5. 2505059 - Orlof húsmæðra 2024 | |
| Bæjarráð samþykkir erindið. | | |
|
