Fundargerðir

Skipulags- og umhverfisnefnd - 113

Haldinn í Ráðhúsi Ölfuss,
27.04.2026 og hófst hann kl. 14:00

Fundinn sátu: Geir Höskuldsson formaður,
Hjörtur S. Ragnarsson varaformaður,
Guðlaug Einarsdóttir aðalmaður,
Vilhjálmur Baldur Guðmundsson aðalmaður,
Hrönn Guðmundsdóttir aðalmaður,
Guðmundur Oddgeirsson áheyrnarfulltrúi,
Sigurður Steinar Ásgeirsson skipulagsfulltrúi,

Fundargerð ritaði: Sigurður Steinar Ásgeirsson, Sviðsstjóri Skipulags- og lögfræðisviðs

Dagskrá:

Almenn mál

1. 2604053 - Uppgræðslusjóður úthlutun 2026

Lögð er fram tillaga umhverfisstjóra að úthlutun úr uppgræðslusjóði 2026.

Afgreiðsla Skipulags- og umhverfisnefndar: Tillaga umhverfisstjóra staðfest.

2. 2604054 - Hreinsunarátak og umhverfisverðlaun 2026

Umhverfisstjóri kemur fyrir fundinn og kynnir fyrirkomulag hreinsunarátaks 2026.

Afgreiðsla skipulags og umhverfisnefndar: Tillaga að auglýsingu samþykkt. Fundað verði um veitingu umhverfisverðlauna á síðari fundi júnímánaðar 2026. Hreinsunarátak verður 2. til 11. maí. Grenndargámar fyrir dreifbýli verði staðsettir á eftirtöldum stöðum: Hjarðarbólssvæði, Hjallatorfu og Kirkjuferju en umhverfisfulltrúa er falið að ræða við landeigendur og fá heimild fyrir staðsetningu gáma á einkalandi.

3. 2604035 - Merkjalýsing - Uppskipting landeignar - Arnarvík, Lóuvík, Mávavík og Smyrlavík

Lagt er fram merkjalýsing - uppskipting landeignar - Arnarvík, Lóuvík, Mávavík og Smyrlavík. Merkjalýsing þessi er unnið skv. gildandi deiliskipulagi fyrir Vesturbyggð í Þorlákshöfn - áfangi 2 og 3, dags. B.deild augl. 05/01/2024 með síðari breytingum, dags. B.deil augl. 10/12/2024 og gildandi aðalskipulagi Sveitarfélagsins Ölfuss 2020-2036. Stofna á lóðir: Arnarvík - 8 lóðir, Lóuvík - 2 lóðir, Mávavík - 6 lóðir, Smyrlavík - 7 lóðir úr jörðinni Þorlákshöfn (L171822), jörðin er ekki með skráða stærð í fasteignaskrá HMS en minnkar nú um það sem því nemur. Heildastærð lóðir er 28959,6 m2.

Afgreiðsla skipulags- og umhverfisnefndar: Samþykkt

4. 2604038 - Merkjalýsing - Uppskipting landeignar - Selvogsbraut 8 og 10, Þorlákshöfn

Lagt er fram merkjalýsing - uppskipting landeignar - Selvogsbraut 8 og 10, Þorlákshöfn. Merkjalýsing þessi er unnið skv. gildandi aðalskipulagi Sveitarfélagsins Ölfuss 2020-2036. Selvogsbraut 8 er stofnuð úr Selvogsbraut 10 (L172144) - áður Selvogsbraut 8, sem er með skráða stærð 4742,9 m2 í fasteignaskrá HMS. Selvogsbraut 8 er 2249,3 m2. Engir matshlutar eru á lóðinni. Engin kvöð er á lóðinni. Selvogsbraut 10 er 2493,6 m2. Lóðin hét áður Selvogsbraut 8 en breytir nú um staðfang. Einn matshluti er á lóðinni: 01 - versl./skifstofuhús. Engir kvöð er á lóðinni.

Afgreiðsla skipulags- og umhverfisnefndar: Samþykkt

5. 2601077 - Tangagljúfur og Háagljúfur - AT6

Lagt er fram deiliskipulag fyrir Tanga- og Háagljúfur í Ölfusi. Í deiliskipulaginu eru markaðar annars vegar íbúðalóðir og hins vegar athafnalóðir.

Afgreiðsla Skipulags- og umhverfisnefndar: Deiliskipulagið er ekki í samræmi við aðalskipulag. Leggja þarf fram breytingu á aðalskipulagi svo hægt sé að taka deiliskipulagið fyrir.

6. 2604055 - Umsókn um framkvæmdaleyfi - Þorlákshafnarlína 2

Lögð er fram umsókn um framkvæmdaleyfi vegna lagningar Þorlákshafnarlínu 2. Umsóknin snýr aðeins að þeim kafla sem fyrirhugað er að leggja á árinu 2026.

Afgreiðsla Skipulags- og umhverfisnefndar: Framkvæmdaleyfi veitt með fyrirvara um að samið hafi verið við landeigendur landareigna þar sem strengurinn er lagður um.

Fleira ekki gert. Fundi slitið kl. 16:00

Til baka

Prenta

Prenta síðu

X Loka