Fundargerðir

Til bakaPrenta
Skipulags- og umhverfisnefnd - 114

Haldinn í Ráðhúsi Ölfuss,
11.05.2026 og hófst hann kl. 14:00
Fundinn sátu: Geir Höskuldsson formaður,
Hjörtur S. Ragnarsson varaformaður,
Guðlaug Einarsdóttir aðalmaður,
Vilhjálmur Baldur Guðmundsson aðalmaður,
Hrönn Guðmundsdóttir aðalmaður,
Guðmundur Oddgeirsson áheyrnarfulltrúi,
Sigurður Steinar Ásgeirsson skipulagsfulltrúi,
Fundargerð ritaði: Sigurður Steinar Ásgeirsson, Sviðsstjóri Skipulags- og lögfræðisviðs


Dagskrá: 
Almenn mál
1. 2603068 - Hjarðarból - útvíkkun deiliskipulags - DSKbr
Lögð er fram breyting á deiliskipulagi Hjarðarból lóðir 1 og 2. Skipulagsbreytingin felur í sér stækkun skipulagssvæðisins til vesturs og afmörkun 6 nýrra íbúðalóða.
Afgreiðsla skipulags- og umhverfisnefndar: Samþykkt með fyrirvara um að gerð innviða og vega í hverfinu skal fylgja ákvæðum tæknilýsingar sveitarfélagsins fyrir íbúabyggð í dreifbýli. Stofnun nýrra lóða verði heimilaðar þegar ákvæðum tæknilýsingar hefur verið fylgt. Nefndin beinir því til bæjarstjórnar að skipulagsfulltrúa verði falið að auglýsa tillöguna í samræmi við 1. málsgrein 41. greinar skipulagslaga nr. 123/2010.
2. 2603079 - Fyrirspurn um ASKbr - Samfélagsþjónustusvæði í íbúðasvæði
Lögð er fram fyrirspurn um heimild til breytingar á aðalskipulagi í Árbæjarhverfi. Breytingin snýr að því að hluta af samfélagsþjónustusvæðis S16 yrði breytt í íbúðabyggð. Ekki er talið líklegt að þörf verði á skóla/leikskóla á þessum stað á næstunni og standa því hugmyndir til að nýta landið undir íbúðir.
Afgreiðsla Skipulags- og umhverfisnefndar: Nefndin tekur undir að fólksfjöldi í hverfinu er ekki svo mikill að þörf verði á skóla/leikskóla þar á næstu árum. Heimild til að hefja vinnu við aðalskipulagsbreytingu veitt. Mikilvægt er að slík breyting fái kynningu fyrir íbúum í Árbæjar þegar hún er auglýst.
3. 2604057 - Umsókn um framkvæmdaleyfi - Vinnsluborhola við Skarðsmýrarfjall
ON sækir um framkvæmdaleyfi til borunar vinnsluborholu við Skarðsmýrarfjall, inni á skilgreindu iðnaðarsvæði í aðalskipulagi.
Afgreiðsla Skipulags- og umhverfisnefndar: Framkvæmdaleyfi veitt.
4. 2604056 - Þorlákshafnarvegur - óverulegar breytingar aðliggjandi DSK
Lagðar eru fram 5 óverulegar breytingar á Deiliskipulögum við Þorlákshafnarveg. Breytingarnar eru gerðar samhliða deiliskipulagi vegarins til að samræma deiliskipulagsmörk.
Afgreiðsla skipulags- og umhverfisnefndar: Nefndin beinir því til bæjarstjórnar að skipulagsfulltrúa verði falið að ganga frá málinu í samræmi við 2. málsgrein 43. greinar skipulagslaga nr 123/2010. Nefndin felur skipulagsfulltrúa að grenndarkynna breytinginarnar fyrir landeigendum sem þær hafa áhrif á.
5. 2601075 - Þorlákshafnarvegur deiliskipulag
Deiliskipulag fyrir Þorlákshafnarveg hefur lokið athugasemdaferli. Lagðar eru fram athugasemdir og viðbrögð við þeim ásamt uppfærðu Deiliskipulagi.
Afgreiðsla skipulags- og umhverfisnefndar: Nefndin beinir því til bæjarstjórnar að skipulagsfulltrúa verði falið að ganga frá málinu í samræmi við 1. málsgrein 42. grein skipulagslaga nr. 123/2010.
6. 2604019 - Skilagrein fyrir sorphirðu í sveitafélaginu Ölfus árið 2025
Lögð er fram til kynningar skýrsla Íslenska Gámafélagsins um sorphirðu í Ölfusi. Samkvæmt ábendingum frá verktaka er flokkun úrgangs í Ölfusi ábótavant og flokkunarhlutfall lágt.
Afgreiðsla Skipulags- og umhverfisnefndar: Nefndin þakkar skýrsluna. Nefndin leggur til að skýrslan fari í almenna kynningu meðal íbúa sveitarfélagsins.
7. 2403014 - Fjölnota Íþróttahús
Fulltrúi vinnuhóps um nýtt fjölnota íþróttahús kemur inná fundinn og fer yfir stöðuna og kynnir þær hugmyndir sem vinnuhópurinn hefur rætt um.
Afgreiðsla skipulags- og umhverfisnefndar: Nefndin þakkar kynninguna og tekur undir að staðsetning hússins sunnan við frjálsíþróttavöll væri sú heppilegasta fyrir slíkt hús. Nefndin felur skipulagsfulltrúa að setja af stað deiliskipulagsvinnu fyrir svæðið.
8. 2402017 - Grímslækjarheiði - Hraunkvíar DSK
Deiliskipulag Hraunkvía á Grímslækjarheiði er endurauglýst þar sem meira en 12 mánuðir eru liðnir frá lokum auglýsingarfrests og skipulagið ekki verið birt í B-deild. Skipulagssvæðið ser samtals um 9,2 ha. að stærð og felur í sér afmörkun 14 íbúðalóða á reit ÍB17 skv. aðalskipulagi Ölfus.
Afgreiðsla skipulags- og umhverfisnefndar: Nefndin beinir því til bæjarstjórnar að skipulagsfulltrúa verði falið að auglýsa tillöguna í samræmi við 1. málsgrein 41. greinar skipulagslaga nr. 123/2010.
9. 2602009 - Árbær 4 - Dýraspítali og verslunarlóðir - DSK
-Endurkoma eftir auglýsingaferli
Skipulagshöfundur hefur brugðist við innkomnum athugasemdum og er lagt fram uppfært deiliskipulag ásamt stafrænum gögnum.
Afgreiðsla skipulags- og umhverfisnefndar: Nefndin beinir því til bæjarstjórnar að skipulagsfulltrúa verði falið að ganga frá málinu í samræmi við 1. málsgrein 42. grein skipulagslaga nr. 123/2010.
10. 2605007 - Umsókn um framkvæmdaleyfi - Gatnagerð Hraunkvíar
Landeigandi Hraunkvía sækir um framkvæmdaleyfi til að ráðast í gatnagerð á landinu. Deiliskipulag fyrir hverfið var langt komið í skipulagsferlinu en það þurfti að endurauglýsa það þar sem það rann út á tíma. Landeigandi hefur hug á að nýta sumarið 2026 í gatnagerð. Gatnagerð verður gerð í samræmi við tæknilýsingu sveitarfélagsins fyrir íbúabyggð í dreifbýli.
Afgreiðsla Skipulags- og umhverfisnefndar: Framkvæmdaleyfi veitt.
11. 2601077 - Tangagljúfur og Háagljúfur - AT6 DSK
Lagt er fram deiliskipulag fyrir Tanga- og Háagljúfur í Ölfusi. Í deiliskipulaginu eru markaðar annars vegar íbúðalóðir og hins vegar athafnalóðir. Samhliða deiliskipulaginu er lögð fram óveruleg aðalskipulagsbreyting fyrir svæðið.
Afgreiðsla skipulags- og umhverfisnefndar: Frestað til næsta fundar.
12. 2605011 - Tangagljúfur og Háagljúfur - AT6, ÍB36 og VÞ20 óv. ASKbr
Lögð er fram óveruleg breyting á aðalskipulagi Ölfuss sem tekur til bæjarholtsins í Gljúfurárholti, Gljúfurholts, svæðis sem liggur milli Ölfusvegar og Suðurlandsvegar. Í breytingunni felst að athafnasvæðinu AT6 er breytt í verslunar og þjónustusvæði VÞ20. Einnig er bætt við svæði fyrir íbúabyggð í dreifbýli sem mun nefnast ÍB36.
Afgreiðsla skipulags- og umhverfisnefndar: Frestað til næsta fundar.
13. 2503002 - Umsögn um starfsleyfi - Radar til fuglarannsókna á mosfellsheiði
Orkuveita Reykjavíkur fékk stöðuleyfi fyrir fuglamælingaradar á mosfellsheiði vorið 2025. Óskað er eftir framlengingu stöðuleyfisins um eitt ár svo hægt sé að afla enn frekari gagna.
Afgreiðsla Skipulags- og umhverfisnefndar: Stöðuleyfi veitt.
Fleira ekki gert. Fundi slitið kl. 16:00 

Til bakaPrenta
Prenta síðu
X Loka
Var efnið á síðunni hjálplegt?