Fundargerðir

Fjölskyldu- og fræðslunefnd - 39

Haldinn í Ráðhúsi Ölfuss,
18.02.2026 og hófst hann kl. 08:15

Fundinn sátu: Sigríður Vilhjálmsdóttir formaður,
Davíð Arnar Ágústsson varaformaður,
Óttar Ingólfsson aðalmaður,
Katrín Ósk Sigurgeirsdóttir 1. varamaður,
Hrafnhildur Hlín Hjartardóttir leikskólastjóri,
Helena Helgadóttir leikskólastjóri,
Garðar Geirfinnsson aðstoðarskólastjóri,
Ragnheiður María Hannesdóttir áheyrnarfulltrúi,
Ingibjörg Lilja Pálsdóttir áheyrnarfulltrúi,
Sigurhanna Björg Hjartardóttir áheyrnarfulltrúi,
Inga Jóna Bragadóttir áheyrnarfulltrúi,
Jóhanna M Hjartardóttir sviðsstjóri,
Eyrún Hafþórsdóttir sviðsstjóri,

Fundargerð ritaði: Jóhanna M. Hjartardóttir, sviðsstjóri

Formaður setti fund og óskaði eftir athugasemdum við fundarboð. Engar bárust. Einnig óskaði formaður eftir að taka inn dagskrárlið nr. 10 með afbrigðum og var það samþykkt.

Skólastjóri boðaði forföll en aðstoðarskólastjóri situr fundinn.

Hrafnhildur Lilja boðaði forföll ekki náðist að boða varamann.

Dagskrá:

Almenn mál

1. 2311017 - Skýrsla skólastjóra

Aðstoðarskólastjóri kynnti starfið í grunnskólanum:

Starfsdagur og vorönn hafin
Starfsfólk hóf önnina með undirbúningi. Skólinn tekur þátt í leiðsagnarverkefni MMS um endurskoðun náms, kennslu og námsmats. Innleiðingarteymi situr vikulega námskeið og fundi.

Uppákomur í janúar
Heimsókn samfélagslögreglu í 9. bekk. Bóndadagur haldinn hátíðlegur. Nemendamót í borðtennis haldið og hefur borðtennis/pílukast notið aukinna vinsælda eftir símabann.

Stöðu- og framvindupróf MMS
Kennarar sátu kynningarfund um prófin sem verða lögð fyrir í mars. Skylt í 4., 6. og 9. bekk, en skólinn leggur þau fyrir í öllum bekkjum til að fá heildstæða stöðumynd.

Hátíðir í 1. og 10. bekk
1. bekkur hélt 100 daga hátíð. 10. bekkur fagnaði 1720 skóladögum; bæjarstjóri heimsótti nemendur og hvatti þau áfram.

Skólamót og viðburðir
Skæri, blað, steinn mót haldið; 7. bekkur sigraði. Blár litadagur og stuðningssöngstund í tilefni leikja íslenska handboltalandsliðsins á EM.

Heimsóknardagur foreldra
Foreldrar fengu kynningu á fjölbreyttu skólastarfi og verkefnum nemenda; góð mæting og jákvæð viðbrögð.

Lesferill og lestrarátak
Niðurstöður lesferils sýna verulega bætingu í leshraða. Í gangi er lestrarátak með poppbaunasöfnun sem endar með popphátíð.

Barna- og unglingaþing
Haldið fyrir alla nemendur. Markmiðið að raddir barna heyrist um málefni sem þau varðar. Þingið var unnið í samstarfi við íþrótta- og tómstundafulltrúa og ungmennaráð.

Nefndin þakkar kynningu á fjölbreyttu og skemmtilegu starfi grunnskólans. Nefndin lýsir ánægju með að fyrirhugað er að leggja fyrir stöðu og framvindupróf MMS fyrir alla bekki grunnskólans en skylt er að leggja prófin fyrir í 4. 6. og 9. bekk samkvæmt MMS.

2. 2403046 - Grunnskólinn í Þorlákshöfn -skóladagatal

Skóladagatal 2026-2027 lagt fram til kynningar og afgreiðslu .

Nefndin staðfestir skóladagtal grunnskólans og hvetur leikskólana til að taka mið af því er varðar frídaga eins og kostur er.

3. 2311012 - Skýrsla leikskólastjóra Bergheima

Leikskólastjóri lagði fram starfsskýrslu:

Foreldrakönnun (Skólapúlsinn):
Verður send út í byrjun febrúar. Kynning fer til foreldra í þessari viku.

Foreldraviðtalsdagur 2. febrúar:
Leikskólinn lokaði þann dag. Hópstjórar boðuðu foreldra í viðtöl og fóru yfir niðurstöður Hljóm-2 og málþroskaprófa fyrir þau börn sem náðu viðmiðum.

Iðjuþjálfun: Iðjuþjálfi skoðaði penna- og skæragrip hjá elsta árgangi. Börn sem þurfa stuðning fá markvissa þjálfun.

Bókasafnsheimsóknir: Árný Leifsdóttir las fyrir drengi á bláa kjarna. Fleiri kjarnar hafa óskað eftir heimsókn. Skólinn færir Árnýju þakkir og er von á fleiri heimsóknum.

Barnaþing: Íþrótta- og tómstundafulltrúi bauð leikskólanum að taka þátt. Lagðar voru fyrir 3 til 5 spurningar fyrir tvo elstu árgangana.

Nefndin þakkar kynningu á fjölbreyttu starfi leikskólans.

4. 2508002 - Skýrsla leikskólastjóra Hraunheima

Leikskólastjóri lagði fram starfsskýrslu:

Nýtt útisvæði tekið í notkun eftir úttekt BSI og Heilbrigðiseftirlits; án athugasemda sem er mjög ánægjulegt fyrir börn og starfsfólk.

Breytingar í eldhúsi: Tveir starfsmenn skipta nú dagvinnutíma á milli sín og fyrirkomulagið gengur vel og léttir á stjórnendum.

Fræðsla fyrir deildarstjóra: Námskeið hjá Menntafléttu um faglega forystu; góð ánægja og síðasta skiptið í mars.

Viðburðir:
Íslenski fánalitadagurinn; góð þátttaka og skemmtilegar þemastundir.

Dagur leikskólans: föndur, kaka og söng-/dansveisla.

112-dagurinn: slökkvilið og sjúkrabíll komu í heimsókn.

Samstarf:
Virkt og gott samstarf við Bergheima með heimsóknum á báða bóga.

Foreldraviðtöl og starfsdagur gengu vel; mikil vinna í gangi við mótun nýs leikskóla.

Öryggismál:
Upplýsingar sendar til foreldra um umferðaröryggi barna er varðar notkun öryggishjálma og öryggisbúnaði fyrir börn.

Barnaþing: Eldri börn tóku þátt og svöruðu fjórum lykilspurningum; niðurstöðum verður skilað til Íþrótta- og tómstundafulltrúa.

Mannauðsmál:
Einn deildarstjóri hefur sagt upp störfum: staða auglýst og umsóknir þegar komnar.
Nýtt barn í aðlögun í mars; leikskólinn fullur miðað við núverandi mönnun.
Undirbúningur hafinn fyrir opnun nýrrar deildar í ágúst.

Nefndin þakkar kynning á fjölbreyttu starfi leikskólans.

5. 2602023 - Málefni fatlaðra - sumarfrístund fyrir börn

Stutt kynning á vinnu starfshóps sem er að undirbúa frístundatengt úrræði fyrir fötluð börn í Ölfusi á sumrin. Hópurinn er búinn að rýna starf fyrir fötluð börn í öðrum sveitarfélögum og mun í lok febrúar leggja fram tillögu að sumarfrístund fyrir fötluð börn í Ölfusi sumarið 2026.

Nefndin þakkar kynninguna. Útfærsla á frístundatengdu starfi fyrir fötluð börn í sumar verður lögð fram á næsta fundi nefndarinnar.

6. 2602031 - Barnaþing í Ölfusi 2026

Barna- og unglingaþing Ölfuss fór fram í Grunnskólanum í Þorlákshöfn 11. febrúar síðastliðinn. Börn úr leik- og grunnskólum tóku þátt og ræddu um málefni sem snúa að þeirra daglega lífi, velferð og réttindum.

Markmiðið með þinginu er að tryggja að raddir barna heyrist og að þau fái tækifæri til að hafa áhrif á samfélagið sitt í anda Barnasáttmálans.

Nemendur í 10. bekk stýrðu umræðum og rituðu niðurstöður úr fjölbreyttum málstofum um skólamál, félagslíf og menningu, forvarnir, öryggi og skipulag, auk fjölskyldu- og vinamála.

Niðurstöður þingsins verða teknar saman og nýttar í áframhaldandi stefnumótun sveitarfélagsins.

Veg og vanda að undirbúningi barnaþingsins áttu stjórnendur í Grunnskólanum í Þorlákshöfn, íþrótta og tómstundafulltrúi og ungmennaráð Ölfuss.

Stjórnendur og áheyrnafulltrúar skólanna viku af fundi þar sem umræðum um fræðslumál var lokið.

Nefndin þakkar kynninguna og lýsir ánægju með barnaþingið. Niðurstöður barnaþingsins verða lagðar fyrir nefndina í vor.

7. 2602024 - Málefni aldraðra - upplýsingabæklingur um þjónustu

Sviðsstjóri hefur tekið saman upplýsingar um þjónustu sem er í boði í Ölfusi fyrir eldra fólk. Einnig hafa upplýsingar á heimasíðu verið gerðar aðgengilegri í samráði við öldungaráð. Ætlunin er að gefa út bækling sem verður aðgengilegur bæði á heimasíðu og prentaður.

Drög að bæklingi lögð fram til kynningar.

Nefndin ræddi möguleg áhrif þjónustubæklings fyrir eldri þjónustuþega. Bæklingur getur aukið aðgengi að upplýsingum, eflt sjálfstæði þjónustuþega og styrkt samskipti við aðstandendur.

8. 2602027 - Búsetuúrræði fatlaðra - Niðurstöður frumkvæðsiathugunar GEV

Niðurstöður frumkvæðisathugunar á búsetuúrræðum fatlaðs fólks lagðar fram til kynningar.

Nefndin þakkar kynninguna og felur sviðsstjóra velferðarþjónustu að koma með tillögu að mótun notendaráðs í málefnum fatlaðs fólks í Ölfusi.

9. 2602401 - Félagsþjónusta - fyrirkomulag eftirlits með fósturheimilum

Sviðsstjóri velferðarþjónustu kynnir fyrir nefndinni almennt fyrirkomulag á eftirliti með vistunarúrræðum barnaverndarþjónustu.

Nefndin þakkar kynninguna. Farið var yfir hvernig eftirliti með fósturúrræðum er háttað og helstu þætti í barnaverndarþjónustu í Ölfusi.

10. 2602388 - Trúnaðarmál - áfrýjun á synjun teymisfundar velferðarþjónustu

Trúnaðargögn send á nefndarmenn í gegnum Signet tranfer.

Ítarbókun færð.

Fleira ekki gert. Fundi slitið kl. 11:00

Til baka

Prenta

Prenta síðu

X Loka