| |
| 1. 2011009 - Markaðsstofa Suðurlands - endurnýjun á samstarfssamningi | |
Bæjarráð furðar sig á afstöðu Markaðsstofunnar. Boð Sveitarfélagsins Ölfuss hefði losað stofuna undan föstum rekstrarkostnaði og sýnt að Markaðsstofan gæti unnið fyrir allt starfssvæðið, án þess að staðsetning skipti máli.
Bæjarráð ítrekar boð sitt. Að auki óskar bæjarráð Sveitarfélagsins Ölfuss, sem aðili að Markaðsstofunni, eftir röksemdafærslu fyrir afstöðu stjórnar Markaðsstofunnar.
Í þeirri trú að breyting verði á viðhorfi stjórnar Markaðsstofunnar felur bæjarráð bæjarstjóra að undirrita fyrirliggjandi samning.
| | |
|
| 2. 2103048 - Menningarmál- styrkir vegna leigusamninga Selvogsbraut 4 | |
Bæjarráð hefur um nokkuð skeið unnið bæði með Hljómlistafélagi Ölfuss og Leikfélagi Ölfuss að úrbótum í húsnæðismálum þeirra. Hjá sveitarfélaginu ríkir einlægur metnaður til að tryggja að mannlíf og menning blómstri og dafni samhliða hraðri uppbyggingu almennt. Á síðustu tveimur árum hefur íbúum fjölgað hratt og reksturinn þar með styrkst. Sveitarfélagið Ölfus, og þá ekki síst Þorlákshöfn, hefur um langt skeið einkennst af öflugu mannlífi og menningu. Það er því að mati bæjarráðs mikilvægt að horft sé til þess að bættur rekstur nýtist meðal annars til að styrkja þessa innviði tengda menningu og listum. Bæjarráð samþykkir að hækka styrk þessara tveggja félaga um sem nemur kostnaði við tilgreint leiguhúsnæði. Samhliða felur bæjarráð starfsmönnum að vinna viðauka vegna þessa.
| | |
|
| 3. 2103050 - Málefni Landbúnaðarháskólans-garðyrkjunám | |
Bæjarráð telur það fagnaðarefni að mennta- og menningarmálaráðherra skuli hafa ákveðið að færa starfsmenntanám í garðyrkjugreinum, sem er á framhaldsskólastigi, frá Landbúnaðarháskóla Íslands. Bæjarráð bendir samhliða á að í rúmlega 80 ár hafa Reykir í Ölfusi verið hjarta garðyrkjunnar og lengst af sem sjálfstæð stofnun, sannur hornsteinn í héraði. Bæjarráð kallar því eindregið eftir því að skólanum verði áfram tryggð framtíð í núverandi húsnæði að Reykjum í Ölfusi. Bæjarráð óttast að ef svo heldur fram sem horfir muni starfsmenntanám í garðyrkju að Reykjum í Ölfusi heyra sögunni til. Með þetta í huga hvetur bæjarráð þingmenn og annað ráðafólk til að tryggja sjálfstæði Garðyrkjuskólans að Reykjum og þar með fjármagn til reksturs og vaxtar.
| | |
|
| 5. 1704002 - Lagafrumvörp Beiðni Alþingis um umsögn. | |
| Lagt fram. | | |
|
| |
| 4. 2103047 - Áskorun til sveitarfélaga um að nota innlend matvæli í skólamáltíðir | |
| Bæjarráð þakkar erindið og vísar því til þeirra sem annast matarinnkaup hjá sveitarfélaginu. | | |
|
