| |
1. 2011009 - Markaðsstofa Suðurlands - ósk um endurnýjun á samstarfssamningi | |
Bæjarráð þakkar kynninguna og framlögð gögn. Bæjarráð lýsir áhyggjum vegna þeirrar stöðu að ársreikningar séu lagðir fram með 3,7 milljóna tapi. Þegar horft er til þess að tilgreint rekstrarár er áður en heimsfaraldur COVID 19 skellur á má ljóst vera að næstu ársreikningar verða með enn dekkri mynd.
Bæjarráð vekur athygli á því að húsnæðiskostnaður Markaðsstofunnar er um 2 milljónir á ári. Bæjarráð lýsir sig viljugt til að endurnýja samstarfssamning til eins árs. Enn fremur vill bæjarrráð Ölfuss leggja Markaðsstofunni til húsnæði í Sveitarfélaginu Ölfusi, Markaðsstofunni að kostnaðarlausu. Þannig má draga úr rekstrarhalla og sýna að samstarf það sem liggur til grundvallar Markaðstofunni sem og annað sunnlenskt samstarf er heildrænt en ekki háð staðsetningu. | | |
|
2. 2011002 - Lista- og menningarsjóður Ölfuss úthlutun 2020 | |
Bæjarráð felur ráðgefandi nefnd í menningarmálum að skila tillögum til ráðsins vegna úthlutunar. Óskað er eftir því að tillögurnar liggi fyrir, fyrir næsta fund bæjarráðs.
| | |
|
3. 1805021 - Lögreglan Löggæslumyndavélar | |
Bæjarráð samþykkir tilgreindan viðauka upp á 2,6 milljónir og felur sviðsstjóra að ljúka framkvæmdum. | | |
|
4. 2011008 - Árshátíð Sveitarfélagsins Ölfuss | Árið sem er að líða hefur fært starfsmönnum Sveitarfélagsins Ölfuss óvæntar áskoranir sem þeir hafa leyst með slíkum brag að eftir er tekið. Erfiðum aðstæðum hefur verið mætt af einurð, æðruleysi og með einbeittum vilja til að viðhalda mikilvægri innviðaþjónustu. Þetta ástand hefur á sama tíma komið í veg fyrir að hægt sé að halda reglubundna árshátíð eða umbuna starfsmönnum fyrir vel unnin störf með hefðbundnum hætti.
Bæjarráð vill sýna þakklæti sitt í verki og hvetja starfsmenn til að gera sér dagamun í skammdeginu, stolt yfir vel unnum störfum.
Bæjarráð samþykkir því að færa öllum starfsmönnum 8000 kr. gjafakort með hvatningu um að gjöfin verði nýtt þannig að fyrirtæki hér í Sveitarfélaginu Ölfusi njóti góðs af.
| | |
|
5. 1602040 - Leiguverð íbúða á Egilsbraut 9. | |
Bæjarráð samþykkir leigulíkanið fyrir sitt leyti og einnig að leiguverð á núverandi íbúðum verði endurskoðað með tilliti til nýrra útreikninga þegar þær koma inn til endurleigu. Bæjarráð vill enn fremur minna væntanlega leigutaka á rétt þeirra til húsaleigubóta og sérstakra húsaleigubóta sem geta eftir atvikum lækkað útgjöld um hátt í 50%. | | |
|
6. 2011022 - Beiðni um fjárstuðning. | |
Bæjarráð samþykkir erindið, gert er ráð fyrir styrk að fjárhæð kr.170.000 í fjárhagsáætlun ársins. | | |
|
7. 2011006 - Reglur um sérstaka íþrótta- og tómstundastyrki skólaárið 2020-2021. | |
Búið er að opna fyrir umsóknir inn á íbúagátt sveitarfélagsins. Bæjarráð samþykkir erindið fyrir sitt leyti. | | |
|
9. 1704002 - Lagafrumvörp Beiðni Alþingis um umsögn. | |
Lagt fram. | | |
|
| |
8. 2011020 - Aðalfundur Bergrisans 2020 | |
Bæjarráð felur starfsmönnum að ganga frá erindisbréfum vegna aðalfundarins. | | |
|