Fundargerðir

Skipulags- og umhverfisnefnd - 123

Haldinn í Ráðhúsi Ölfuss,
06.11.2026 og hófst hann kl. 08:15

Fundinn sátu: Guðlaug Einarsdóttir varaformaður,
Geir Höskuldsson formaður,
Guðbergur Kristjánsson aðalmaður,
Bettý Grímsdóttir aðalmaður,
Guðmundur Oddgeirsson aðalmaður,
Sigurður Steinar Ásgeirsson skipulagsfulltrúi,

Fundargerð ritaði: Sigurður Steinar Ásgeirsson, Sviðsstjóri Skipulags- og lögfræðisviðs

Dagskrá:

Almenn mál

1. 2212003 - DSK Klettagljúfur deiliskipulag

Lagt er fram deiliskipulag fyrir Klettagljúfur. Skipulagið var samþykkt á sínum tíma en tókst ekki að birta það í B-deild í tæka tíð og því tók það aldrei gildi. Skipulagið er því endurauglýst í þeirri mynd sem það hafði tekið á sig á sínum tíma.

Afgreiðsla skipulags- og umhverfisnefndar: Nefndin beinir því til bæjarstjórnar að skipulagsfulltrúa verði falið að auglýsa tillöguna í samræmi við 1. málsgrein 41. greinar skipulagslaga nr. 123/2010. Nefndin felur skipulagsfulltrúa að upplýsa íbúa hverfisins sérstaklega þegar skipulagið er auglýst.

2. 2610159 - Umsókn um byggingarheimild eða -leyfi - Oddabraut 13 - Flokkur 1

Lóðarhafi sækir um byggingarleyfi til að reisa nýjan bílskúr ásamt vinnustofu og geymslu með sérinngangi á stærð 75,0 m2 - í stað bílskúrs á stærð 37,2 m2 sem ráðgert er að rífa. Samhliða umsókn þessari er send inn niðurrifsumsókn. Niðurrifsumsókn hefur verið samþykkt.

Afgreiðsla skipulags- og umhverfisnefndar: Nefndin beinir því til bæjarstjórnar að skipulagsfulltrúa verði falið að grenndarkynna tillöguna í samræmi við 2. mgr. 43 gr. skipulagslaga nr. 123/2010. Tillagan verði grenndarkynnt með bréfi til lóðarrétthafa eftirtalinna lóða: Oddabraut 15, Oddabraut 11, Oddabraut 14, Egilsbraut 16, Egilsbraut 14

3. 2606038 - Litla kaffistofan - Ferðaþjónusta - Nýtt deiliskipulag

Auglýsingaferli tillögunnar er lokið. Umsagnir bárust frá Vegagerðinni, Heilbrigðiseftirliti Suðurlands, Veitum, Minjastofnun Íslands, Rarik og Náttúruverndarstofnun auk athugasemdar frá fjallskilanefnd Ölfuss. Skipulagshöfundur hefur brugðist við umsögnum og er tillagan lögð fram uppfærð. Bætt hefur verið við veghelgunarsvæði, staðsetningu rotþróar, vatnsbóls og óraskaðs eldhrauns ásamt skilmálum um akstursleiðir, gestafjölda og mengunarvarnir. Fram kemur að engar framkvæmdir verði á óröskuðu eldhrauni og að fyrirhuguð tilfærsla slóða sé á þegar röskuðu landi.

Afgreiðsla skipulags- og umhverfisnefndar: Nefndin beinir því til bæjarstjórnar að skipulagsfulltrúa verði falið að ganga frá málinu í samræmi við 1. málsgrein 42. greinar skipulagslaga nr. 123/2010.

4. 2611009 - Gljúfurárholt land 5 og 6 VÞ21 - Fyrirspurn um breytingu á aðalskipulagi

ASK arkitektar leggja fram fyrirspurn fyrir hönd landeiganda Gljúfurholts lands 5 og 6 um afstöðu nefndarinnar til breytingar á aðalskipulagi. Í gildandi aðalskipulagi er svæðið skilgreint sem verslunar- og þjónustusvæði VÞ21 með heildarbyggingarmagn allt að 500 m² og mannvirki að jafnaði á einni hæð. Óskað er eftir að hámarksbyggingarmagnið verði fellt út og þess í stað heimilað nýtingarhlutfall allt að 0,5 á hvorri lóð. Jafnframt er óskað eftir að skilmálar um starfsemi verði rýmkaðir og heimilaðar byggingar á allt að tveimur hæðum.

Afgreiðsla Skipulags- og umhverfisnefndar: Frestað

5. 2609020 - Umferðaröryggi í búðahverfi - Beiðni um lokun tengingar úr biskupabúðum í Faxabraut

Málið var áður á dagskrá 120. fundar nefndarinnar 21. september 2026. Þar taldi nefndin mögulega ákjósanlegt að loka leiðinni, sérstaklega á meðan framkvæmdir standa yfir við grunnskólann, en óskaði eftir áliti hestamannafélagsins Háfeta áður en ákvörðun yrði tekin. Álit Háfeta barst 15. október 2026. Félagið leggst gegn lokun við enda Biskupabúða, þar sem hesthúsaeigendur þyrftu þá að aka að minnsta kosti 2,7 km lengri leið að hesthúsunum. Félagið leggur þess í stað til að lokað verði á öðrum stað, þannig að komið verði í veg fyrir gegnumakstur að laxeldisfyrirtækjunum um Búðahverfi en bein tenging við hesthúsin haldist.

Afgreiðsla Skipulags og umhverfisnefndar: Nefndin tekur undir sjónarmið hestamannafélagsins Háfeta og leggur tillögu félagsins til grundvallar. Lagt er til að tengingu milli hesthúsahverfisins og Laxabrautar verði lokað en tengingin úr Biskupabúðum í Faxabraut verði áfram opin. Til að byrja með verði sett upp tímabundin lokun sem miðast við framkvæmdir á grunnskóla og metið hvernig hún reynist. Verði lokunin ekki virt getur reynst nauðsynlegt að rjúfa veg sem tengir Laxabraut við hesthúsahverfi.

6. 2611011 - Beiðni um heimild til að reisa garðskála

Lóðarhafi að Klængsbúð 19 óskar eftir heimild til að reisa um 12,8 m² garðskála (blómaskála) úr límtré og gleri á núverandi sólpalli götumegin við húsið. Skálinn yrði utan byggingarreits. Samkvæmt gr. 2.4 í skilmálum deiliskipulags Búðahverfis skulu útbyggingar, svo sem sólskálar, rúmast innan byggingarreits. Klængsbúð 17-21 er ein sameiginleg lóð, L203725.

Afgreiðsla Skipulags- og umhverfisnefndar:Nefndin bendir á að fyrirhugaður skáli er utan byggingarreits. Gera þarf óverulega breytingu á deiliskipulagi, þar sem byggingarreitur er stækkaður, áður en heimilt yrði að reisa slíkan skála. Áður en lóðarhafi lætur vinna slíka breytingu telur nefndin rétt að áformin verði grenndarkynnt fyrir eigendum Klængsbúðar 17 og 21. Nefndin felur skipulagsfulltrúa að grenndarkynna beiðnina.

7. 2512049 - Kirkjuferja - Fjórar íbúarlóðir - Nýtt deiliskipulag

Lögð er fram beiðni landeiganda Kirkjuferju um að sveitarfélagið óski eftir undanþágu frá ákvæði gr. 5.3.2.5 í skipulagsreglugerð nr. 90/2013 um 50 m fjarlægð íbúðarhúsa frá héraðsvegi, vegna byggingarreits á lóð 4. Samkvæmt staðfestingu Vegagerðarinnar liggur Kirkjuferjuvegur (3915) meðfram fyrirhuguðum lóðum að Kirkjuferju 2. Byggingarreitur íbúðarhúss á lóð 4 yrði um 20 m frá miðlínu vegarins. Vegagerðin vísar ákvörðun um undanþágu til ráðuneytis en tekur fram að hún muni ekki taka þátt í kostnaði vegna óþæginda af nálægð við veginn.

Afgreiðsla Skipulags- og umhverfisnefndar: Nefndin telur að í þessu tilviki sé forsvaranlegt að víkja frá ákvæði gr. 5.3.2.5 í skipulagsreglugerð nr. 90/2013 um 50 m fjarlægð íbúðarhúsa frá héraðsvegi. Kirkjuferjuvegur (3915) endar við Kirkjuferju 2 og þjónar fyrst og fremst þeim fáu eignum sem við hann standa. Umferð um veginn er því lítil og ekki líklegt að hún aukist verulega á komandi árum. Nefndin beinir því til bæjarstjórnar að óskað verði eftir undanþágu ráðherra frá ákvæðinu vegna byggingarreits íbúðarhúss á lóð 4.

8. 2602411 - Námur í Lambafelli E2 og E3 - DSK

Lagt er fram nýtt deiliskipulag fyrir efnistökusvæði E2 og E3 í Lambafelli, þar sem E2 er tvískipt. Skipulagslýsing var kynnt í Skipulagsgátt frá 12. mars til 26. apríl 2026. Samhliða hefur verið unnin óveruleg breyting á aðalskipulagi, þar sem heimilt efnismagn er uppfært í samræmi við umhverfismat sem unnið var fyrir námurnar 2008-2010. Bæjarstjórn samþykkti þá breytingu 28. október 2026.

Afgreiðsla Skipulags- og umhverfisnefndar: Nefndin beinir því til bæjarstjórnar að skipulagsfulltrúa verði falið að auglýsa tillöguna í samræmi við 1. málsgrein 41. greinar skipulagslaga nr. 123/2010.

9. 2605011 - Tangagljúfur og Háagljúfur - AT6, ÍB36 og VÞ20 óv. ASKbr

Grenndarkynningu óverulegrar breytingar á aðalskipulagi er lokið. Athugasemd barst frá eigendum Friðarminnis auk ábendinga frá eiganda Háagljúfurs 7 en þær lutu fyrst og fremst að útfærslu deiliskipulagsins, svo sem aðkomu, hljóðmönum, umgengni á byggingartíma og stærð bílskúra. Landeigandi hefur brugðist við þeim í uppfærðri deiliskipulagstillögu dags. 2. nóvember 2026 og aðalskipulagsbreytingin er lögð fram dags. 3. nóvember 2026.

Afgreiðsla Skipulags- og umhverfisnefndar: Nefndin samþykkir óverulega breytingu á aðalskipulagi og beinir því til bæjarstjórnar að skipulagsfulltrúa verði falið að senda hana Skipulagsstofnun í samræmi við 2. mgr. 36. gr. skipulagslaga nr. 123/2010. Jafnframt samþykkir nefndin að deiliskipulagstillagan verði auglýst í samræmi við 1. mgr. 41. gr. skipulagslaga nr. 123/2010.

Fleira ekki gert. Fundi slitið kl. 10:15

Til baka

Prenta

Prenta síðu

X Loka