| |
| 1. 2601012 - Reglur um afslátt af fasteignagjöldum og holræsagjaldi 2026 | |
Bæjarráð samþykkir reglurnar
Samþykkt samhljóða.
| | |
|
| 2. 2601020 - Sjóvörn í Herdísarvík - beiðni um framkvæmdaleyfi | |
Bæjarráð samþykkir að veita 4,3 milljónum króna í verkefnið og staðfestir vilja sveitarfélagsins til að ráðist verði í verkið. Bæjarráð felur starfsmönnum að vinna viðauka við fjárhagsáætlun vegna þessa.
Samþykkt samhljóða.
| | |
|
| 3. 2601022 - Þorlákshafnarlína 2 - samningar um landbætur | |
Bæjarráð samþykkir fyrir sitt leyti tilboð Landsnets og drög að samkomulagi.
Samþykkt samhljóða.
| | |
|
| 4. 2601039 - Strætósamgöngur í Ölfusi | |
Bæjarráð Ölfuss þakkar fyrir erindið og ábendingar um almenningssamgöngur milli Þorlákshafnar og Selfoss. Bæjarráð tekur sérstaklega undir mikilvægi þess að tryggja íbúum í vaxandi byggð, ekki síst börnum og ungmennum, aðgengi að öruggum og skilvirkum samgöngum til náms og tómstunda.
Sveitarfélagið hefur á undanförnum misserum verið í nánu samstarfi við Vegagerðina um þróun almenningssamgangna til og frá Þorlákshöfn. Það hefur meðal annars skilað því að ferðum til Hveragerðis var fjölgað um síðustu áramót og hefur nýting vagnanna aukist verulega og samkvæmt upplýsingum frá Vegagerðinni er mjög góð eftirspurn eftir þeim ferðum sem þjóna Þorlákshöfn.
Eins og staðan er í dag er ferðatími með Strætó frá Þorlákshöfn að stoppistöð við Fjölbrautaskóla Suðurlands á Selfossi um 41 mínúta á morgnana, sem telst veruleg framför frá fyrra fyrirkomulagi. Þá hefur einnig verið tekið í notkun nýr og aðbúnaðarbetri vagn á þessari leið. Bæjarráð telur þó ljóst að enn sé svigrúm til úrbóta og hafa borist ábendingar frá notendum um að sérstaklega vanti fleiri ferðir til og frá Þorlákshöfn á tímabilinu milli kl. 12 og 15 á daginn.
Varðandi mögulegt samstarf við Árborgarstrætó ber að hafa í huga að sú leið hefur fjölmörg stopp innan Árborgar, þar á meðal á Eyrarbakka, í Tjarnarbyggð. Tengingar við slíka leið gætu því í reynd lengt ferðatíma íbúa Þorlákshafnar til Selfoss fremur en að stytta hann.
Bæjarráð mun áfram fylgjast grannt með þróun almenningssamgangna og halda áfram samtali við Vegagerðina og Strætó um frekari eflingu þjónustu við Þorlákshöfn, með það að markmiði að bæta aðgengi íbúa að námi, vinnu og tómstundum.
| | |
|
