Húsnæðisbætur

PeningarHúsnæðisbætur

Lög nr. 75/2006 um húsnæðisbætur voru samþykkt á Alþingi og tóku gildi 1. janúar 2017.  Á sama tíma falla úr gildi lög um húsaleigubætur og hlutverk sveitarfélaganna varðandi útgreiðslu húsnæðisstuðnings til leigjenda flyst til Greiðslustofu húsnæðisbóta.

Markmið laga um húsnæðisbætur er að lækka húsnæðiskostnað efnaminni leigjenda með greiðslu húsnæðisbóta vegna leigu á íbúðarhúsnæði og draga úr aðstöðumun á húsnæðismarkaðnum.

Vinnumálastofnun annast framkvæmd húsnæðisbótakerfisins sem er fjármagnað að fullu úr ríkissjóði.  Við útreikning húsnæðisbóta er tekið mið af fjölda heimilismanna óháð aldri, leigufjárhæð, öllum tekjum og nettó eign, þ.e. eignum að frádregnum skuldum.

Inni á nýja vefnum www.husbot.is er að finna allar upplýsingar sem varða húsnæðisbætur og umsóknarferlið sjálft auk þess sem þar er að finna reiknivél sem hjálpar leigjendum að átta sig á fjárhæð mögulegra húsnæðisbóta.

Fyrstu greiðslur samkvæmt lögum um húsnæðisbætur voru greiddar út 1. febrúar 2017.

Sérstakur húsnæðisstuðningur

Með þessari lagabreytingu um húsnæðisbætur kallast nú sérstakar húsaleigubætur, sérstakur húsnæðisstuðningur.  Sérstakur húsnæðisstuðningur verður áfram greiddur frá sveitarfélögum.  Eyðublað fyrir sérstakan húsnæðisstuðning.  Vakin er athygli á að umsækjendur þurfa fyrst að hafa sótt um húsnæðisbætur hjá Greiðslustofu.

Sérstakar húsnæðisbætur er fjárstuðningur til greiðslu húsaleigu vegna samþykktra íbúða á almennum markaði til viðbótar við almennar húsnæðisbætur.  Aðstæður umsækjenda eru metnar út frá ákveðnum tekjuviðmiðum.

Reglur um sérstakan húsnæðisstuðning

 

X Loka
Var efnið á síðunni hjálplegt?