| |
| 1. 2106040 - Tilnefningar til íslensku menntaverðlaunanna. | Formaður kynnti tilnefningar sem formaður sendi inn í samráði við skólastjóra.
Tilnefnd voru bæði kennarar og verkefni.
Verkefnið Valgreinar á unglingastigi í Grunnskólanum í Þorlákshöfn ? fjölbreytt námsframboð fyrir um 70 nemendur í 8.-10. bekk var tilnefnt í flokknum framúrskarandi skólastarf eða menntaumbætur.
Þá voru kennararnir Guðlaug Einarsdóttir og Garðar Geirfinnsson tilnefnd í flokknum framúrskarandi kennari.
Í flokknum framúrskarandi þróunarverkefni var Skjálftinn hæfileikakeppni ungmenna í grunnskólum Árnessýslu tilnefndur.
Nefndin þakkar kynninguna.
| | |
|
| 2. 2105016 - Skólar á Grænni grein. | Bréf Landverndar um verkefnið Skólar á grænni grein (Grænfánaverkefnið) lagt fram til kynningar.
Bæði leikskóli og grunnskóli sveitarfélagsins eru þátttakendur í verkefninu og er unnið markvisst með það í skólunum.
Nefndin þakkar kynninguna.
| | |
|
| 3. 1602028 - Grunnskólinn í Þorlákshöfn: Skýrsla skólastjóra. | Skólastjóri greindi frá helstu þáttum í starfi skólans undanfarið, m.a. lokunum vegna Covid og viðburðum s.s. upplestrarkeppnum í 4. og 7. bekk.
Þá kynnti skólastjóri fyrir nefndarmönnum velheppnaða framkvæmd á hæfileikakeppninni Skjálftanum, sem Ása Berglind Hjálmarsdóttir kennari við skólann á veg og vanda af.
Nemendur skólans lentu í öðru sæti í keppninni í þetta sinn.
Þá hafa vordagar verið sérlega viðburðaríkir með vorferðum og fjölgreindaleikum.
Síðasta skóladag ársins heimsóttu forsetahjónin skólann í opinberri heimsókn sinni í Ölfus og kom þar fram kór skólans ásamt Jóni Jónssyni tónlistarmanni í boði foreldrafélagsins.
Að lokum greindi skólastjóri frá niðurstöðu skólaþings nemenda í mars þar sem fram kom eindreginn vilji nemenda til að byrja skóladaginn aðeins seinna og var í framhaldinu ákveðið að kennsla hefjist kl. 8.15 á næsta skólaári þó opnun skólans verði sú sama.
Þá verður jafnframt boðið upp á hafragraut fyrir nemendur frítt fyrir alla sem það vilja.
Nefndin þakkar kynninguna og fagnar sérstaklega frumkvæði og framkvæmdasemi við að koma Skjálftanum á fót sem og spennandi breytingum á morgunrútínu nemenda á næsta skólaári.
| | |
|
| 4. 1805048 - Leikskólinn Bergheimar Skóladagatal. | Leikskólastjóri fór yfir helstu þætti í starfi leikskólans í vetur en Bjarney tók við sem leikskólastjóri í maí.
Leikskólastjóri fór yfir hvernig samkomutakmarkanir og sóttvarnir hafa haft áhrif á starfsemina í vetur.
Leikskólastjóri fór aðeins yfir starfsmannamál á stofnunni og fjölda barna, sem og húsnæðismál skólans á komandi vetri.
Nefndin þakkar upplýsingarnar.
| | |
|
| 5. 1602030 - Leikskólinn Bergheimar: Skýrsla skólastjóra. | Leikskólastjóri fór yfir helstu þætti í starfi leikskólans í vetur, en Bjarney tók við sem leikskólastjóri í maí. Leikskólastjóri fór yfir hvernig samkomutakmarkanir og sóttvarnir hafa haft áhrif á starfsemina í vetur. Leikskólastjóri fór aðeins yfir starfsmannamál á stofnunni og fjölda barna, sem og húsnæðismál skólans á komandi vetri.
Nefndin þakkar upplýsingarnar.
| | |
|
