Fundargerðir

Bæjarráð Ölfuss - 469

Haldinn í fjarfundi,
06.08.2026 og hófst hann kl. 12:15

Fundinn sátu: Sigurbjörg Jenný Jónsdóttir aðalmaður,
Erla Sif Markúsdóttir 1. varamaður,
Gunnsteinn R. Ómarsson aðalmaður,
Elliði Vignisson bæjarstjóri,
Sandra Dís Hafþórsdóttir sviðsstjóri,

Fundargerð ritaði: Sandra Dís Hafþórsdóttir, sviðsstjóri

Í upphafi fundar leitaði formaður eftir athugasemdum við fundarboð en engar bárust.

Einnig var óskað eftir að taka inn með afbrigðum mál nr. 2607011 og var það samþykkt samhljóða.

Dagskrá:

Almenn mál

1. 1602017 - Fjárhagsupplýsingar Sveitarfélagið Ölfus.

Fyrir fundinum liggur 6 mánaða uppgjör Sveitarfélagsins Ölfuss fyrir tímabilið 1. janúar til 30. júní 2026.

Eins og seinustu misseri er rekstrarstaðan sterk. Rekstrarafgangur samstæðu nemur 462,2 m.kr., þar af 198,3 m.kr. hjá A-hluta og 263,9 m.kr. hjá B-hluta. Útsvarstekjur hækka um 12% miðað við sama rekstrartímabil í fyrra, fasteignaskattar um 16% og lóðaleiga um 22%. Þessar hækkanir liggja nærri verðlagsþróun að viðbættum áhrifa af um 6% fjölgun íbúa á einu ári og umtalsverðri fjölgun fasteigna, bæði íbúðar- og atvinnuhúsnæðis.

Kostnaður af rekstri stærstu málaflokka er á sama hátt í samræmi við fjölgun og áherslu á fræðslumál, félagsþjónustu og aðra hornsteina fjölskyldumiðaðssamfélags. Þannig eykst kostnaður við fræðslu- og uppeldismál um 14%, félagsþjónustu um 16% og æskulýðs- og íþróttamál um 14%.

Bæjarráð þakkar framlagt rekstraryfirlit fyrir tímabilið 1. janúar til 30. júní 2026. Bæjarráð fagnar sterkri afkomu og leggur áherslu á áframhaldandi aðhald og reglubundið eftirlit með þeim liðum sem ganga hraðar á fjárheimildir en áætlun gerir ráð fyrir.

2. 2607043 - Framtíð sameiginlegra verkefna sveitarfélaga - bréf Heilbrigðisnefndar til sveitarstjórna á Suðurland

Fyrir bæjarráði lá erindi frá Heilbrigðiseftirliti Suðurlands þar sem upplýst var um afstöðu nefndarinnar hvað varðar umfangsmiklar breytingar sem verða á verkefnum heilbrigðiseftirlits sveitarfélaga 1. janúar 2027.

Með lögum nr. 82/2026 og lögum nr. 85/2026 hafa verið samþykktar veigamiklar breytingar á skipulagi heilbrigðiseftirlits hér á landi. Heilbrigðisnefndir og núverandi heilbrigðiseftirlitssvæði sveitarfélaga verða lögð niður í núverandi mynd og verkefni þeirra færast að verulegu leyti til Umhverfis- og orkustofnunar og nýrrar Stofnunar atvinnuveganna. Jafnframt verða tiltekin verkefni áfram á ábyrgð sveitarfélaga.

Sveitarfélagið Ölfus er aðili að Heilbrigðiseftirliti Suðurlands bs. Breytingarnar kunna að hafa umtalsverð áhrif á stjórnsýslu og þjónustu sveitarfélagsins, atvinnuuppbyggingu, leyfis- og umsagnarferla, vatnsvernd, mengunarvarnir, fráveitumál og viðbragðsgetu vegna umhverfisatvika. Þá þarf sérstaklega að huga að varðveislu þeirrar staðbundnu þekkingar, gagna og starfsreynslu sem byggst hefur upp hjá Heilbrigðiseftirliti Suðurlands.

Óvissa er enn um nánari verkaskiptingu ríkisstofnana og sveitarfélaga, fyrirkomulag svæðisbundinnar þjónustu, yfirfærslu starfsfólks og gagna og fjárhagslegt og lagalegt uppgjör Heilbrigðiseftirlits Suðurlands bs. Mikilvægt er að Ölfus greini þessa þætti tímanlega og marki sér skýra afstöðu um hvernig hagsmunum sveitarfélagsins, íbúa þess og atvinnulífs verði best borgið við breytinguna.

Í erindinu er meðal annars bent á að aðalfundur Heilbrigðiseftirlits Suðurlands bs. verður haldinn samhliða Ársþingi SASS á Hvolsvelli í október og þar þarf að taka ákvörðun um framtíð þessa byggðasamlags 14 sveitarfélaga á Suðurlandi.

Bæjarráð samþykkir að fela starfsmönnum sveitarfélagsins að láta vinna minnisblað um áhrif fyrirhugaðra breytinga á heilbrigðiseftirliti sveitarfélaga, sem taka eiga gildi 1. janúar 2027, á starfsemi og hagsmuni Sveitarfélagsins Ölfuss.

Minnisblaðið verði lagt fyrir bæjarráð eins fljótt og unnt er.

Samþykkt samhljóða.

3. 2606045 - Óseyrartangi - Stækkun lóðar hótels - Óv. DSKbr

Lögð er fram óveruleg deiliskipulag vegna Hótels á Óseyrartanga. Breytingin felur í sér stækkun lóðar hótelsins um 1 ha.

Afgreiðsla skipulags- og umhverfisnefndar: Nefndin beinir því til bæjarstjórnar að skipulags og byggingarfulltrúum verði heimilað að samþykkja breytinguna og ganga frá málinu í samræmi við 3. mgr. 43. gr. skipulagslaga nr. 123/2010. Með fyrirvara um samþykkt landeiganda.