Fundargerðir

Bæjarstjórn Ölfuss - 362

Haldinn í Ráðhúsi Ölfuss,
28.10.2026 og hófst hann kl. 16:30

Fundinn sátu: Gestur Þór Kristjánsson forseti bæjarstjórnar,
Grétar Ingi Erlendsson bæjarfulltrúi,
Erla Sif Markúsdóttir bæjarfulltrúi,
Guðlaug Einarsdóttir bæjarfulltrúi,
Geir Höskuldsson 1. varamaður,
Gunnsteinn R. Ómarsson bæjarfulltrúi,
Berglind Friðriksdóttir bæjarfulltrúi,
Elliði Vignisson bæjarstjóri,
Sandra Dís Hafþórsdóttir sviðsstjóri,

Fundargerð ritaði: Sandra Dís Hafþórsdóttir, sviðsstjóri

Í upphafi fundar leitaði forseti eftir athugasemdum við fundarboð.

Dagskrá:

Almenn mál

1. 2605062 - Kosning í nefndir og ráð Sveitarfélagsins Ölfuss 2026-2030

Skipan í ungmennaráð Sveitarfélagsins Ölfuss kjörtímabilið 2026-2030.

Eftirfarandi aðilar eru tilnefndir í ungmennaráð:

Aðalmenn:
Eva Rán Ottósdóttir
Gunnar Ægir Þorsteinsson
Freyja Ósk Ásgeirsdóttir
Hreiðar Leó Vilhjálmsson
Védís Kolka Jónsdóttir

Varamenn:
Emma Rós Sindradóttir
Bergþóra Ósk Ásgeirsdóttir
Edytta Marina Pisarska
Björgvin Breki Sindrason
Gabríel Óskar Stefánsson

Samþykkt samhljóða.

2. 2608035 - Fjárhagsáætlun Sveitarfélagsins Ölfuss 2027-2030

Forsendur fjárhagsáætlunar 2027 til staðfestingar. Þær hafa áður fengið umfjöllun í bæjarráði 15.okt.sl.

Bæjarstjórn samþykkir framlagðar forsendur.

Samþykkt samhljóða.

3. 2603075 - Viðaukar við fjárhagsáætlun 2026

Fyrir fundinum liggur viðauki 2 við fjárhagsáætlun ársins 2026 til samþykktar.

Aukning tekna ársins er kr. 162.605.000 og aukning gjalda kr. 95.860.000. Nettó breyting rekstrar er því jákvæð um kr.66.745.000.
Fjárfestingaáætlun ársins lækkar um 1.156.700.000 og vegur þar þyngst breytt áætlun hafnarframkvæmda en framkvæmdaáætlun hafnarinnar lækkar um kr.708.700.000.
Aðrar stórar breytingar eru lækkun fjármagni til gatnagerðar sem ekki verður farið í á árinu, kr. 151.000.000 og tilfærsla á framkvæmd við dælustöð milli ára kr. 120.000.000.

Samhliða breytingum á fjárfestingaáætlun var tekin út lántaka hjá Hafnarsjóði að fjárhæð 830 millj. og lækkun verður á afskriftum og fjármagnsgjöldum.

Samþykkt samhljóða.

4. 2602417 - Samþykkt um hundahald

Endurskoðuð samþykkt um hundahald í Sveitarfélaginu Ölfusi til staðfestingar. Samþykktin hefur hlotið umfjöllun hjá Heilbrigðiseftirliti Suðurlands sem staðfesti hana. Lagt er til við bæjarstjórn að vísa samþykktinni til síðari umræðu.

Samþykkt samhljóða að vísa samþykktum um hundahald til síðari umræðu.

5. 2602418 - Samþykkt um kattahald

Endurskoðuð samþykkt um kattahald í Sveitarfélaginu Ölfusi til staðfestingar. Samþykktin hefur hlotið umfjöllun hjá Heilbrigðiseftirliti Suðurlands sem staðfesti hana. Lagt er til við bæjarstjórn að vísa samþykktinni til síðari umræðu.

Samþykkt samhljóða að vísa samþykktum um kattahald til síðari umræðu.

6. 2610146 - Tillaga frá S lista, Mannauðsráðgjafi til leigu fyrir Sveitarfélagið Ölfus

Fyrir fundinum lá tillaga frá S-lista um að afla tilboða í tímabundna mannauðsþjónustu fyrir sveitarfélagið. Miðað yrði við að sérfræðingur á sviði mannauðsmála hefði reglulega viðveru hjá sveitarfélaginu og ynni náið með bæjarstjóra, sviðsstjórum og öðrum stjórnendum sveitarfélagsins.

Gunnsteinn Ómarsson S-lista, Grétar Ingi Erlendsson D-lista og Berglind Friðriksdóttir S-lista tóku til máls.

Tillagan var sett í atkvæðagreiðslu, bæjarfulltrúar S-lista greiddu atkvæði með tillögunni en bæjarfulltrúar D-lista greiddu atkvæði á móti. Tillagan var því felld.

Grétar Ingi Erlendsson lagði fram eftirfarandi bókun fyrir hönd bæjarfulltrúa D-lista:
Meirihluti D-lista bendir einnig á að starfsmenn sveitarfélagsins hafa leitað til utanaðkomandi sérfræðinga á þessu sviði þegar þess hefur verið þörf. Fyrirkomulagið hefur reynst afar vel og hvetur meirihluti D-lista stjórnendur sveitarfélagsins að leita áfram ráðgjafar í einstökum starfsmannamálum þegar þörf er á.

Berglind Friðriksdóttir lagði fram eftirfarandi bókun fyrir hönd bæjarfulltrúa S-lista:
Markmið tillögunnar er ekki að færa ábyrgð á mannauðs- og starfsmannamálum frá stjórnendum eða að búa til nýtt stöðugildi þó hún gangi út á reglubundna viðveru. Þvert á móti er markmiðið að styrkja stjórnendur í hlutverki sínu, auka öryggi þeirra við úrlausn mannauðsmála og tryggja þeim greiðan aðgang að faglegum stuðningi þegar þörf krefur. Með reglulegri viðveru sérfræðings í mannauðsmálum skapast jafnframt tækifæri til að vinna með mannauðsmál með markvissari og fyrirbyggjandi hætti. Þannig verður ekki einungis brugðist við þegar einstök mál koma upp líkt og fyrirkomulagið er í dag heldur jafnframt horft til endurtekinna áskorana, sameiginlegra þarfa stjórnenda og tækifæra til að styrkja verkferla og vinnustaðamenningu. Það skal líka undirstrikað að hér er verið að tala um reynsluverkefni sem meta skal að ári liðnu. Það er einmitt einn af kostunum við tillöguna, við erum ekki að binda okkur við varanlega ráðningu. Við getum prófað fyrirkomulagið í tólf mánuði, séð hvaða þjónustu stjórnendur þurfa mest á að halda og metið ávinninginn áður en tekin er ákvörðun um framtíðarfyrirkomulag. Við fáum þannig raunveruleg gögn og reynslu til að byggja framtíðarákvörðun á.

7. 2602002 - Iðnaðarsvæði sunnan bolaöldu DSK

Auglýsingaferli er lokið. Níu umsagnir bárust, frá Umhverfis- og orkustofnun, Vegagerðinni, Heilbrigðiseftirliti Suðurlands, Náttúruverndarstofnun, Forsætisráðuneytinu, Veitum, Minjastofnun Íslands, Náttúrufræðistofnun og Orkuveitunni. Skipulagshöfundur hefur brugðist við umsögnum með breytingum á skipulagsskilmálum. Jafnframt hafa veglína og borplön verið færð lítillega til að falla betur að landslagi og landhalla í samræmi við framkvæmdahönnun og hámarksstærð borplana aukin úr 5.000 m² í 7.000 m². Að mati skipulagshöfundar breyta þessar breytingar ekki umhverfisáhrifum skipulagsins frá auglýstri tillögu. Skipulagið er lagt fram uppfært ásamt samantekt umsagna og viðbrögðum við þeim.

Afgreiðsla skipulags- og umhverfisnefndar: Málið var tekið til atkvæðagreiðslu. Guðmundur Oddgeirsson S-lista sat hjá og vísaði til fyrri bókana um málið. Fulltrúar D-lista greiddu atkvæði með og var málið því samþykkt. Nefndin beinir því til bæjarstjórnar að skipulagsfulltrúa verði falið að ganga frá málinu í samræmi við 1. málsgrein 42. greinar skipulagslaga nr. 123/2010.