Fundargerðir

Skipulags- og umhverfisnefnd - 118

Haldinn Verið - fundarsalur Ölfus Cluster,
21.08.2026 og hófst hann kl. 08:15

Fundinn sátu: Guðlaug Einarsdóttir varaformaður,
Geir Höskuldsson formaður,
Guðbergur Kristjánsson aðalmaður,
Bettý Grímsdóttir aðalmaður,
Guðmundur Oddgeirsson aðalmaður,
Sigurður Steinar Ásgeirsson skipulagsfulltrúi,

Fundargerð ritaði: Sigurður Steinar Ásgeirsson, Sviðsstjóri Skipulags- og lögfræðisviðs

Dagskrá:

Almenn mál

1. 2607021 - Eima - Deiliskipulagsbreyting atvinnulóðir

Lögð er fram deiliskipulagsbreyting fyrir Eimu í Selvogi. Breytingin felur í sér útvíkkun deiliskipulagsins og að bætt verði við 7 lóðum norðan Suðurstrandarvegar.

Afgreiðsla skipulags- og umhverfisnefndar: Almennt hefur ekki verið heimilað að byggja hærri byggingar en 8,5 m á landbúnaðarsvæði og telur nefndin 15 m mænishæð heldur of hátt. Þá bendir nefndin á að byggingarreitir eru heldur nálægt lóðarmörkum en almennt hefur verið miðað við að þeir séu að minnsta kosti 10 m frá lóðarmörkum. Að endingu bendir nefndin á að lóðir á landbúnaðarsvæði samkvæmt aðalskipulagi skulu ekki vera fleiri en 5 samliggjandi. Þá skortir á umfjöllun um MV4 í aðalskipulagi þar sem skipulagið liggur yfir það svæði.

2. 2605011 - Tangagljúfur og Háagljúfur - AT6, ÍB36 og VÞ20 óv. ASKbr

Með breytingunni hliðrast atvinnusvæðið AT6, en heldur umfangi sínu. Atvinnusvæðið byrjar eftir breytingu þar sem landi tekur að halla í bæjarholtinu með minna skuggavarpi á þegar skipulagðar íbúðarlóðir á háholtinu, sbr. deiliskipulag um Háagljúfur. Atvinnusvæðið færist einnig milli taflna í aðalskipulagi, fer úr því að vera athafnasvæði með lítið mengandi starfsemi í svæði fyrir verslun og þjónustu. Gert er ráð fyrir að sá hluti atvinnusvæðisins sem er sunnan og vestan Ölfusvegar verði fyrir alhliða þjónustu við ferðamenn, íþrótta- og afþreyingarmiðstöð og vagna- og vélasölu.

Eftir breytingu myndi verslunar og þjónustusvæði vera 8,2 ha. en nýtt íbúðasvæði 2,4 ha. Samtals eru svæðin því 10,6 ha. Fyrir breytingu er AT6 svæðið samtals 8,3 ha. Aðalskipulagsbreytingin felur að hluta til í sér hliðrun og að hluta til breytingu úr AT í ÍB og VÞ svæði. Þá er um að ræða stækkun á heildarsvæðinu úr Landbúnaðarsvæði í ÍB og VÞ um 2,3 ha.

Afgreiðsla skipulags- og umhverfisnefndar: Aðalskipulagsbreytingin er samþykkt.

Hvað varðarr eðli landnotkunnar þá felur breytingin í sér að landnotkun er annars vegar breytt úr Landbúnaðarsvæði í Íbúðasvæði en hins vegar að Athafnasvæði er breytt í Verslunar og þjónustusvæði. Um er að ræða áþekka landnotkunarflokka og því myndi breytingin ekki teljast veruleg hvað varðar eðli landnotkunarr. Stækkun svæðis sem verður Verslun og þjónusta auk viðbótar nýs íbúðasvæðis felur í sér að Landbúnaðarsvæði minnkar samtals um 2,3 Ha. Í gátlista útgefnum af skipulagsstofnun hefur verið miðað við að breytingar undir 3 ha. teljist ekki verulegar hvað varðar stærð svæðis. Breyting úr Athafnasvæði í Verslun og þjónustu er fremur til þess fallin að draga úr líkum á að íbúar í nágrenni verði fyrir neikvæðum áhrifum.

Að öllu þessu virtu er það mat nefndarinnar með hliðsjón af eðli, umfangi og áhrifum á ytri aðila að breytingin falli undir 2. mgr. 36. gr. og teljist óveruleg í skilningi skipulagslaga. Nefndin felur skipulagsfulltrúa að grenndarkynna tillöguna fyrir íbúum á svæðinu samhliða auglýsingu.

Nefndin beinir því til bæjarstjórnar að skipulagsfulltrúa verði falið að ganga frá málinu í samræmi við 2. málsgr. 36. gr. skipulagslaga nr 123/2010.

3. 2603067 - Hjarðarból - Fjölgun íbúðalóða - óv. ASKbr.

Skipulagið hefur verið auglýst.

Umsagnir bárust frá Náttúruverndarstofnun, Veitum, Vegagerðinni, Sveitarfélaginu Árborg og Heilbrigðiseftirliti Suðurlands.

Engar athugasemdir voru gerðar við skipulagið og því er það lagt fram að nýju óbreytt.

Afgreiðsla skipulags- og umhverfisnefndar: Aðalskipulagsbreytingin er samþykkt. Er það mat nefndarinnar með hliðsjón af eðli, umfangi og áhrifum á ytri aðila að breytingin falli undir 2. mgr. 36. gr. og teljist óveruleg í skilningi skipulagslaga. Nefndin beinir því til bæjarstjórnar að skipulagsfulltrúa verði falið að ganga frá málinu í samræmi við 2. málsgr. 36. gr. skipulagslaga nr 123/2010.

4. 2608008 - Merkjalýsing - Uppskipting landeignar - Laxabraut 43B, Þorlákshöfn

Lagt er fram merkjalýsing - uppskipting landeignar - Laxabraut 43B, Þorlákshöfn. Merkjalýsing þessi er unnið skv. gildandi aðalskipulagi Sveitarfélagsins Ölfuss 2020-2036. Laxabraut 43B er stofnuð úr jörðinni Þorlákshöfn (L171822), sem er ekki með skráða stærð í fasteignaskrá HMS en minnkar nú um það sem því nemur. Lóðin er 208872,0 m2. Enginn matshlutar eru á lóðinni. Aðkoma er frá Suðurstrandarvegi (427) um Laxabraut. Kvaðir: Lóðarhafar þurfa að verja suðurmörk lóðar fyrir ágangi sjávar með grjótvörn. Grjótvörn getur verið utan lóðar en þá þarf samþykki sveitarfélags fyrir framkvæmdinni. Ekki er heimilt að hindra gönguleið meðfram stöndinni.

Afgreiðsla skipulags- og umhverfisnefndar: Samþykkt

5. 2512090 - Hafnarsvæði H1 - Nýtt deiliskipulag

HMS gerðu athugsemdir við birtingu skipulagsins í B-deild á grundvelli þess að ekki hafi verið nægilega skýrt hvernig landfylling undir lóðinni Hafnarvegi 2 skuli háttað. HMS gera einnig athugasemd við að umrætt landfylling gæti verið tilkynningarskyld til HMS á grundvelli laga um umhverfismat framkvæmda og áætlana.

Afgreiðsla skipulags- og umhverfisnefndar: Sveitarfélagið vill taka fram að umrædd landfylling er ekki komin á framkvæmdaáætlun sveitarfélagsins og hefur ekki verið fullhönnuð. Landfyllingin myndi verða hluti af næsta fasa í stækkun hafnarinnar sem er nokkurra milljarða króna framkvæmd.
Hönnun hafnarmannvirkja er kostnaðarsöm og veltur á ýmum breytum sem ekki liggja ljósar fyrir nú. Slík hönnun byggir á líkanagreiningu þar sem meginmarkmið er að draga úr hreyfingu innan hafnar og auka öryggi skipa sem liggja við bryggju. Ekki tímabært að ráðast í slíka hönnun fyrr en framkvæmdin hefur verið fjármögnuð og ljóst er hversu umfangsmikil hún verður. Engu að síður er mikilvægt að skipuleggja næsta fasa hafnarsvæðisins svo gera megi ráð fyrir framtíðar vegtengingum og veitutengingum í gatnagerð sem er í framkvæmd nú.
Sveitarfélagið þakkar góðar ábendingar frá HMS og mun hafa þær í huga. Engu að síður telur sveitarfélagið mikilvægt að halda áfram með skipulagið mun því birta það í b-deild stjórndartíðinda.

6. 2405090 - Hraunstjörn og Hraunsland nýtt DSK

-Endurauglýsing
Skipulagið er endurauglýst þar sem 12 mánaða frestur var liðinn áður en það var birt í B-deild. Lagt er fram nýtt deiliskipulag fyrir lóðirnar Hraunstjörn og Hraunsland. Á svæðinu er hraun sem rann eftir ísöld og er því friðað samkvæmt náttúruverndarlögum. Byggingarreitum hefur verið fundinn staður þar sem hraunið er gróið og hefur takmarkað verndargildi.

Afgreiðsla skipulags- og umhverfisnefndar: Nefndin beinir því til bæjarstjórnar að skipulagsfulltrúa verði falið að auglýsa tillöguna í samræmi við 1. málsgrein 41. greinar skipulagslaga nr. 123/2010.

7. 2601076 - Grásteinn - fjölgun íbúðalóða og stækkun skipulagssvæðis - DSKbr

HMS gerðu athugasemdir við aðalskipulagsbreytingu sem gerð var samhliða deiliskipulagsbreytingunni. Athugasemd HMS fólst í að þau töldu aðalskipulagsbreytinguna ekki geta talist óverulega sbr. 36. gr. skipulagslaga. Í ljósi þess að aðalskipulagsbreytingin fékk ekki fram að ganga eru gerðar breytingar á deiliskipulaginu svo það samrýmist núgildandi aðalskipulagi. Byggingarheimildir hafa því verið fjarlægðar af öllum lóðum nema 3 og skipulagið lagt fram að nýju í uppfærðri mynd. Ekki er talin þörf á að auglýsa skipulagið að nýju þar sem þetta er eina breytingin sem gerð var á skipulaginu.

Afgreiðsla skipulags- og umhverfisnefndar: Nefndin beinir því til bæjarstjórnar að skipulagsfulltrúa verði falið að ganga frá málinu í samræmi við 1. málsgrein 42. grein skipulagslaga nr. 123/2010.

8. 2402017 - Grímslækjarheiði - Hraunkvíar DSK

Deiliskipulag Hraunkvía á Grímslækjarheiði er endurauglýst þar sem meira en 12 mánuðir eru liðnir frá lokum auglýsingarfrests og skipulagið ekki verið birt í B-deild. Skipulagssvæðið er samtals um 9,2 ha. að stærð og felur í sér afmörkun 14 íbúðalóða á reit ÍB17 skv. aðalskipulagi Ölfuss.

9. 2608029 - Leyfi til að dreifa PheLyz (lífhvata VAXA) á landi í Ölfusi

Vaxa hefur óskað eftir heimild til að dreifa lífrænu jarðbætiefni (PheLys) á opin og óbyggð svæði auk skógræktar- og landgræðslusvæða í þeim tilgangi að bæta jarðvegsgæði og stuðla að aukinni kolefnisbindingu.
Jafnframt er óskað eftir heimild til að stunda mælingar á bindingu CO2 sem af framangreindri dreifingu leiðir til að öðlast rétt til að hagnýta sér ávinning af aukinni bindingu CO2 í jarðvegi þess lands sem dreift hefur verið á, þ.e. tryggja sér réttindi til að fella staðfesta losun inn í kolefnisbókhald afurða sinna.

Fá þarf staðfestingu frá umsækjanda um nákvæmt svæði áður en hægt er að afgreiða erindið. Máli frestað til næsta fundar.

10. 2608036 - Lækur 4 - DSK

Umsókn frá lögbýlinu Lækur 4 (Skógarjörð á Hjallafjalli í Ölfusi) um heimild til að deiliskipuleggja landið.
Hugmyndin er að skipuleggja lóðir fyrir frístundahús fyrir fjölskyldumeðlimi og aðstöðu fyrir starfsfólk sem kemur til með að vinna að grisjun og umhirðu skógarins.
Skógræktin er með samning við Land og Skóg um rúmlegaq 70 hektara til nytjaskógræktar.
Framkvæmdir hafa staðið frá 1997 og er nánast búið að fylla svæði og komið að mikilli umhirðu svæðisins.

Landið er á Vatnsverndarsvæði og samkvæmt Aðalskipulagi sveitarfélagsins tilheyrir landið undir Skógræktar- og landgræðslusvæði

Afgreiðsla skipulags- og umhverfisnefndar: Landið er innan svæðis sem skilgreint er sem grannsvæði vatnsverndar. Samkvæmt grein 13.1 í reglugerð um verndun vatns segir: Ekki skal leyfa nýjar byggingar, sumarbústaði eða þess háttar á svæðinu. Vegalagnir, áburðarnotkun og önnur starfsemi innan svæðisins skal vera undir ströngu eftirliti.

Taka þarf til sérstakrar skoðunar hvort nefndinni sé heimilt að leyfa deiliskipulag sem inniber byggingarheimildir á svæðinu. Málinu er frestað og skipulagsfulltrúa falið að hafa samband við HSL og fá leiðbeiningar um málsmeðferð.

11. 2608037 - Lækjaskógar - stöðuleyfi fyrir allt að 6 20feta gáma

Umsókn um stöðuleyfi fyrir allt að sex tuttugufeta gáma, sem nýttir verða í framtíðinni sem frístundahús og aðstaða sem íverustaður fyrir starfsfólk vegna grisjunar og viðhalds skógarins.
Á meðan deiliskipulag fyrir Læk 4 er unnið, þurfa þau aðstöðu til að geyma gámana.

Landið er á Vatnsverndarsvæði og á Skógræktar- og landgræðslusvæði í Aðalskipulagi sveitarfélagsins.

Afgreiðsla skipulags- og umhverfisnefndar: Samkvæmt 2.6.1. gr. byggingarreglugerðar nr. 112/2012 er sótt um stöðuleyfi til byggingarfulltrúa viðkomandi sveitarfélags sem tekur ákvörðun um að veita eða synja byggingarleyfi og stöðuleyfi. Erindinu er því vísað til afgreiðslunefnd byggingafulltrúa til afgreiðslu.

Fleira ekki gert. Fundi slitið kl. 10:15

Til baka

Prenta

Prenta síðu

X Loka

Fundargerðir

Stjórnkerfi