| |
| 1. 2609001 - Mosfellsheiðarvirkjanir I og II | |
Bæjarráð Ölfuss getur að svo stöddu ekki stutt að Mosfellsheiðarvirkjun I, R4306A, eða Mosfellsheiðarvirkjun II, R4307A, verði flokkuð í orkunýtingarflokk verndar- og orkunýtingaráætlunar.
Afstaðan byggist á því að ekki liggur fyrir nægilega upplýst og endanleg útfærsla virkjunarhugmyndanna, upplýst afstaða íbúa, heildstætt mat á uppsöfnuðum áhrifum vindorku á Mosfellsheiði, flugöryggi, vatnsvernd og landslagi né bindandi greining á staðbundnu orkuöryggi og fjárhagslegum ávinningi fyrir Ölfus, íbúa og fyrirtæki.
Bæjarstjórn vísar sérstaklega til orku- og auðlindastefnu Ölfuss í þessu samhengi.
Endurskoðun afstöðu getur komið til greina þegar:
-Nákvæm hnit, fjöldi, afl og heildarhæð vindmylla liggja fyrir.
-Uppsöfnuð áhrif allra vindorkuhugmynda á heiðinni hafa verið metin.
-Óháð fjárhagsgreining sýnir brúttó- og nettóáhrif fyrir Ölfus samkvæmt gildandi lögum.
-Sýnt hefur verið fram á mælanlegan ávinning fyrir afhendingaröryggi, atvinnulíf og íbúa.
-Fullnægjandi kynning og samráð hefur farið fram við íbúa og fyrirtæki.
Samþykkt samhljóða.
| | |
|
| 2. 2609002 - Beiðni um undanþágu vegna íbúðar fyrir aldraða - Trúnaðarmál | |
Lagt er til að erindinu verði vísað til fjölskyldu- og fræðslunefndar til umfjöllunar.
Samþykkt samhljóða.
| | |
|
| 3. 2609004 - Beiðni um aukningu á stöðugildum í dagdvöl aldraðra | |
Bæjarráð vísar erindinu til gerðar fjárhagsáætlunar og óskar eftir því að fyrir liggi nánari upplýsingar um hvaða breytingar hafa orðið á rekstri dagdvalar sem kalla á tilgreinda fjölgun starfsmanna.
Samþykkt samhljóða.
| | |
|
| 4. 2609005 - Beiðni um viðauka vegna viðhalds | |
Bæjarráð samþykkir erindið og felur starfsmönnum sínum að vinna viðauka vegna þess.
Samþykkt samhljóða.
| | |
|
