| |
| 1. 2609063 - Viljayfirlýsing vegna mögulegrar uppbyggingar gagnavers á iðnaðarsvæði I4 | |
Bæjarráð þakkar upplýsingarnar og felur starfsmönnum áframhaldandi framgang verkefnisins.
Samþykkt samhljóða.
| | |
|
| 2. 2609025 - Beiðni um viðauka vegna leikskólalóðar Hraunheima | |
Í ljósi þess að beiðni um tilgreindan viðauka byggir á viðbrögðum við aukna þjónustuþörf vegna barns með CP lömun samþykkir bæjarráð viðaukann. Eftir sem áður beinir bæjarráð því til starfsmanna sem fara með fjárráð að halda sig innan þess ramma sem fjárhagsáætlun myndar.
Samþykkt samhljóða.
| | |
|
| 3. 2609040 - Umsókn um styrk vegna afmælistónleika | |
Bæjarráð lýsir velvilja gagnvart verkefninu og bendir umsóknaraðilum á að opið er fyrir umsóknir í lista- og menningarsjóð Ölfuss. Umsóknarfrestur er til 18.október nk.
Samþykkt samhljóða.
| | |
|
| 4. 2609039 - Beiðni um viðbótarfjárveitingu vegna reiðvegagerðar | |
Bæjarráð vísar erindinu til gerðar fjárhagsáætlunar.
Samþykkt samhljóða.
| | |
|
| 5. 2609033 - Aðstöðuumbætur í Skötubót - beiðni um heimild til að gera tröppur og útisturtu | |
Bæjarráð vísar þeim hluta erindisins sem lýtur að bættu aðgengi til umfjöllunar við gerð fjárhagsáætlunar. Ráðið telur hins vegar ekki rétt að forgangsraða fjármunum sveitarfélagsins til uppbyggingar sturtuaðstöðu við fjöruna að svo stöddu.
Bæjarráð er þó jákvætt gagnvart því að kannaðar verði forsendur fyrir því að einkaaðila verði heimilað að koma upp og reka slíka aðstöðu, komi fram áhugi þess efnis.
Samþykkt samhljóða.
| | |
|
| 6. 2609062 - Reglur og viðmið um notkun gervigreindar hjá Sveitarfélaginu Ölfusi | |
Bæjarráð samþykkir fyrirliggjandi drög með þeim athugasemdum sem komu fram á fundinum og felur starfsmönnum að kynna þau fyrir framkvæmdastjórum sveitarfélagsins sem síðan fylgja reglunum eftir gagnvart sínum starfsmönnum.
Samþykkt samhljóða.
| | |
|
| 7. 2608035 - Fjárhagsáætlun Sveitarfélagsins Ölfuss 2027-2030 | |
Bæjarráð samþykkir fyrirliggjandi drög að verk- og tímaáætlun vegna gerðar fjárhagsáætlunar.
Samþykkt samhljóða.
| | |
|
| 8. 2609037 - Notendaráð sveitarfélaga | |
| Bæjarráð þakkar erindið og tekur undir mikilvægi þess að skipað sé í umrædd ráð. Bæjarráð vill ennfremur koma því á framfæri að þegar hefur verið skipað í umrædd ráð og þau tekin til starfa. | | |
|
| 9. 2609043 - Áskorun frá Starfsgreinasambandi Íslands og 18 aðildarfélögum þess | |
Bæjarráð tekur undir afstöðu Starfsgreinasambands Íslands um mikilvægi þjóðarsáttar til að draga úr verðbólgu og skapa forsendur fyrir lækkun vaxta. Slíkt átak krefst þess að ríki, sveitarfélög, atvinnulíf, verslun og þjónusta axli sameiginlega ábyrgð og haldi aftur af verð- og gjaldskrárhækkunum.
Bæjarráð lýsir því yfir að Sveitarfélagið Ölfus er reiðubúið að taka þátt í átakinu og miðað sé við að gjaldskrár sveitarfélagsins hækki ekki um meira en 2,5%. Jafnframt verði því beint til fyrirtækja í eigu sveitarfélagsins að fylgja sama viðmiði.
Samþykkt samhljóða.
| | |
|
| 10. 2609038 - Forsendur kjarasamninga -erindi frá VR, LÍV og Fagfélögunum | |
Bæjarráð tekur undir markmið erindisins um sameiginlegt átak til að draga úr verðbólgu og skapa forsendur fyrir lækkun vaxta. Slíkt átak krefst þess að ríki, sveitarfélög, atvinnulíf og aðrir sem áhrif hafa á verðmyndun sýni ábyrgð og hófsemi.
Bæjarráð bendir á að Sveitarfélagið Ölfus hefur sennilega gengið lengst allra sveitarfélaga seinustu misseri hvað þessi mál varðar. Sérstaklega hefur Ölfus gripið til umfangsmikilla aðgerða til að létta undir með heimilum. Þar má nefna gjaldfrjálsa leikskóladvöl í allt að 36 stundir á viku, gjaldfrjálsar skólamáltíðir, heimgreiðslur allt að 108.500 kr. á mánuði, frístundastyrk að fjárhæð 56.300 kr. á hvert barn og 50% lækkun álagningarhlutfalls fasteignaskatts á íbúðarhúsnæði á 8 árum.
Við undirbúning fjárhagsáætlunar 2027 er gert ráð fyrir að álagningarhlutfall fasteignaskatts lækki um 5% (úr 0,20% í 0,19%) og að almennar gjaldskrár hækki eingöngu um 2,5%.
Bæjarráð lýsir því yfir að Sveitarfélagið Ölfus sé reiðubúið að taka þátt í sameiginlegu átaki um verðstöðugleika og miði við að almennar gjaldskrár sveitarfélagsins hækki ekki um meira en 2,5% í fjárhagsáætlunarvinnu næsta árs. Jafnframt er lögð áhersla á áframhaldandi framboð byggingarhæfra lóða og uppbyggingu leikskóla- og húsnæðisinnviða.
Bæjarstjóra er falið að svara erindinu í samræmi við framangreint.
| | |
|
| 11. 2609036 - Samráðsgátt - Tillaga um virkjanahugmyndir í verndarflokk og átta verndarsvæði | |
Lagt fram.
| | |
|
| 12. 2609052 - Aðalfundur Samtaka sjávarútvegssveitarfélaga | |
Lagt fram.
| | |
|
