Fundargerðir

Til bakaPrenta
Skipulags- og umhverfisnefnd - 122

Haldinn í Ráðhúsi Ölfuss,
23.10.2026 og hófst hann kl. 08:15
Fundinn sátu: Guðlaug Einarsdóttir varaformaður,
Geir Höskuldsson formaður,
Bettý Grímsdóttir aðalmaður,
Guðmundur Oddgeirsson aðalmaður,
Sigurður Steinar Ásgeirsson skipulagsfulltrúi,
Fundargerð ritaði: Sigurður Steinar Ásgeirsson, Sviðsstjóri Skipulags- og lögfræðisviðs


Dagskrá: 
Almenn mál
1. 2609034 - Laut - 3 íbúðalóðir - nýtt DSK
Landeigandi að Laut leggur fram beiðni um að gera deiliskipulag fyrir landið. Deiliskipulagið myndi fela í sér að landinu er skipt í 3 ibúðalóðir.
Geir Höskuldsson vék af fundi við afgreiðslu málsins.

Afgreiðsla skipulags og umhverfisnefndar: Nefndin hefur hingað til unnið eftir því viðmiði að lóðir á landbúnaðarlandi séu 5000m2 eða stærri, orðalag aðalskipulags líkt og vísað er til hefur nefndin álitið sem íbúðalóðir á íbúðasvæðum en lóðir á landbúnaðarlandi séu landbúnaðarlóðir, í kafla um íbúðasvæði er tekið fram að lóðir á landbúnaðarlandi skuli vera stærri en lóðir á íbúðasvæðum. Nefndin felur skipulagsfulltrúa í framhaldi af afgreiðslu þessa erindis að hefja vinnu við aðalskipulagsbreytingu til skerpingar á orðalagi fyrir landbúnaðarsvæði.
2. 2610001 - Lambafell E2 og E3 - Uppfærðar magntölur í töflu - óv. ASKbr
Lögð er fram óveruleg breyting á aðalskipulagi Ölfuss er snýr að Efnisnámum í Lambafelli E2 og E3. Í breytingunni felst uppfærsla á heimilu efnismagni í samræmi við umhverfisskýrslur.
Afgreiðsla skipulags- og umhverfisnefndar: Aðalskipulagsbreytingin er samþykkt með fyrirvara um samþykkt landeigenda. Breytingin felur í raun aðeins í sér uppfærslu í samræmi við umhverfismat. Er það mat nefndarinnar með hliðsjón af eðli, umfangi og áhrifum á ytri aðila að breytingin falli undir 2. mgr. 36. gr. og teljist óveruleg í skilningi skipulagslaga. Nefndin beinir því til bæjarstjórnar að skipulagsfulltrúa verði falið að ganga frá málinu í samræmi við 2. málsgr. 36. gr. skipulagslaga nr 123/2010.
3. 2601076 - Grásteinn - fjölgun íbúðalóða og stækkun skipulagssvæðis - DSKbr
HMS féllust á að óveruleg aðalskipulagsbreyting fengi fram að ganga og er deiliskipulag því lagt fram að nýju.
Afgreiðsla skipulags- og umhverfisnefndar: Nefndin beinir því til bæjarstjórnar að skipulagsfulltrúa verði falið að ganga frá málinu í samræmi við 1. málsgrein 42. grein skipulagslaga nr. 123/2010.
4. 2604017 - Deiliskipulag efnistökunáma E10, E11 og E12
Kynningu tillögunnar er lokið. Um er að ræða námur í landi Hrauns sem hafa verið í notkun frá árinu 1960 og er skipulaginu ætlað að ramma inn áframhaldandi efnistöku á svæðunum. Umsagnir bárust frá Veitum, Rarik, Vegagerðinni, Landsneti, Náttúruverndarstofnun, Heilbrigðiseftirliti Suðurlands og Minjastofnun Íslands. Skipulagshöfundur hefur brugðist við umsögnum. Selfosslína 3 hefur verið færð inn á uppdrátt og breytt vegtenging við Eyrarbakkaveg sýnd í samræmi við ábendingu Vegagerðarinnar. Aðrar ábendingar umsagnaraðila snúa að atriðum sem fjallað er um við útgáfu framkvæmdaleyfis og starfsleyfis og kalla ekki á frekari breytingar á skipulaginu. Uppfært skipulag er lagt fram ásamt samantekt umsagna og viðbrögðum við þeim.
Afgreiðsla skipulags- og umhverfisnefndar: Nefndin beinir því til bæjarstjórnar að skipulagsfulltrúa verði falið að ganga frá málinu í samræmi við 1. málsgrein 42. grein skipulagslaga nr. 123/2010.
5. 2602002 - Iðnaðarsvæði sunnan bolaöldu DSK
Auglýsingaferli er lokið. Níu umsagnir bárust, frá Umhverfis- og orkustofnun, Vegagerðinni, Heilbrigðiseftirliti Suðurlands, Náttúruverndarstofnun, forsætisráðuneytinu, Veitum, Minjastofnun Íslands, Náttúrufræðistofnun og Orkuveitunni. Skipulagshöfundur hefur brugðist við umsögnum með breytingum á skipulagsskilmálum. Jafnframt hefur veglína og borplön verið færð lítillega til að falla betur að landslagi og landhalla í samræmi við framkvæmdahönnun og hámarksstærð borplana aukin úr 5.000 m² í 7.000 m². Að mati skipulagshöfundar breyta þessar breytingar ekki umhverfisáhrifum skipulagsins frá auglýstri tillögu. Skipulagið er lagt fram uppfært ásamt samantekt umsagna og viðbrögðum við þeim.
Afgreiðsla skipulags- og umhverfisnefndar: Málið var tekið til atkvæðagreiðslu. Guðmundur Oddgeirsson S-lista sat hjá og vísaði til fyrri bókana um málið. Fulltrúar D-lista greiddu atkvæði með og var málið því samþykkt. Nefndin beinir því til bæjarstjórnar að skipulagsfulltrúa verði falið að ganga frá málinu í samræmi við 1. málsgrein 42. grein skipulagslaga nr. 123/2010.
6. 2610003 - Umsókn um framkvæmdaleyfi - fjarskiptasúla - Gljúfurárholt land 13
Sótt er um framkvæmdaleyfi til uppsetningar fjarskiptasúlu á landinu Gljúfurárholt land 13. Súlan mun efla fjarskiptasamband á svæðinu, sérstaklega í 1 km radíus.
Afgreiðsla Skipulags- og umhverfisnefndar: Nefndin felur skipulagsfulltrúa að grenndarkynna tillöguna lóðum í Klettagljúfri og aðliggjandi lóðum.
7. 2604018 - Oddabraut 9 - Beiðni um heimild til að skipta upp húseign
Fasteignaeigandi að Oddabraut 9 leggur fram beiðni um að skipta fasteigninni í tvær íbúðir. Lagður er fram uppdráttur þar sem meðal annars kemur fram að 2 stæði yrðu fyrir hvora íbúð innan lóðar.
Afgreiðsla Skipulags og umhverfisnefndar: Skipulagsfulltrúa er falið að grenndarkynna beiðnina til að fá fram sjónarmið nágranna áður en tekin er endanleg afstaða til hennar. Nefndin bendir á að slík breyting er byggingarleyfisskyld og myndi þurfa að uppfylla öll skilyrði núgildandi byggingarreglugerðar svo hún fengi fram að ganga.
8. 2610110 - Umsókn um framkvæmdaleyfi - 10 kv strengur að vatnsverksmiðju
Rarik sækir um framkvæmdaleyfi til lagningar háspennustrengs frá tengivirki Landsnets, meðfram gamla Þorlákshafnarvegi og norður að vatnsverksmiðju Icelandic Glacial. Haft hefur verið samráð við Landsnet til að fyrirbyggja skörun strengsins við Þorlákshafnarlínu 2 sem verið er að leggja þessa dagana.
Afgreiðsla skipulags- og umhverfisnefndar: Framkvæmdaleyfi veitt.
9. 2610115 - Tilnefning aðila í samstarfsnefnd um friðlandið Herdísarvík
Umhverfisverndarstofnun fer þess á leit að skipulags- og umhverfisnefnd tilnefni aðila í samstarfshóp um friðlandið Herdísarvík.
Afgreiðsla skipulags- og umhverfisnefndar: Nefndin tilnefnir Guðmund Oddgeirsson og Hrönn Guðmundsdóttir.
10. 2609069 - Þurárhraun 13-17 beiðni um heimild til að byggja garðskála utan byggingarreits
Eigandi í Þurárhrauni 17 óskar eftir heimild til að byggja garðskála utan byggingarreits eða fá heimild til að stækka byggingarreit eins og sýnt er á myndinni, svo hægt sé að byggja garðskálann.
Afgreiðsla skipulags- og umhverfisnefndar: Nefndin er opin fyrir því að heimila deiliskipulagsbreytingu í þessu tilviki, í ljósi þess að umhverfi býður upp á það og ný bygging nálgast ekki lóðamörk annars lóðarhafa. Lóðarhafa er heimilt að gera deiliskipulagsbreytingu á sinn kostnað.
11. 2610129 - Merkjalýsing - Uppskipting landeignar - Hlíðarás vegsvæði
Lagt er fram merkjalýsing - uppskipting landeignar - Hlíðarás vegsvæði. Merkjalýsing þessi er unnið skv. gildandi dieliskipulagsbreytingu Þorlákshafnarvegur-vegtengingar, dags. B deild augl. 25.08.2026 og aðalskipulagi Sveitarfélagsins Ölfuss 2020-2036. Hlíðarás vegsvæði er stofnuð úr Hlíðarás (L172271), sem er með skráða stærð 10000m² í fasteignaskrá HMS, en minnkar nú um það sem því nemur og verður 9657m². Hlíðarás vegsvæði er 343m² að stærð. Skipting vegsvæðis úr upprunaladi breytir ekki mörkum upprunalands ganvart fasteignum í eigu annarra aðila sbr. 2. mgr. 7. gr. reglugerða nr. 160/2024 um merki fasteigna. Á vegsvæði þessa hvíla ekki aðrar kvaðir en skv. gildandi lögum hverju sinni.
Afgreiðsla skipulags- og umhverfisnefndar: Samþykkt.
12. 2610130 - Merkjalýsing - Uppskipting landeignar - Ytri-Grímslækur vegsvæði
Lagt er fram merkjalýsing - uppskipting landeignar - Ytri-Grímslækur vegsvæði. Merkjalýsing þessi er unnið skv. gildandi dieliskipulagsbreytingu Þorlákshafnarvegur-vegtengingar, dags. B deild augl. 25.08.2026 og aðalskipulagi Sveitarfélagsins Ölfuss 2020-2036. Ytri-Grímslækur vegsvæði er stofnuð úr Ytri-Grímslækjar (L171745), sem er með skráða stærð 51,2ha í fasteignaskrá HMS, en minnkar nú um það sem því nemur og verður 50,3ha. Ytri-Grímslækur vegsvæði er 8995m² að stærð. Skipting vegsvæðis úr upprunaladi breytir ekki mörkum upprunalands ganvart fasteignum í eigu annarra aðila sbr. 2. mgr. 7. gr. reglugerða nr. 160/2024 um merki fasteigna. Á vegsvæði þessa hvíla ekki aðrar kvaðir en skv. gildandi lögum hverju sinni.
Afgreiðsla skipulags- og umhverfisnefndar: Samþykkt.
13. 2610131 - Merkjalýsing - Uppskipting landeignar - Sögusteinn vegsvæði
Lagt er fram merkjalýsing - uppskipting landeignar - Sögusteinn vegsvæði. Merkjalýsing þessi er unnið skv. gildandi dieliskipulagsbreytingu Þorlákshafnarvegur-vegtengingar, dags. B deild augl. 25.08.2026 og aðalskipulagi Sveitarfélagsins Ölfuss 2020-2036. Sögusteinn vegsvæði er stofnuð úr Sögusteinn (L172269), sem er með skráða stærð 25206m² í fasteignaskrá HMS, en minnkar nú um það sem því nemur og verður 24131m². Sögusteinn vegsvæði er 1075m² að stærð. Skipting vegsvæðis úr upprunaladi breytir ekki mörkum upprunalands ganvart fasteignum í eigu annarra aðila sbr. 2. mgr. 7. gr. reglugerða nr. 160/2024 um merki fasteigna. Á vegsvæði þessa hvíla ekki aðrar kvaðir en skv. gildandi lögum hverju sinni.
Afgreiðsla skipulags- og umhverfisnefndar: Samþykkt.
14. 2610132 - Víkursandur - nýjar lóðir fyrir gagnaver - DSKbr
Lögð er fram tillaga að breytingu á deiliskipulagi iðnaðarsvæðisins á Sandi vestan Þorlákshafnar, á iðnaðarsvæði I4 samkvæmt Aðalskipulagi Ölfuss 2020-2036. Vegna fjölda breytinga á skipulaginu frá 2017 er breytingin sett fram sem heildarendurskoðun, og við gildistöku fellur eldra deiliskipulag og síðari breytingar þess úr gildi. Með breytingunni er skipulagssvæðið stækkað til norðurs og bætt við um 25 nýjum lóðum af mismunandi stærðum, meðal annars vegna áhuga gagnavera á uppbyggingu á svæðinu, ásamt lóð fyrir tengivirki. Gert er ráð fyrir nýtingarhlutfalli 0,5, allt að 15 m hæð bygginga, áfangaskiptri uppbyggingu gatna og veitukerfa og jarðvegsmönum og skjólbeltum á jaðri svæðisins. Umhverfismatsskýrsla fylgir tillögunni.
Afgreiðsla skipulags- og umhverfisnefndar: Nefndin beinir því til bæjarstjórnar að skipulagsfulltrúa verði falið að auglýsa tillöguna í samræmi við 1. málsgrein 43. greinar skipulagslaga nr. 123/2010. Bent er á að vatnstaka á svæðinu skal vera sjálfbær og afla skal umsagnar Hydros áður en borað er eftir vatni.
15. 2610133 - Mói - Breyting byggingarreits vegna matvöruverslunar - DSKbr
Lögð er fram deiliskipulagsbreyting er snýr að Hafnarvegi 2. Byggingarreit er hliðrað og hann stækkaður lítillega. Nýtingarhlutfall er lækkað í 0,5 í ljósi þess að til stendur að reisa á lóðinni matvörubúð í stað hótels.
Afgreiðsla skipulags- og umhverfisnefndar: Nefndin beinir því til bæjarstjórnar að skipulagsfulltrúa verði falið að auglýsa tillöguna í samræmi við 1. málsgrein 41. greinar skipulagslaga nr. 123/2010.
16. 2610134 - Gata A 3 - stækkun lóðar og byggingarreits - Óv. DSKbr
Lögð er fram óveruleg breyting á deiliskipulagi Móa. Breytingin felur í sér stækkun lóðarinnar Gata A 3 um 55 m2 og lítillega stækkun byggingarreits í samræmi.
Afgreiðsla skipulags- og umhverfisnefndar: Nefndin beinir því til bæjarstjórnar að skipulags og byggingarfulltrúum verði heimilað að samþykkja breytinguna og ganga frá málinu í samræmi við 3. mgr. 43. gr. skipulagslaga nr. 123/2010.
17. 2511028 - Egilsbraut 9 DSKbr. - Lóð fyrir hjúkrunarheimili
HMS tók ekki afstöðu til deiliskipulagsbreytingarinnar með bréfi dags. 16.2.2026 og óskaði eftir skýrari afmörkun byggingarreits, greiningu á skuggavarpi og fyrirvara um minjakönnun Minjastofnunar. Minjakönnun er nú lokið og hefur skipulagshöfundur fært inn á uppdrátt mögulegt eldstæði sem fannst ásamt 15 m helgunarsvæði, bætt við skilmálum um að svæðið verði afgirt á framkvæmdatíma og að jarðrask innan helgunarsvæðisins sé óheimilt nema í samráði við minjavörð Suðurlands, og fækkað áætluðum bílastæðum um fjögur. Ekki eru gerðar breytingar vegna athugasemda um afmörkun byggingarreits og skuggavarp þar sem þær kröfur eiga sér ekki stoð í skipulagslögum eða skipulagsreglugerð.
Afgreiðsla skipulags- og umhverfisnefndar: Nefndin beinir því til bæjarstjórnar að skipulagsfulltrúa verði falið að ganga frá málinu í samræmi við 1. málsgrein 42. grein skipulagslaga nr. 123/2010.
18. 2511026 - Kirkjuferjuhjáleiga DSK
Auglýsingaferli er lokið. Umsagnir bárust frá Náttúruverndarstofnun, Vegagerðinni, Veitum, Heilbrigðiseftirliti Suðurlands og Minjastofnun Íslands. Vegagerðin gerði athugasemd við vegtengingu við Kirkjuferjuveg og hefur skipulagshöfundur brugðist við með því að færa vegtenginguna í stöð 1040 og loka tengingu í stöð 940 í samráði við Vegagerðina. Aðrir umsagnaraðilar gerðu ekki athugasemdir. Skipulagið er lagt fram uppfært.
Afgreiðsla skipulags- og umhverfisnefndar: Byggingarreitir hafa breyst frá síðustu útgáfu án þess að það hafi verið tiltekið í yfirliti breytinga. Laga þarf byggingarreiti.
19. 2610137 - Umsókn um framkvæmdaleyfi - Vinnslu og vöktunarholur Nesbraut 25 og Laxabraut 5
Arnarlax sækir um framkvæmdaleyfi fyrir þremur borholum. Einni vinnsluholu og tveimur vöktunarholum sem ætlaðar eru til að vakta grunnvatnsstöðu og ástand.
Afgreiðsla skipulags- og umhverfisnefndar: Málinu er frestað til næsta fundar. Nefndin felur skipulagsfulltrúa að kalla eftir umsögn Hydros um málið.
Fleira ekki gert. Fundi slitið kl. 11:15 

Til bakaPrenta
Prenta síðu
X Loka
Var efnið á síðunni hjálplegt?