| |
| 1. 2511011 - Fornleifarannsóknir við Egilsbraut - Aukafjárveiting | |
Samþykkt samhljóða.
| | |
|
| 2. 2605003 - Þríhliða samkomulag - lóð fyrir verslun | |
Bæjarráð Ölfuss fagnar fyrirliggjandi drögum að samkomulagi við Haga hf. um uppbyggingu nýrrar þjónustu í Þorlákshöfn. Fyrirhuguð opnun Bónus matvöruverslunar og Olís sjálfsafgreiðslustöðvar er mikilvægt skref í áframhaldandi uppbyggingu sveitarfélagsins og til marks um aukið aðdráttarafl Ölfuss fyrir öfluga þjónustu- og atvinnustarfsemi.
Bæjarráð telur að uppbyggingin muni bæta verulega þjónustu við íbúa sveitarfélagsins og styðja við ört vaxandi atvinnulíf á svæðinu.
Bæjarráð samþykkir samhljóða fyrirliggjandi drög að samkomulagi og felur bæjarstjóra að undirrita samkomulagið fyrir hönd sveitarfélagsins.
| | |
|
| 3. 2605004 - Ósk um stöðuyfirlit skipulagsmála vegna samkomulags um þróun hjúkrunarheimilis í Þorlákshöfn | |
Bæjarráð Ölfuss hefur farið yfir erindi Íslenskra fasteigna ehf., dags. 7. maí 2026, þar sem óskað er eftir stöðuyfirliti vegna skipulagsmála sem tengjast fyrirhuguðu hjúkrunarheimili við Egilsbraut í Þorlákshöfn.
Bæjarráð staðfestir að vinna við skipulagsmál verkefnisins hafi að mestu leyti gengið samkvæmt áætlun, en tafir hafi orðið á endanlegri afgreiðslu vegna athugasemda Skipulagsstofnunar sem lúta að málsmeðferð gagnvart Minjastofnun Íslands og mögulegum fornminjum innan skipulagssvæðisins. Unnið er að þeim mótvægisaðgerðum sem Minjastofnun hefur lagt til og er stefnt að því að þeirri vinnu ljúki innan maímánaðar 2026.
Bæjarráð ítrekar að grundvallarforsendur samkomulags aðila frá 24. júní 2025 standi óbreyttar af hálfu sveitarfélagsins og að áfram sé skýr vilji til samstarfs um uppbyggingu hjúkrunarheimilis í sveitarfélaginu. Jafnframt er bent á að fyrirsjáanlegt sé að lóðarvilyrði geti ekki legið fyrir innan þess tímaramma sem upphaflega var áætlaður vegna framangreindra atriða.
Bæjarráð leggur áherslu á áframhaldandi gott samstarf við Íslenskar fasteignir ehf. og felur bæjarstjóra að halda félaginu upplýstu um framvindu mála og eiga áfram virkt samtal um næstu skref verkefnisins.
Samþykkt samhljóða. | | |
|
