Velferðarþjónusta

Velferðarsvið fer með málefni barnaverndar og félagsþjónustu.

Sviðsstjóri velferðarsviðs hefur yfirumsjón með faglegu starfi sviðsins, ásamt yfirmönnum á sviðinu sem eru ráðgjafar í velferðarþjónustu, forstöðumaður íbúðakjarna fatlaðra og deildarstjóri VISS vinnu- og hæfingastöð.

Sviðsstjóri velferðarþjónustu hefur með höndum stefnumótun í þeim málaflokkum sem heyra undir sviðið, stýrir rekstri þeirra með áherslu á forystu í málefnum fjölskyldunnar á víðtækum grunni. Á meðal verkefna er m.a. ábyrgð á stefnumörkun, þekkingaröflun, þekkingarmiðlun og greiningu upplýsinga varðandi viðfangsefni velferðarþjónustu. Sviðstjóri mótar starfsemi sviðsins og framtíðarsýn þess í samræmi við áherslur bæjaryfirvalda.

Þjónusta í velferðarmálum er veitt samkvæmt lögum um félagsþjónustu sveitarfélaga, barnavernd og lögum um þjónustu við fatlað fólk með langvarandi stuðningsþarfir.

Áherslur velferðarþjónustu er að leitast við að veita öfluga, samþætta og þverfaglega þjónustu til að tryggja farsæld allra barna og hamingju íbúa í Sveitarfélaginu Ölfusi.

Sviðsstjóri velferðarþjónustu og ráðgjafar sjá um þá málaflokka sem snúa að félagslegri þjónustu við íbúa í Ölfusi. Markmið ráð­gjaf­ar er tví­þætt, ann­ars veg­ar að veita upp­lýs­ing­ar og leið­bein­ing­ar um fé­lags­leg rétt­inda­mál og hins veg­ar að veita stuðn­ing vegna fé­lags­legs eða per­sónu­legs vanda. 

Haft er að leið­ar­ljósi að styðja ein­stak­linga og fjöl­skyld­ur til sjálfs­hjálp­ar þann­ig að hver og einn geti not­ið sín sem best í sam­fé­lag­inu.

All­ir sem eiga lög­heim­ili í Ölfusi geta leitað ráð­gjaf­ar sér að kostn­að­ar­lausu.
Viðtalstímar eru eftir samkomulagi í síma 4803800 eða hjá velferd@olfus.is 

Helstu verkefni velferðarþjónustu eru:

• barnavernd
• einstaklingar með fötlun
• félagsleg ráðgjöf
• félagsþjónusta
• fjárhagsaðstoð
• heimili og húsnæði
• húsaleigubætur
• málefni fatlaðra