Fundargerðir

Skipulags- og umhverfisnefnd - 121

Haldinn í Ráðhúsi Ölfuss,
09.10.2026 og hófst hann kl. 08:15

Fundinn sátu: Björn Kjartansson 1. varamaður,
Geir Höskuldsson formaður,
Guðbergur Kristjánsson aðalmaður,
Bettý Grímsdóttir aðalmaður,
Guðmundur Oddgeirsson aðalmaður,
Sigurður Steinar Ásgeirsson skipulagsfulltrúi,

Fundargerð ritaði: Sigurður Steinar Ásgeirsson, Sviðsstjóri Skipulags- og lögfræðisviðs

Dagskrá:

Almenn mál

1. 2608058 - Þorláksskógar - áheyrn

Verkefnið Þorláksskógar óskar eftir áheyrn hjá umhverfis-og skipulagsnefnd Ölfuss. Markmið áheyrnarinnar er að kynna verkefnið Þorláksskóga og ræða fyrirhugaða aukna notkun lífræns áburðar við uppgræðslu og skógrækt á Hafnarsandi, með sérstakri áherslu á kjötmjöl.

Afgreiðsla skipulags- og umhverfisnefndar: Nefndin þakkar kynninguna og tekur jákvætt í erindið. Nefndin beinir málinu til Ölfus Cluster og Hydros til upplýsinga.

2. 2609047 - Merkjalýsing - Uppskipting landeignar - Bolavellir 2, Hellisheiði

Lagt er fram merkjalýsing - uppskipting landeignar - Bolavellir 2, Hellisheiði. Merkjalýsing þessi er unnið skv. gildandi dieliskipulagsbreytingu virkjunarsvæðið á Hellisheiði, dags. B deild augl. 12.09.2025 og aðalskipulagi Sveitarfélagsins Ölfuss 2020-2036. Bolavellir 2 er stofnuð úr Kolviðarhóli lóð 1 (L199792), sem er með skráða stærð 322,6 ha í fasteignaskrá HMS, en minnkar nú um það sem því nemur og verður 321,5 ha. Bolavellir 2 er 11416,9 m2. Enginn mahtshluti er á lóðinni. Engin kvöð er á lóðinni. Einnig breytist staðfangið á Bolavöllum 2 (L228904) í Bolavelli 4.

Afgreiðsla skipulags- og umhverfisnefndar: Samþykkt.

3. 2609048 - Merkjalýsing - Uppskipting landeignar - Mýrarsel 9A, 9B, 9C, 9D og 9E

Lagt er fram merkjalýsing - uppskipting landeignar - Mýrarsel 9A, 9B, 9C, 9D og 9E. Merkjalýsing þessi er unnið skv. gildandi dieliskipulagsbreytingu fyrir Mýrarsel 9, dags. B deild augl. 25.08.2026 og aðalskipulagi Sveitarfélagsins Ölfuss 2020-2036. Stofna á fjórar lóðir: Mýrarsel 9B er 5315,0 m2, Mýrarsel 9C er 5347,3 m2, Mýrarsel 9D er 5379,7 m2 og Mýrarsel 9E er 5412,0 m2. Mýrarsel 9 er með skráða stærð 26739 m2 í fasteignaskrá HMS. Skv. þinglýstum hnitum mælist lóðin 26737,2 m2. Mýrarsel 9 minnkar um 21454,0 m2 og verður 5283,2 m2. Mýrarsel 9 breytir um staðfang og verður Mýrarsel 9A. Engir matshlutar eru á lóðunum. Engar kvaðir eru á lóðunum.

Afgreiðsla skipulags- og umhverfisnefndar: Samþykkt.

4. 2609053 - Erindi frá sóknarnefnd Strandarkirkju

Lagt er fram erindi frá formanni sóknarnefndar Strandakirkju varðandi aðstæður í kringum kirkjuna og ástand vega og sjóvarnargarða í Selvogi.

Afgreiðsla Skipulags og umhverfisnefndar: Nefndin felur skipulagsfulltrúa að skila ábendingu til Vegagerðinni um bæði sjóvarnir og aðkomuveg og kalla eftir umsögn. Varðandi sorpmál og salerni telur nefndin að þau málefni heyri undir landeiganda.

5. 2609054 - Ósk um breytingu á lóðamörkum Pálsbúðar 16 og 18, Þorlákshöfn

Lögð er fram beiðni lóðarhafa Pálsbúðar 16 og 18 um breytingu á lóðamörkum milli lóðanna. Báðir lóðarhafa eru ásáttir um að lóðamörk verði færð um 90 cm þannig að lóðin Pálsbúð 16 minnkar um því sem nemur en lóðin Pálsbúð 18 stækkar.

Afgreiðsla Skipulags- og umhverfisnefndar: Nefndin samþykkir fyrir sitt leiti að breytingin sé framkvæmd á kostnað lóðarhafa. Nefndin bendir þó á að gera þarf bæði skipulagsbreytingu og merkjalýsingu sem getur verið kostnaðarsamt.

6. 2607042 - Umsókn um deiliskipulag -eða breytingu - Birkiból 2, Ölfus

Sótt er um breytingu á deiliskipulaginu íbúðahverfi að Hjarðarbóli 1, en breytingin snýr að lóðinni Birkiból 2. Breytingin hefur áður komið fyrir nefndarfund en gerð hefur verið breyting á þá leið að ekki er gert ráð fyrir fleiri en 1 íbúð. Málsaðili leggur fram erindi þar sem þess er óskað að erindið sé tekið fyrir að nýju.

Afgreiðsla skipulags- og umhverfisnefndar: Nefndin telur mikilvægt að halda í samræmi þar sem skipulögð hafa verið heildstæð hverfi. Skoða þarf skipulagsbreytingar sem hafa áhrif á ásýnd hverfis heildstætt, fremur en að hver lóð hafi eigin skipulagsskilmála.

7. 2609064 - Gljúfurholt - Nýtt deiliskipulag

Landeigandi í Gljúfurholti leggur fram beiðni um heimild til að gera deiliskipulag. Gljúfurholt er á landnotkunarreit ÍB32 og liggur að sveitarfélagamörkum Hveragerðisbæjar. Lögð eru fram fyrstu drög að skipulaginu og óskað eftir afstöðu sveitarfélagsins.

Afgreiðsla Skipulags- og umhverfisnefndar: Nefndin bendir á að lóðafjöldi er ekki í samræmi við skilmála í aðalskipulagi. Iðnaðarsvæði syðst á lóðinni er eingöngu hugsað undir hreinsivirki fyrir hverfið og því ekki heimilt að staðsetja þar iðnaðarlóðir. Þá er ekki heimilt að leyfa raðhús á landinu né fjölbýlishús samkvæmt ákvæðum aðalskipulags.

8. 2609070 - Fyrirspurn um heimild til að breyta deiliskipulagi

Eigandi að Brandarbraut 2 leggur fram fyrirspurn um heimild til að breyta deiliskipulagi hvað varðar sína lóð. Breytingin myndi fela í sér að byggingarreitur yrði stækkaður eða nýjum byggingarreit bætt við til að staðsetja hesthús/skemmu fyrir sunnan núverandi byggingarreit. Samhliða er spurt hvort það sé heimilt og hversu stór skemman mætti vera.

9. 2604018 - Oddabraut 9 - Beiðni um heimild til að skipta upp húseign

Fasteignaeigandi að Oddabraut 9 leggur fram beiðni um að skipta fasteigninni í tvær íbúðir. Lagður er fram uppdráttur þar sem meðal annars kemur fram að 2 stæði yrðu fyrir hvora íbúð innan lóðar.

Afgreiðsla Skipulags og umhverfisnefndar: Frestað til næsta fundar

10. 2610002 - Kvörtun vegna umgengni á lóð í dreifbýli

Landeigandi í dreifbýli Ölfuss leggur fram kvörtun vegna umgengni á aðliggjandi lóð.

Afgreiðsla skipulags- og umhverfisnefndar: Nefndin harmar slæma umgengni á lóðum og felur skipulagsfulltrúa að skila ábendingum til Heilbrigðiseftirlits.

Fleira ekki gert. Fundi slitið kl. 10:15

Til baka

Prenta

Prenta síðu

X Loka