Fundargerðir

Til bakaPrenta
Fjölskyldu- og fræðslunefnd - 41

Haldinn í Ráðhúsi Ölfuss,
22.04.2026 og hófst hann kl. 08:15
Fundinn sátu: Sigríður Vilhjálmsdóttir formaður,
Davíð Arnar Ágústsson varaformaður,
Óttar Ingólfsson aðalmaður,
Hrafnhildur Lilja Harðardóttir aðalmaður,
Hrafnhildur Hlín Hjartardóttir leikskólastjóri,
Helena Helgadóttir leikskólastjóri,
Ólína Þorleifsdóttir skólastjóri,
Ragnheiður María Hannesdóttir áheyrnarfulltrúi,
Katharina Breslauer áheyrnarfulltrúi,
Jóhanna M Hjartardóttir sviðsstjóri,
Eyrún Hafþórsdóttir sviðsstjóri,
Fundargerð ritaði: Jóhanna M. Hjartardóttir, sviðsstjóri
Formaður setti fund og óskaði eftir athugasemdum við fundarboð en engar bárust.

Hlynur Logi boðaði forföll, ekki náðist í varamann.


Dagskrá: 
Almenn mál
1. 2311017 - Skýrsla skólastjóra
Undanfarnar vikur hefur skólastarfið einkennst af fjölbreyttum verkefnum, öflugu samstarfi og markvissri þróunarvinnu. Lögð hefur verið áhersla á að efla faglegt starf innan skólans, styrkja námsumhverfi nemenda og viðhalda góðum tengslum við foreldra og nærsamfélag.

Hefðir og viðburðir, sem stuðla að vellíðan og þátttöku nemenda, hafa skipað mikilvægan sess samhliða faglegri endurskoðun náms og kennslu. Fram undan eru fjölmargir spennandi viðburðir sem marka lok skólaársins og skapa nemendum dýrmæt tækifæri til lærdóms og samveru.
Lögð var fram og kynnt skýrsla skólastjóra um starfsemi skólans undanfarnar vikur.

Nefndin þakkar fyrir ítarlega og upplýsandi kynningu á fjölbreyttu og öflugu starfi skólans, þar sem m.a. kom fram jákvæð niðurstaða starfsmannakönnunar, vinna við endurskoðun skólanámskrár og fjölbreyttir viðburðir nemenda.
2. 2604039 - Fræðslumál - starfsmannakönnun Skólapúlsins
Starfsánægjukönnun grunnskóla 2026 er unnin af Skólapúlsinum en könnunin er hagnýtt verkfæri til mælinga á mikilvægum sálfélagslegum þáttum á vinnustöðum.

Niðurstöður fyrir Grunnskólann í Þorlákshöfn lagðar fram til kynningar.
Nefndin þakkar kynninguna en niðurstöðurnar benda til góðs starfsumhverfis og vellíðan starfsfólks. Það er mikilvægt að viðhalda þeim jákvæðu þáttum sem koma fram í könnuninni.
3. 2508002 - Skýrsla leikskólastjóra Hraunheima
Starfsemi leikskólans Hraunheima á vormánuðum hefur einkennst af fjölbreyttum verkefnum, ríkulegri útivist og öflugu samstarfi við foreldra og nærsamfélag. Áhersla hefur verið lögð á að skapa börnunum skapandi og jákvætt námsumhverfi þar sem þátttaka, gleði og vellíðan eru í fyrirrúmi, meðal annars með þátttöku í menningarviðburðum og markvissri útikennslu.

Samhliða daglegu starfi hefur verið unnið að þróun og eflingu innra starfs, þar á meðal með gerð verklags sem stuðlar að öryggi og velferð barna. Þá hefur undirbúningur fyrir komandi skólaár og aukinn barnafjölda verið í brennidepli.

Fram undan eru spennandi viðburðir og verkefni sem marka lok skólaársins og styðja við farsæla yfirfærslu elstu barna á næsta skólastig.
Skýrsla leikskólastjóra Hraunheima var lögð fram og kynnt. Nefndin þakkar fyrir greinargóða kynningu og lýsir ánægju með fjölbreytt og öflugt starf leikskólans, sem og gott samstarf við foreldra og grunnskóla.
4. 2604040 - Leikskólinn Hraunheimar - forvarnarverklag
Leikskólastjóri lagði fram drög að fyrirbyggjandi verklagi gegn ofbeldi í garð barna í leikskólum.
Nefndin leggur áherslu á mikilvægi þess að sé skýrt verklag í skólastofnunum til að tryggja öryggi og velferð barna og styðja starfsfólk í viðbrögðum við slíkum málum.
5. 2311012 - Skýrsla leikskólastjóra Bergheima
Starfsemi leikskólans á vormánuðum 2026 hefur einkennst af fjölbreyttum verkefnum, góðu samstarfi og jákvæðri þróun í daglegu starfi. Á tímabilinu hefur verið lögð áhersla á að efla tengsl og samstarf við grunnskólann og skapa börnunum fjölbreytt og lærdómsríkt umhverfi.

Aðlögun nýrra barna hefur gengið vel og starfsemin er nú í fullum gangi með um 100 börn í leikskólanum. Framundan eru spennandi viðburðir, sérstaklega fyrir elstu börnin sem eru að ljúka leikskólagöngu sinni og hefja nýjan kafla í grunnskóla.

Skýrsla leikskólastjóra Bergheima var lögð fram og kynnt. Nefndin þakkar fyrir greinargóða kynningu og lýsir ánægju með fjölbreytt starf og gott samstarf við grunnskólann og foreldra.
6. 2406023 - Útikennslustofa
Fyrir liggur tillaga um stækkun á núverandi grillsvæði á tjaldsvæðinu, með það að markmiði að þróa svæðið áfram sem fjölnota aðstöðu sem nýtist bæði gestum og til útikennslu yfir vetrarmánuðina.

Með því að styrkja innviði svæðisins skapast tækifæri til að byggja upp aðstöðu sem hentar vel fyrir vetrarnotkun, þar sem hægt er að samþætta útiveru, fræðslu og samveru við öruggar og aðlaðandi aðstæður. Slík uppbygging getur aukið nýtingu svæðisins utan hefðbundins háannatíma, styrkt samfélagslega þátttöku og skapað ný tækifæri fyrir skipulagða starfsemi yfir veturinn.
Nefndin og stjórnendur skólanna lýsa yfir ánægju með uppbyggingu núverandi grillaðstöðu á tjaldsvæðinu sem nýtist sem fjölnota aðstaða og jafnframt sem útikennslusvæði.
7. 2604032 - Farsæld barna - mælaborð
Mælaborð um farsæld barna hefur verið uppfært með nýjustu niðurstöðum úr grunnskólakönnun Íslensku æskulýðsrannsóknarinnar (ÍÆ) frá árinu 2025. Með uppfærslunni er nú hægt að nálgast samfelldar tölulegar upplýsingar um stöðu barna árin 2023 til 2025, sem veitir stjórnvöldum og almenningi betri innsýn í stöðu barna hér á landi.

Sjá nánar á heimasíðu farsaeldbarna.is
Nefndin þakkar kynninguna.




Stjórnendur og áheyrnafulltrúar fræðslumála yfirgáfu fundinn.
8. 2312011 - Stefna um málefni eldri borgara
Í stefnumótun í málefnum eldri borgara hefur verið lögð áhersla á að skapa heildstæða sýn þar sem öll þjónusta sveitarfélagsins við eldri borgara er skoðuð sem ein samfelld heild.

Í stefnunni er dregið fram hvaða málaflokkar hafa áhrif á líf og lífsgæði eldri borgara og settar fram áherslur sveitarfélagsins. Mikilvægt er að stefnan sé lifandi, taki mið af samfélagslegri þróun, nýjustu þekkingu og breytilegum þörfum íbúa.

Lagt er til að stefna Sveitarfélagsins Ölfuss í málefnum eldri borgara gildi á árunum 2026 til 2036 og unnin verði aðgerðaáætlun til 2ja til 3ja ára í senn ásamt kostnaðaráætlun, þar sem skilgreindir verða ábyrgðaraðilar verkefna. Aðgerðaáætlunin taki mið af stefnunni og fjárveitingum til málaflokksins hverju sinni. Jafnframt verði stefnan endurskoðuð eftir þörfum, enda er málaflokkur eldri borgara í stöðugri þróun.

Við vinnu að stefnumótuninni var haft víðtækt samráð. Rætt var við eldri borgara í félagslegu leiguhúsnæði aldraðra, Félag eldri borgara og verkefnisstjóra í heilsueflingu 60 ára og eldri. Fundað var með fulltrúum heilsugæslunnar í Þorlákshöfn og starfsfólki í öldrunarþjónustu. Íbúafundur um málefni eldri borgara var haldinn haustið 2023 og málþing um um málefni eldra fólks var haldið í október 2024. Báðir fundir voru vel sóttir og höfðu niðurstöður fundanna áhrif á mótun stefnunnar.

Fjölskyldu- og fræðslunefnd hefur verið ráðgefandi gagnvart bæjarstjórn í málaflokknum og unnið með stefnudrögin, auk þess sem Öldungaráð veitti álit sitt.

Fjölskyldu- og fræðslunefnd hefur farið yfir framlagða stefnu í málefnum eldri borgara og unnið með stefnudrögin. Gerðar voru minniháttar breytingar á einum kafla stefnunnar en að öðru leyti er hún samþykkt samhljóða.

Nefndin telur mikilvægt að fyrir liggi skýr og heildstæð stefna í málaflokknum og vísar stefnunni, með áðurnefndum breytingum, til bæjarstjórnar til endanlegrar afgreiðslu og samþykktar.
9. 2604033 - Fræðslumál - umsóknir um stöðu skólastjóra grunnskólans
Umsóknarfresti um stöðu skólastjóra Grunnskólans í Þorlákshöfn lauk 13.apríl síðastliðinn. Fimm umsóknir bárust og hefur ráðgjafi hjá Hagvangi lagt frummat á umsóknargögnin.


Nefndin hefur ráðgefandi hlutverk við ráðningu skólastjóra. Nefndin leggur til að einn fulltrúi frá minnihluta og einn frá meirihluta taki þátt í ráðningarferlinu með sviðsstjóra og ráðningaskrifstofunni Hagvangi.
13. 2604043 - Málefni fatlaðra - Notendaráð
Stofnun Notendaráðs Ölfuss.

Í ráðinu þurfa að sitja þrír fulltrúar og þrír til vara skulu kosnir af bæjarstjórn að loknum sveitarstjórnarkosningum.

- Þrír fulltrúar og þrír til vara skulu tilnefndir af hagsmunasamtökum; einn af Landssamtökunum Þroskahjálp og tveir af Öryrkjabandalagi Íslands.

Bæjarstjórn kýs formann samráðshópsins en hópurinn sjálfur kýs sér varaformann og skiptir að öðru leyti með sér verkum. Skipunartími samráðshópsins fylgir kjörtímabili bæjarstjórnar.

Markmið ráðsins er að efla samráð, tryggja rödd notenda í málefnum sem varða þjónustu og stuðla að aukinni þátttöku og áhrifum fatlaðs fólks í sveitarfélaginu.
Skipan Notendaráðs Ölfuss

Nefndarmenn lögðu fram tillögu að skipan Notendaráðs Ölfuss.

Tillaga að aðalfulltrúum:

Hanna Agla Hörpudóttir
Elsa Jóna Stefánsdóttir
Pálmi Þór Ásbergsson

Tillaga að varafulltrúum:

Erla Sif Markúsdóttir
Grétar Ingi Erlendsson
Hrafnhildur Lilja Harðardóttir

Nefndin samþykkir að vísa tillögu um skipan fulltrúa í Notendaráð til staðfestingar í bæjarstjórn.
Mál til kynningar
10. 2603046 - Velferðarþjónusta - fundargerð stjórnar Bergrisans
Fundargerð 92. stjórnarfundar Bergrisans lögð fram til kynningar.
Nefndin þakkar kynninguna.
11. 2604034 - Velferðarþjónusta - fundargerð stjórnar Arnardrangs
Fundargerð 26. stjórnarfundar Arnardrangs lögð fram til kynningar.
Nefndin þakkar kynninguna.
12. 2604036 - Velferðarþjónusta - Arnardrangur
Ársreikningur Arnardrangs 2025 lagðir fram til kynningar.
Nefndin þakkar kynninguna.
Fleira ekki gert. Fundi slitið kl. 10:15 

Til bakaPrenta
Prenta síðu
X Loka
Var efnið á síðunni hjálplegt?