Fundargerðir

Til bakaPrenta
Fjölskyldu- og fræðslunefnd - 45

Haldinn í Ráðhúsi Ölfuss,
18.11.2026 og hófst hann kl. 08:15
Fundinn sátu: Bettý Grímsdóttir formaður,
Óttar Ingólfsson varaformaður,
Berglind Eva Markúsdóttir aðalmaður,
Oskar Rybinski aðalmaður,
Hrafnhildur Lilja Harðardóttir aðalmaður,
Helena Helgadóttir leikskólastjóri,
Hrafnhildur Hlín Hjartardóttir leikskólastjóri,
Guðlaug Einarsdóttir skólastjóri,
Ingibjörg Aðalsteinsdóttir áheyrnarfulltrúi,
Hallfríður Snorradóttir áheyrnarfulltrúi,
Harpa Vignisdóttir áheyrnarfulltrúi,
Kristín Ingadóttir áheyrnarfulltrúi,
Eyrún Hafþórsdóttir sviðsstjóri,
Jóhanna M Hjartardóttir sviðsstjóri,
Fundargerð ritaði: Jóhanna M. Hjartardóttir, sviðsstjóri
Formaður setti fund og óskaði eftir athugasemdum við fundarboð en engar bárust.

Formaður bauð nýjan áheyrnafulltrúa foreldra, Kristínu Ingadóttur, frá Leikskólanum Hraunheimum velkomna.

Gengið var til dagskrár.


Dagskrá: 
Almenn mál
1. 2311017 - Skýrsla skólastjóra
Skólastjóri kynnti helstu verkefni og viðburði í skólastarfi undanfarins mánaðar. Farið var yfir endurskoðun skólanámskrár, vinnu í kjölfar niðurstaðna Skólapúlsins, foreldrasamstarf, viðburði og áherslur í kennslu og upplýsingagjöf.

Kynntar voru niðurstöður Nemendakönnunar Skólapúlsins fyrir skólaárið 2026 til 2027. Fram kom að nemendur mælast sterkir í trú á eigin námsgetu og sambandi við kennara, en niðurstöður benda jafnframt til áskorana varðandi vellíðan. Sérstaklega var rætt um að tíðni eineltis mælist yfir landsmeðaltali og að unnið verði markvisst að aðgerðum til að efla öryggi og jákvæð samskipti nemenda.

Nefndin lýsir ánægju með fjölbreytt og öflugt skólastarf en telur jafnframt mikilvægt að bregðast markvisst við þeim áskorunum sem fram koma í niðurstöðum Skólapúlsins, sérstaklega hvað varðar vellíðan nemenda og notkun samfélagsmiðla.

Nefndin óskar eftir að fylgst verði áfram með þróun mála og að upplýsingar um framvindu aðgerða verði lagðar fyrir nefndina síðar á skólaárinu.
2. 2311012 - Skýrsla leikskólastjóra Bergheima
Leikskólastýra kynnti helstu verkefni og viðburði í leikskólastarfinu. Farið var yfir innleiðingu nýrrar orðaforðaskimunar fyrir yngstu börnin, þátttöku starfsfólks í hugarfarsrannsókn og heimsókn þýskra nema í leikskólann. Jafnframt var greint frá viðburðum í leikskólanum, m.a. hausthátíð sem haldin var í lok október.
Nefndin þakkar leikskólastýru Bergheima, fyrir framlagða skýrslu og greinargóða kynningu á starfsemi leikskólans. Nefndin tekur jákvætt í þær áherslur sem þar koma fram, meðal annars á sviði málörvunar barna, starfsþróunar og gæðastarfs.
3. 2510039 - Bergheimar - Starfsáætlun
Starfsáætlun Leikskólans Bergheima fyrir skólaárið 2026 til 2027 lögð fram til umræðu og staðfestingar.

Í áætluninni er gerð grein fyrir helstu áherslum í starfi leikskólans, markmiðum um nám, velferð og þroska barna, samstarfi við foreldra, starfsþróun starfsfólks og helstu viðburðum skólaársins.

Nefndin hefur farið yfir starfsáætlun Bergheima og telur hana endurspegla skýrar faglegar áherslur og markmið leikskólans.

Nefndin staðfestir starfsáætlunina og vísar henni til afgreiðslu bæjarstjórnar.
4. 2508002 - Skýrsla leikskólastjóra Hraunheima
Leikskólastjóri Hraunheima kynnti helstu verkefni og viðburði í starfsemi leikskólans undanfarinn mánuð. Farið var yfir haustviðburði, heimsókn Bjössa brunabangsa, samstarf vegna skólaheimsókna, vettvangsnám nemenda og umbætur á leikskólalóð sem miða að bættu aðgengi barna. Jafnframt var greint frá jákvæðum árangri af innleiðingu PECS samskiptakerfisins og stöðu starfsmannamála.
Nefndin þakkar fyrir framlagða skýrslu og greinargóða kynningu á starfsemi Hraunheima. Nefndin tekur jákvætt í þær áherslur sem þar koma fram, meðal annars varðandi aukið aðgengi barna, þróun samskiptastuðnings og öflugt samstarf milli skólastiga.
5. 2611014 - Frístundamiðstöð - greinargerð um stofnun
Sviðsstjóri lagði fram, til umræðu og kynningar, greinargerð um stofnun Frístundamiðstöðvar Ölfuss.

Markmið tillögunnar er að efla og samræma frístundaþjónustu sveitarfélagsins með því að sameina helstu verkefni á sviði frístunda- og æskulýðsmála undir einni rekstrareiningu með skýrri faglegri forystu og ábyrgð. Jafnframt er markmiðið að styrkja samþættingu þjónustu við börn og ungmenni og styðja við farsæld þeirra og þátttöku í fjölbreyttu frístundastarfi.

Fjölskyldu- og fræðslunefnd fagnar framlagðri greinargerð og þeim áherslum sem þar koma fram um eflingu og samræmingu frístunda- og æskulýðsstarfs í sveitarfélaginu. Nefndin telur að stofnun frístundamiðstöðvar geti skapað sterkari faglegan grundvöll fyrir þjónustu við börn og ungmenni og stuðlað að auknu samstarfi milli þeirra aðila sem koma að málaflokknum.
Mál til kynningar
6. 2611032 - Bókun skólanefndar Hveragerðisbæjar
Skólanefnd Hveragerðisbæjar óskaði eftir því að Sveitarfélagið Ölfus, sem kemur að rekstri skólanna í Hveragerði, yrði kynnt bókun sem gerð var á fundi nefndarinnar 27. október sl.
Nefndin þakkar kynninguna.

Nefndin leggur áherslu á mikilvægi góðs samstarfs og upplýsingaflæðis á milli sveitarfélaganna, Hveragerðis og Ölfuss sem standa að rekstri skólanna í Hveragerði.
Fleira ekki gert. Fundi slitið kl. 10:00 

Til bakaPrenta
X Loka
Var efnið á síðunni hjálplegt?