| |
| 1. 2604026 - Áhrif skattahækkunar á baðlón á atvinnulíf og íbúa í Ölfusi og Hveragerði | |
Aðilar frá Samtökum ferðaþjónustunnar komu inn á fundinn kl. 12:15 og fóru af fundi kl. 12:30
Bæjarráð lýsir yfir áhyggjum af fyrirhugaðri hækkun virðisaukaskatts á baðlón og telur að slík aðgerð jafngildi í reynd hækkun VSK á ferðaþjónustu í heild. Baðlón eru meðal vinsælustu afþreyingar bæði erlendra og innlendra ferðamanna og gegna mikilvægu hlutverki í atvinnulífi og þjónustu víða um land.
Bæjarráð bendir á að hækkunin muni ekki einungis bitna á ferðamönnum heldur einnig á innlendum neytendum, þar sem virðisaukaskattur leggst á endanlegt verð. Þá séu baðlón lykilþættir í uppbyggingu landsbyggðar, stuðli að lengri dvöl ferðamanna og hafi jákvæð margfeldisáhrif í nærsamfélögum.
Samkvæmt niðurstöðum þjóðhagsgreiningar frá 2024 er líklegt að hækkun VSK á ferðaþjónustu dragi úr eftirspurn, veiki samkeppnishæfni, minnki hagvöxt og skili ekki þeim auknu skatttekjum sem gert er ráð fyrir. Bæjarráð telur jafnframt að sú aðferðafræði sem notuð hefur verið við mat á tekjuáhrifum gefi ekki raunhæfa mynd, þar sem hún tekur ekki tillit til hegðunarbreytinga.
Bæjarráð leggur áherslu á að samkeppnishæfni ferðaþjónustu byggist á stöðugu og fyrirsjáanlegu rekstrarumhverfi. Hækkun VSK gangi gegn þeim markmiðum og geti haft neikvæð áhrif á fjárfestingar og þróun greinarinnar.
Að framangreindu virtu skorar bæjarráð á stjórnvöld að falla frá fyrirhugaðri hækkun virðisaukaskatts á baðlón og leggja þess í stað áherslu á heildstæða og samráðsbundna stefnumótun um gjaldtöku í ferðaþjónustu.
Samþykkt samhljóða.
| | |
|
| 2. 2604027 - Beiðni um veðleyfi og veðbandalausn - Thor landeldi | |
Bæjarráð samþykkir fyrir sitt leyti framlagða beiðni Thor landeldis ehf., enda verði gengið frá málum í samræmi við framlagðar upplýsingar.
Bæjarráð felur bæjarstjóra að annast frekari framkvæmd málsins og ganga frá nauðsynlegum formlegum samþykktum og undirritunum.
Samþykkt samhljóða.
| | |
|
| 3. 2604028 - Bréf frá umboðsmanni barna - sveitarstjórnarkosningar 2026 og lýðræðisleg þátttaka barna | |
Bæjarráð tekur undir erindið og ítrekar mikilvægi þess að efla þátttöku barna í lýðræðislegri umræðu og ákvörðunartöku í sínu nærumhverfi.
Bæjarráð hvetur framboð til sveitarstjórnarkosninga 2026 til að verða við framkominni hvatningu og taka þátt í umræðufundum með nemendum grunnskóla, þannig að börnum gefist raunhæft tækifæri til að kynna sér málefni framboðanna og koma sjónarmiðum sínum á framfæri. Hvað það varðar leggur bæjarráð þunga áherslu á samstarf við skólana og leiðsögn þeirra.
Jafnframt beinir bæjarráð ákvörðun um krakkakosningu til skólanna í samstarfi við ungmennaráð.
Samþykkt samhljóða | | |
|
| 4. 2604030 - Bréf frá SASS vegna samráðsfundar/vinnustofu um endurskoðun byggðaáætlunar | | |
|
