Fundargerðir

Framkvæmda- og hafnarnefnd - 90

Haldinn í Þjónustumiðstöð,
21.10.2026 og hófst hann kl. 08:15

Fundinn sátu: Guðbergur Kristjánsson formaður,
Erla Sif Markúsdóttir varaformaður,
Böðvar Guðbjörn Jónsson aðalmaður,
Berglind Dan Róbertsdóttir 2. varamaður,
Sigurður Freyr V. Sigurvinsson aðalmaður,
Sigmar Björgvin Árnason sviðsstjóri,

Fundargerð ritaði: Sigmar B Árnason, Sviðstjóri og byggingarfulltrúi

Í upphafi fundar óskaði formaður eftir að taka 1 mál inná fund með afbrigðum mál nr 8 á dagskrá.

Inná fundin undir mál nr 3 á dagskrá mæti Sigurður Áss Grétarsson og fór yfir stöðu framkvæmda.

Inná fundin undir mál nr 2 Davíð Halldórsson umhverfisstjóri og fór yfir stöðu verkefnisins.

Dagskrá:

Almenn mál

1. 2610120 - Breytingar á deiliskipulagi hafnarsvæðis

Sviðstjóri leggur fyrir nefndina deiliskipulag hafnarsvæðis frá 2017 til umræðu um mögulegar breytingar á því.

Afgreiðsla: Framkvæmda- og hafnarnefnd tekur jákvætt í fyrirliggjandi hugmyndir um breytingu á deiliskipulagi hafnarsvæðis H1 í Þorlákshöfn.
Helstu breytingar felast í því að gatnakerfi verði endurskoðað og stærri atvinnulóðum skipt upp í fleiri lóðir.
Markmið breytinganna er að bæta landnýtingu á hafnarsvæðinu, auka framboð atvinnulóða, skapa fjölbreyttari möguleika fyrir hafnsækna atvinnustarfsemi og stuðla að hagkvæmari uppbyggingu gatnakerfis og innviða.
Nefndin samþykkir fyrir sitt leyti að unnið verði að breytingu deiliskipulagsins á þessum forsendum og vísar málinu til skipulags- og umhverfisnefndar til frekari meðferðar.

2. 2604019 - Skilagrein fyrir sorphirðu í sveitafélaginu Ölfus árið 2025

Umhverfistjóri leggur fyrir nefndina drög af dreifibréfi sem unnið var í samráði við þjónustuaðila með sorphirðu.

Afgreiðsla: Nefndin þakkar umhverfisstjóra fyrir vel unnin upplýsingabækling og felur honum að fylgja málinu eftir.

3. 2608028 - Flataskersbryggja - framkvæmdir

Sigurður Áss umsjónarmaður með framkvæmdu hafnarinnar kemur á fundinn og fer yfir stöðu þeirra.

Afgreiðsla: Lagt fram, nefndin þakkar upplýsingarnar.

4. 2610121 - Framkvæmdaráætlun 2026-2030

Sviðstjóri fer yfir stöðuna á undirbúningsvinnu framkvæmdaráætlunar 2026-2030

Afgreiðsla: Lagt fram

5. 2608027 - Gatnagerð - Víkursandur

Sviðstjóri fer yfir stöðu útboðs og samnings við jarðvinnuverktaka.

Afgreiðsla: Lagt fram, nefndin þakkar upplýsingarnar

6. 2601048 - Framkvæmdaráætlun 2025-26

Sviðsstjóri fór yfir stöðu helstu verklegar framkvæmdir sem eru á áætlun 2026.

Afgreiðsla: Lagt fram, nefndin þakkar upplýsingarnar.

7. 2610135 - Losun á sandi á Hafnar- og Austurbakka

Sviðstjóri leggur fyrir nefndina minnisblað um möguleika á flutning á sandi af götustæðum innan deiliskipulagssvæði hafnarinnar.

Afgreiðsla: Staðfest. Nefndin felur sviðstjóra að vinna málið áfram.

8. 2610138 - Skarfaskersbryggja - framkvæmdir

Sviðstjóri legur fyrir nefndina niðurstöður útboðs vegna framkvæmda við Skarfaskersbryggju

6 tilboð bárust í verkið.

Stórverk ehf. 56.622.262.- 79,8%
Hagtak hf. 61.471.850.- 86,6%
Tindahagur ehf. 93.023.313.- 131,1%
K16 ehf. 93.626.220.- 131,9%
PK verk ehf. 123.687.760.- 174,3%
Sjótækni ehf. 125.622.200.- 177,0%

Kostnaðaráætlun 70.971.200.- 100%

Afgreiðsla: Framkvæmda- og hafnarnefnd samþykkir fyrir sitt leyti að gengið verði til samninga við lægstbjóðanda Stórverk ehf, að uppfylltum skilyrðum útboðsgagna.
Nefndin felur starfsmönnum að fylgja málinu eftir í samráði við Vegagerðina.

Fleira ekki gert. Fundi slitið kl. 10:15

Til baka

Prenta

Prenta síðu

X Loka