Fundargerðir

Ungmennaráð - 7

Haldinn Fundarsalur íþróttamiðstöðvar,
20.04.2026 og hófst hann kl. 16:00

Fundinn sátu: Auður Magnea Sigurðardóttir aðalmaður,
Eva Rán Ottósdóttir aðalmaður,
Gunnar Ægir Þorsteinsson aðalmaður,
Sóldís Sara Sindradóttir aðalmaður,
Ragnar M. Sigurðsson íþrótta- og tómstundafulltrúi,
Guðrún Olga Garðarsdóttir aðalmaður,
Freyja Ósk Ásgeirsdóttir 1. varamaður,
Hreiðar Leó Vilhjálmsson 4. varamaður,

Fundargerð ritaði: Ragnar M Sigurðsson, íþrótta- og tómstundafulltrúi

Dagskrá:

Almenn mál

1. 2604058 - Samráðsfundur um endurskoðun byggðaáætlunar

Innviðaráðuneytið og Byggðastofnun, í samstarfi við SASS, boða til samráðsfundar/vinnustofu um endurskoðun byggðaáætlunar þann 21. apríl nk.

Tilgangur fundarins er að kynna fyrstu drög að endurskoðaðri byggðaáætlun, með sérstaka áherslu á drög að aðgerðaáætlun hennar. Fulltrúar ráðuneytisins og Byggðastofnunar munu kynna fyrirliggjandi drög og hvetja til skoðanaskipta um þau. Umræður og ábendingar sem fram koma á fundinum verða nýttar við áframhaldandi vinnu og munu m.a. liggja til grundvallar efni í hvítbók sem sett verður í samráðsgátt stjórnvalda í lok maí.

Óskað er eftir að sveitarfélögin sendi amk tvo fulltrúa á fundinn til þess að taka þátt í þessar vinnu. Einnig er mikilvægt að fulltrúar ungmennaráða sveitarfélaganna taki þátt í fundinum.

Íþrótta- og tómstundafulltrúi mun fylgjast með fundinum og þeir fulltrúsr ungmennaráðs sem eiga heimangengt ætla að gera það líka.

2. 2604059 - Erindi frá Færsældarráði á Suðurlandi

Erindi frá verkefnastjóra Farsældarráðs á Suðurlandi sem vinnur að mótun aðgerðaráætlunar í farsæld barna fyrir Suðurland.

Í farsældarráði Suðurlands eiga sæti fulltrúar sveitarfélaganna 15 ásamt fulltrúum frá Heilbrigðisstofnun Suðurlands, Lögreglustjóraembættanna á Suðurlandi, Framhaldsskólanna fjögurra ásamt fulltrúa frá svæðishéruðum íþróttahreyfingarinnar. Einnig eru fulltrúar foreldra ásamt fulltrúum úr ungmennaráðum í ráðinu. Í allt eru í ráðinu 25 fulltrúar.

Farsældarráð Suðurlands vinnur nú að því að safna upplýsingum og gögnum um stöðu barna og ungmenna á Suðurlandi og mun síðan forgangsraða aðgerðum út frá þeim upplýsingum.

Lagðar var fram spurningalisti fyrir Ungmennaráð Ölfuss sem var svarað á fundinum.

Ungmennaráð ræddi helstu áskoranir sem snúa að samgöngum og atvinnumálum ungmenna. Niðurstöður benda til þess að strætósamgöngur séu ófullnægjandi, sérstaklega fyrir nemendur í FSu, og að skortur sé á beinum tengingum við Selfoss. Þá er framboð starfa fyrir ungmenni takmarkað, einkum fyrir þau sem ekki hafa bílpróf.

Einnig voru ræddir möguleikar á aukinni samvinnu, svo sem að skipuleggja sameiginlegar ferðir á æfingar utan sveitarfélagsins.

Að lokum undirstrikar ráðið mikilvægi þess að tryggja fjölbreytt íþróttastarf fyrir ungmenni.

3. 2604060 - Samtal við ungt fólk á Suðurlandi

Svæðisbundinn samráðsfundur verður haldinn á Suðurlandi þann 24. apríl 2026.

Markmið fundarins er að búa til opinn og skipulagðan vettvang fyrir ungt fólk á aldrinum 15-25 ára og veita þeim sem sækja fundinn tækifæri til að koma sjónarmiðum sínum, reynslu og hugmyndum á framfæri við ráðafólk í íþrótta- og æskulýðsstarfi ásamt fulltrúum sveitarfélaga.

Fundurinn er hluti af landsverkefni UMFÍ, ÍSÍ, Svæðisstöðva íþróttahéraðanna og Ungmennaráði UMFÍ og miðar að því að efla lýðræðislega þátttöku ungs fólks en sporna líka gegn brottfalli úr skipulögðu íþrótta- og æskulýðsstarfi.

Íþrótta- og tómstundafulltrúi fer á fundinn ásamt fjórum fulltrúum ungmennaráðs.

4. 2604061 - Ungmennaráð Ölfuss - hugmyndavinna

Ýmsar hugmyndir og tillögur sem Ungmennaráð vill hrinda í framkvæmd á næstu misserum. Samtal var tekið um forvarnamál, samvinnu við ungmenni og opinn samráðsvettvang.

Ungmennaráð ákvað að fara af stað með nokkur verkefni á næstu mánuðum:

1. Forvarnir gegn spilafíkn
Rætt var um mikilvægi forvarna gegn spilafíkn. Ungmennaráð stefnir á að skipuleggja fræðslufyrirlestur í samstarfi við grunnskólann þar sem fjallað verður um áhrif og hættur spilafíknar.

2. Tillögukassi í skólanum
Lagt var til að koma upp tillögukassa í samstarfi við félagsmiðstöð og grunnskóla. Markmiðið er að skapa vettvang þar sem ungmenni geta komið á framfæri hugmyndum sem ungmennaráð tekur til umfjöllunar.

3. Opinn fundur fyrir ungmenni
Ákveðið var að stefna að opnum fundi fyrir ungmenni á aldrinum 16?20 ára. Fundurinn mun verða vettvangur fyrir umræður um málefni sem varða ungt fólk í sveitarfélaginu.

Fleira ekki gert. Fundi slitið kl. 17:00

Til baka

Prenta

Prenta síðu

X Loka